น้ำปู๋

[~KT 2 U~]

 

ตางบ้านไผยังแป๋งอยู่ผ่องก่อเจ้า
ช่วงนี้หน้าปู๋นัก หันป้อเอามาแป๋งน้ำปู๋
ทรมานฮุดังขนาด ตอนตี้กะลังเริ่มต้ม กลิ่นบ่ค่อยปราณีเลยแต้ๆ

แต่พอใกล้จะดีกิ๋น กลิ่นจะเริ่มดีขึ้นเรื่อยๆ เจ้า

ไผมีสูตรแป๋งน้ำปู๋ผ่องก่อหา 

[we two]

บ่มีสูตร แต่มักขนาด จิ้มกับบ่าขามน้อยสักกำเนาะ กึดแล้วน้ำลายปุ๊..

[ละอ่อนโบราณ]

บ่มีสูตร แต่มักขนาด จิ้มกับบ่าขามน้อยสักกำเนาะ กึดแล้วน้ำลายปุ๊..

ซี้ดดดดดดดดด....น้ำลายปุ๊ต่านหย่าน 

[แก้ววอก]

ปั้นข้าวนึ่งก้อนใหญ่ๆ  เอาเข้าจ้ำออมน้ำปู๋ แล้วบิข้าวตางปื้นเป๋นกำมอกปอดีปากจ้ำน้ำปู๋ตี่เฮาจ้ำมากำแรก(ตี่ติดข้าวตังบน) กินไปกิ๋นจ๋นหมดก้อน ลำขนาดนักเน้อ   หรือตี่ฮ้องกั๋นว่าข้าวอว้ายน้ำปู๋ หรือข้าวบ่ายน้ำปู กิ๋นแล้วปากหอมนักแก


http://library.cmu.ac.th/ntic/lannafood/method_clip.php?id=21

สะมั๋ยตั๋วข้าม่อนแก้วเป๋นละอ่อน  วันๆขึ้นอยู่เก้าบ่าขาม  เอาน้ำปูขึ้นไปตวยเน้อ
แล้วก่นังอยู่บนเก้าบ่าขาม เด็ดบ่าขามน้อยมาโอดน้ำปู๋   ตึงมีความสุขขนาดหนัก แต่ยั่งว่า สุดท้ายก็ kee แหลวคว๊ากๆเน้อ  ยาน๊อกซี่เอาปอจั่มบ่าอยู่

[۰•ฮักแม่จัน©®]

พรุ่งว่าจะต๋ำบะโอกิ๋นซักกำอี้กะ  ใส่น้ำปู่เหมาะเน้อ

[~KT 2 U~]

 

จุเปิ้นน้ำลายปุ๊กั๋นนะ

จะนั้นวันพูกจะถามสูตรแป๋งน้ำปู๋ของป้อ มาบอกหื้อดีกว่าน้อเจ้า

แต่บ่เด่วนี้กั๊ดอกขนาด กลิ่นรุนแรงเคี่ยวตั้งเมื่อตะวามาละหนาเนี่ย บ่แล้วเตื่อเลยเจ้า ฮะๆ

[แก้ววอก]

จับต๋าอ่านกั๋นดีๆ(ในฮูป)

[ปิ๊กบ้านเมืองพาน]

ชอบรูปข้างบนนี่จังครับ  ชอบมากมาย

[>:l!ne-po!nt:<]

บะขามน้อยจิ้มกิ๋นตี้มันติดหม้อ(ดิน)นั่นกะเมาะ 

[แชทซาโนย่า กอยุ่ง~*-.]

กึ๊ดเติงหาอี่แม่     ฝนอ่อยซิซิ  นั่งเขี้ยวน้ำปู๋อยู่กะล่าง  เลิกโฮงเฮียนปิ๊กมาบ้านก่อห๊อมมมม.. หอมน้ำปู๋

ล่นไปคดข้าวมาแป๋งแบนๆ  บ่ายน้ำปู๋ฮ้อนๆ  ลำขนาด    แม่จ๋า....  คิดถึงแม่เน้อ

[นานา..จิตตัง รักพ่อค่ะ]

