คำหนาน ป่าแป๋

[civilroom]

วสันต์สาย หยาดยายจากฟ้า ตกสู่โลกหล้า แห่งห้องสาก๋ล
เต๋มเขตป่าไม้ ด่านในไพรสณฑ์ มนุษย์เมืองคน ชุ่มเย็นทั่วหน้า
เทพแห่งวสันต์ ฤทธิ์นั้นเก่งกล้า นิมิตฝนมา หลั่งย้อย

หื้อจุมชาวนา ประชาใหญ่น้อย ดวงทัยไฝ่ห้อย ยินดี
เถิงหน้านาแล้ว ผ่องแผ้วใสส...ี เริ่มต้นแหมที ปลูกเข้าดั่งอั้น
ขอฝนตกมา อย่าลาขาดบั้น ตกลงจุวัน แต๊นี้

มวลกสิก๋ร บ่จ๋รหลีกลี้ ตั้งใจ๋ดั่งอี้ ทำนา
น้ำฝนมีนัก ก่จักม่วนหนา ต้องต๋ามเวลา ไถนาหว่านกล้า
นึกถึงคิงบาง ตั๋วนางพี่ข้า มองพิมนั้นจา เงียบนัก

[yonok]

เปินแต่วม่วนแต้ๆ จ่างไปหากำมาเล่า
นับถือครับ ขอฮื่ออยู่ไปเมินๆ
ขออณุญาตเอาค่าวไปอ่านออกวิทยุเน้อตี่แม่จันครับ

[civilroom]

ขอช่วยคำหนานหน่อยเตอะ....มีแม่ฮ้างส่งค่าวมาหื้อ...ไผตอบได้ ช่วยหนานกำเตอะ

ยกมือกราบนพ เคารพแต๊แต๊ จากใจสาวแป้ มาแห่นขีดเขียน
สำนวนค่าวจ๊อย หมั่นฮ้อยหื้อเหมือน บ่บิดบ่เบือน สำนวนกำถ้อย
ขอบคุณอ้ายหนาน เอ็นดูน้องน้อย หื้อเป๋นคนเรียน ร่วมจั๊น

เขียนผิดเขียนถูก หมั่นผูกหมั่นกั๊น หื้ออ้ายหนานได้ ติเตือน
เต็มใจจะฮับ วิจารณ์คำเขียน ตึงบ่แชเชือน บิดเบือนกำอู้
ตั้งใจหัดเรียน หัดเขียนใจสู้ ตั้งใจอุ้มชู ค่า...วจ๊อย

ขอเล่าประวัติ แน่ชัดเต็มร้อย ชีวิตเศร้าสร้อย เป๋นมา
ชีวิตรันทด น้ำหยดเต็มต๋า นั่งเศร้าโศกา น้ำตาเปื้อนหน้า
ครอบครัวยากจ๋น มีผลหื้อหล้า จีวิตเป๋นไป ตามนั้น

บ่ตันเป๋นสาว หน้าหนาวปีนั้น เปิ้นหื้อใจ้หนี้ แต่งงาน
ตกหม้อนะฮก ในอกแดงฉาน เปิ้นสุขสำราญ ตั๋วน้องฮ้องไห้
บ่ฮู้จักเขา เปิ้นเหมาต้องได้ ตัวหล้าเป๋นลูก คนเก๊า

จ๋ำใจ๋จ๋ำฝืน กล้ำกลืนค่ำเจ๊า เป๋นตี้รองรับ อารมณ์
ในใจ๋อ้างหว้าง ใจหม๊างสะสม จิตใจ๋ระทม มีแต่ความเศร้า
หัวใจ๋สลาย เดียวดายน้องเฝ้า หวังว่าสักวัน หมดตุ๊ก

สัญญาห้าปี น้องนี้ติดคุก อยู่ตี้บ้านเปิ้น ต่างเมือง
อดทนเข้าไว้ เปิ้นใจ้บ่เถียง บ่ได้อยู่เคียง เป็นกู่อยู่ห้อง
เขาผ่อเหมือนทาส ขาดคนปกป้อง รักไห้คนเดียว สุดจ๊ำ

โดนตบโดนตี ราวีเตะซ้ำ ผัวเป๋นขี้เหล้า ติดยา
น้องนี้ยอมแล้ว ยอมวาสนา ชีวิตเกิดมา แค่ราคาหนี้
สาวน้อยสิบห้า ใจ๋กล้าเต็มตี้ ยอมฮับกรรมเวร ชดใช้

ตอบแทนป้อแม่ ตี้แก่แล้วไซร์ หื้อท่านได้ม่วน สำราญ
หื้อเปิ้นได้พัก สุขสามประการ เอาเปิ้นใส่พาน วางไว้บนหิ้ง
ทดแทนบุญคุณ ก๊ำจุนเคร่งติ้ง ต้องหมั่นดูแล เป็นเต๊อะ