กาลครั้งหนึ่งเมินมาเเล้ว โตยก้นรถไถนาเวลาเติกนา ปู๋จะนักขนาด คนใหญ่เปิ้นสนใจปล๋าแต่ละอ่อนอย่างเฮาสนปู๋ ได่ปู๋มาเคี่ยวน้ำปู๋จนปอก้าน วันเสาร์วันติ้ด ก้อโตยก้นเเม่ไปซ้อน อาวุธก็คือเเซะ เเม่บอกได่ปล๋าก้อเอาปล๋า ได่ปู๋ก้อเอาปู๋ ได่เเมงจอนก้อเอา  ถ้าเหมืองไหนน้ำนิ่งก้อเอาเบ็ดมาจ่อม เหยื่อก้อคือกุ้งน้อย บ่ะอั้นก้อมันปู๋บีบน้ำมะนาวใส่ จ่อมปล๋าสะเด็ด  เสียดายบ่ะเด่วปู๋ก้อบ่ะค่อยมีเปิ้นเอายาเบื่อปู๋กันหมด เสียดายวิถีชีวิตอย่างสมัยตะก่อน ว่าเเล้วโทรหาแม่ดีกว่าหื้อส่งน้ำปู๋มาหื้อจะกินน้ำพริกน้ำปู๋กับหน่อ

[NEONAZI]

บ่าเด่วปู๋เขียมไปผ่องละครับ ยะนาสมัยบ่าเด่วเปิ้นใส่ยาปูกั๋นนัก ปู๋เลยบ่าใค่วมีเต้าใด
ตะก่อนถ้าเป๋นหว่างนี้ไปตางไดสาบก่าน้ำปู๋จนปอเมาหัว 

[ละอ่อนโบราณ]

กึ๊ดเติงหาอี่แม่     ฝนอ่อยซิซิ  นั่งเขี้ยวน้ำปู๋อยู่กะล่าง  เลิกโฮงเฮียนปิ๊กมาบ้านก่อห๊อมมมม.. หอมน้ำปู๋

ล่นไปคดข้าวมาแป๋งแบนๆ  บ่ายน้ำปู๋ฮ้อนๆ  ลำขนาด    แม่จ๋า....  คิดถึงแม่เน้อ

จะไปให้เน้อ...ใหญ่แล้วหนา 

กาลครั้งหนึ่งเมินมาเเล้ว โตยก้นรถไถนาเวลาเติกนา ปู๋จะนักขนาด คนใหญ่เปิ้นสนใจปล๋าแต่ละอ่อนอย่างเฮาสนปู๋ ได่ปู๋มาเคี่ยวน้ำปู๋จนปอก้าน วันเสาร์วันติ้ด ก้อโตยก้นเเม่ไปซ้อน อาวุธก็คือเเซะ เเม่บอกได่ปล๋าก้อเอาปล๋า ได่ปู๋ก้อเอาปู๋ ได่เเมงจอนก้อเอา  ถ้าเหมืองไหนน้ำนิ่งก้อเอาเบ็ดมาจ่อม เหยื่อก้อคือกุ้งน้อย บ่ะอั้นก้อมันปู๋บีบน้ำมะนาวใส่ จ่อมปล๋าสะเด็ด  เสียดายบ่ะเด่วปู๋ก้อบ่ะค่อยมีเปิ้นเอายาเบื่อปู๋กันหมด เสียดายวิถีชีวิตอย่างสมัยตะก่อน ว่าเเล้วโทรหาแม่ดีกว่าหื้อส่งน้ำปู๋มาหื้อจะกินน้ำพริกน้ำปู๋กับหน่อ

ท่าจะง่อมหาบ้านขนาดแต๊....


เอาเพลงมาหื้อหัดร้องกั๋นเน้อ..........

ปูอยู่ในรูตามคันนา ทุกวันฉันออกไปหา เก็บเอามาทำน้ำปู
น้ำปูสีดำๆ ใส่หน่อยำอร่อยน่าดู หน่อไม้น้ำพริกน้ำปู อร่อยน่าดูน้ำปูนี่เอย...

มีเนื้อหื้อละ ทำนองเซาะเอาคนเดวเน้อ...

[KCOM]

บ่ายกับข้าว ลำขนาด

[taekeuk_poomse]

บ้าาาาา สาบน้ำปู๋อุ่ยๆ ห๋อ ไผมาเคี่ยวน้ำปู๋หยังตำ่หมู่นี้แน๊ะ

[~KT 2 U~]

 

นี่แหล่ะเมืองแต้ๆ สาบน้ำปู๋แล้วกึ๊ดเติงหาสมัยละ่อ่อน สมัยตี้บรรยากาศแวดบ้านยังเป๋นบ้านนอกแต้ๆ อะหยังก็ม่วน ล่นเล่นกั๋นเกิบก็บ่ใส่ เป๋นละอ่อนเล่นคลุกฝุ่น คลุกดิน เสื้อผ้ามอมแมมดีขนาด
เอาสตางค์เหรียญบาืทมัดห่อติดเสื้อ แข่งขามีก้าฮอยหนาม ฮ้ายบ่ว่ามันเนาะ อิอิ

และแล้วก็มีสูตรแป๋งน้ำปู๋มาฝากแล้วเจ้า  

เครื่องปรุง
- ปู๋ แน่นอนใจ้ส่วน "อก"  เด็ดแข่งเด็ดขา เอากีมไปต้ม(ลำขนาดอิอิ)
- ใบข่า
- ใบจั๊กไค (ตะไคร้)
- ใบบ่าก้วยก๋า (ใบฝรั่ง)

ขั้นตอนการทำ
- เอาใบข่า ใบจั๊กไค ใบบ่าก้วยก๋า มาต๋ำหื้อละเอียด แล้วก็เอาอกปู๋ลงต๋ำ (เอาแหลวๆ)
หรือว่า จะใจ้เครื่องปั่น ปั่นเอาก็ได้เจ้า เอาส่วนผสมทุกอย่างใส่ลงไปแล้วปั่นหื้อเข้ากัน

- เสร็จแล้วหมักไว้  1  คืน
- เมื่อหมักได้ตี้ ก็เอามาเคี่ยวไฟอ่อนๆ ถ้าไผว่างๆ ก็ใจ้เวลาประมาณ  1 วันในก๋ารเคี่ยวน้ำปู๋ 1 หม้อ แต่ถ้าบ่ค่อยว่างก็ใจ้เวลาหลายวันผ่อง(พอได้อยู่ก็เอามาเคี่ยว จะออกบ้านก็เอาออกละไว้หั้นก่อน ปิกมาก็เคี่ยวต่อได้เจ้า)

พอเคี่ยวได้ตี้แล้ว เฮาก็จะได้น้ำปู๋กลิ่นยั่วน้ำลายไว้กิ๋นแล้วเจ้า ฮ้าๆๆ แ้ล้วในตี้สุด น้ำปู๋ของป่อตี้เคี่ยวตั้งแต่วันซืน ต๋อนนี้ใกล้จะได้กิ๋นแล้วเจ้า ฮ้าๆๆๆ  
จากปู๋ประมาณ 1 หม้อใหญ่ๆ พอเคี่ยวจนได้ตี้ จะเหลืออยู่น้อยเดว  

(เปิ้นตึงว่าของลำๆ มันแป๋งยาก จะกิ๋นก็ยังกิ๋นยาก  )

[WH_Y]

..ถึงว่าเจ้าน้ำปู๋ขายแปงเป็นจะอี้น่อเจ้า กว่าจะเคี่ยวได้..น้ำพริกน้ำปู๋ก็ลำเหมือนกันเจ้า กิ๋นกับหน่อต้มยอดบะฮ่อยลวกลำแต้ๆเจ้า..

[pattanaj]

แถวแจ้ห่ม ลำปางก่ามีหนา
แต่สูตรตางปู้นเปิ้นจะบ่าใส่ใบบ่าหมั้น ( บ่าก้วยก๋า ) หนา

[by97]

ตี่มันเผ็ดเบิ้นใสพริกตวยก่อ

[~KT 2 U~]

ตี่มันเผ็ดเบิ้นใสพริกตวยก่อ

น่าจะเป๋นตี้ใบข่า เจ้า
เพราะใบข่าน่าจะมีรสเผ็ดฮ้อน

(น่าจะแม่น ก็บ่เกยกิ๋นข่าเ้จ้า ฮะๆ บ่มัก)