สัญญาหมดเสี้ยง หมดเกลี้ยงความเซ๊อะ ชีวิตตั้งต้น ด้นมา
คงบ่อาภัพ กับวาสนา มาสอบโฮงยา เตี๊ย เดียวสอบได้
มาตั๋วคนเดียว มาเดี่ยวบ่ใกล้ ต่อสู้ดิ้นรน บ่ก๊าน

ตั้งหน้าตั้งต๋า บ่กล้าขี้คร้าน เก็บเงินแป๋งบ้าน คนเดียว
ความอยากมันนัก จึงจักปืนเกลียว ไปเฮีอนคนเดียว ราชภัฎเจ้า
จนจบปิญญา ปรีดาตี้เฝ้า ขยันหมั่นเพียร เอาแต๊

เป๋นสาวลูกสอง ประคองจนแป๊ เอาตัวรอดได้ นานมา
บ่มีไผ๋ก้ำ อยู่ต๋ามประสา สีสิบแล้วนา อยู่มาจนได้
รับราชก๋าน ประสานคนไข้ หื้อเปิ้ลใจ๋ดี ได้ปิ๊ก

ส่วนเรื่องหัวใจ๋ สั่นไหวระริก บ่มีกู่ข้าง เคียงนอน
ชีวิตอาภัพ ยามหลับกอดหมอน เนื้อกู่บังอร บ่จรมาใกล้
กะว่าอยู่ไกล๋ วันตกออกใต้ อยากได้อุ่นไอ ไหล่ซบ

จบแล้วคำหนาน ใจ๋จูกราบนบ อาจบ่ถูกต้อง เต๊าใด
จบค่าวโดยไว ก่อยไปตังหน้า วันนี้ขอลาไปก่อนแลนายเหย

[แมงคอลั่น]

 ขอเข้าแว่ผ่อ ป้อจายบ่าวเฒ่า ม่วนงันสันเล้า อยู่ได้ตึงวัน
ผญาปอมี ขอเข้ามาตั๊ก สาวเฒ่าบ่าวเคิ้น อยู่นี้ตังมวล
บ่าว่าสาวหน้อย แม่ฮ้างคนดี ขอสวัสดี ยินดีแต้ตั๊ก
ถ้าไผใค่ปะ คนเฒ่าหน้าฮัก ก็เข้ามาตั๊ก ชื่นบานใจ๋ข้า
ผ่อฮูปเอาเต๊อะ หล่อขะหนาดหนา ใสวิกแว่นต๋า เป๋นใดพ่องเจ้า
ถ้าใคร่ได้เบอร์  หื้อพี.เอ็ม.หา  จะฟั่งส่งมา เจ้าน้องกู้คน
จะว่าไปนัก ก็กลั๋วเปิ้นว่า  บ๊ายบายละหนา ลาก่อนปี้น้อง

ผิดถูกจะใดก็ขอสูมา เพราะบ่ได้เฮียนฉันทลักษณ์ของบทกวีล้านนา
เมาก้าฮ้องเพลงฝรั่ง แต่ก็บ่ได้ลืม ความเป็นคนเมือง"คนโยน"เพราะอยู่ในสายเลือด

[Number9]

เหน็ดๆ แต่งมาแหมนักๆ อ่านไปเมินๆ ท่าจะแต่งได้พ่องน่อ

(ขอบคุณจ้าดนัก ขอบคุณจ้าดหลาย ขอบคุณบ่ดายบ่มีหยังหื้อ)
(((ลักจดของเปิ้นมาเหมือนกั๋นเจ้า))) 

[pichat]

ดีแล้วท่านเจ้านายเฮย อย่าเลยหละทิ้งของเก่าเมินมา อุ้ยเปินสร้างแป๋งไว้ฮักสา ลูกหลานสืบมาน่าภาคภูมิใจ

เขียนต่อไปครับ ยังมีคนชอบอ่านชอบฟังอยู่ครับ

[chate]

ชอบๆๆๆๆๆๆแต่แต่งบ่าจ่าง

[Ck 401]

บ่าอยากหื้อตกครับ

[chate]

แม่ฮ้างบ่าส่งค่าวมาหื้ออ่นแห๋มก๊า....ดักปิ้ง

[HARLEY DAVIDSON]

แต่งเก่ง ๆ เพราะ ๆทั้งนั้นเนาะ 

[pichat]

ฝากหื้อสาวๆ ที่ฮ้างแล้วหื้ออยุ๋คนเดียวมาเมินเน้อนาย

สุริยาฟ้าส่องหล้า อาจิน
เดือนดาวส่องดิน วารินห่อนแห้ง
สายพระพรายเฮย ลวดเจยถี่แถ้ง
แม้นสายคำแปง แน่คัก
หวังสอยสายยาว สาวเอาสายฮัก
มาจ่องจักเจ้า ใจนาย
เอาจนเปลวไฟ ม้างไขจิงเสี้ยงๆ

[tfgc2007]

หยังมาแต่งกั๋นเก่งแต้ว่า ม่วนดีครับ

[civilroom]

เถลิงถวัลย์ ราชันราชต๊าว นั่งแท่นผาบด้าว ครบแปดสิบห้าปี๋
ชนสยามนี้ ยินดีสุขขี ด้วยป๋ารมี รัชก๋าลเก้า
องค์ภูมิพล มงคลผ่านเผ้า ฉัตรแก้วปกเงา ไพร่ฟ้า

พระดั่งเทวัญ จ๋อมธรรม์สะง้า ชาวไทยทั่วหน้า เทิดทูน
ขอองค์บพิตร สถิตไอศูรย์ บัลลังค์ไพบูล
ย์ แดนสยามกว้าง
เป๋นพระมิ่งศรี ฤทธีเอกอ้าง ผาบไปทุกทาง ทั่วทิศ

ราชกรณีย์ ภูมีทรงคิด พินิจอ่วงข้อง ชนปวง
พระองค์ทรงเน้น เป๋นโครงก๋ารหลวง ประดุจดั่งดวง อาทิตย์ส่องหล้า
นิกรชาวไทย สดใสทั่วหน้า โขงนครา สุขล้น

ด้านก๋ารศึกษา ราชาหนุนย้น จัดก๋องทุนต้น ร่ำเรียน
มูลนิธินั้น ต่อจั๊นอ่านเขียน ส่งไปพากเพียร เมืองนอกดั่งอั้น
ทุนอานันท์ มหิดลหั้น องค์พระราชัน ตั้งไว้

ชีวิตพอดี บ่มีตุ๊กข์ไร้ เศรษฐกิจได้ พอเพียง
ประหยัดสิ่งทรัพย์ จ่ายจับอย่าเปลื๋อง เจ้าฟ้าบุญเรือง บอกแนวทางหื้อ
บุญพระมีหลาย มากมายนับตื้อ หกสิบล้านลือ แซ่ซ้อง

บันดาลฝนหลวง เขตข่วงเตสต๊อง ฝนตกต๋ามต้อง ฤดู
เกษตรไทยนี้ บ่มีอดสู เม็ดฝนหล่นจู ทั่วดินแผ่นหญ้า
พระมีเมตต๋า ประชาไต้หล้า หัวไร่แดนนา ชุ่มเชื้อ

องค์เอกบวร ภูธรอะเครื้อ ราชศรัทธาเอื้อ ในธรรม
ทรงเนกขัมมะ ผนวชศีลจ๋ำ ตั้งมั่นองค์คำ เป๋นสงฆ์เจื่องเจ้า
ก๋ารศาสนา ราชาจ๋อมเหง้า ก๊ำหนุนขึ้นเอา ยอยก

ทรงเป๋นผู้นำ อุปถัมภก ได้ปกแปล๋งสร้าง เรืองงาม
ศาสน์พุทธศาสน์คริสต์ บพิตรติดต๋าม และอิสลาม บ่มีแตกอ้า
ศาสนาใส ปวงไทยชื่นหน้า ต่างศาสดา พรั่งพร้อม

ใต้ร่มโพธิ์ทอง ไทยผองนอบน้อม มือต่างดอกส้อม ชุลี
องค์ภัทระ ราชะมิ่งศรี เปรียบดวงมณี ค่ายิ่งเอกแก้ว
มุขมนตรี เมธีผ่องแผ้ว ห้อมล้อมวาวแวว ย้อมยศ

สนมนางใน แวววัยงามงด สวยสดอ่อนอ้วน โสภา
แก้วประดับฤทธิ์ มหิทธิก๋า ด้วยพระบุญญา กษัตริย์เสกสร้าง
โยธาพหล ขุนพลเอกอ้าง รับอาญาวาง จ๋อมทัพ

คหบดี หน้าที่ผ่อทรัพย์ ผู้รับของเข้า สู่วัง
เสนาพิพัฒน์ สมบัติปลูกฝัง ตำแหน่งขุนคลัง อามาตย์วังห้อง
หัตถีอัสสา ช้างม้าแก้วก้อง สัตว์เก่งช่ำชอง ต่อรบ

สัตตะมณี มากมีสมทบ ไคว่ครบดวงแก้ว เรืองราม
จักรรตนะ พาหะติดต๋าม ยานแก้วคันงาม สัญจ๋รไต่เต้า
เจ็ดสิ่งเครื่องทรง องค์จักรพรรดิ์เจ้า ประดับเตียมเงา จ๋อมพระ

นับหกสิบปี๋ ภูมีเดชะ นาถะที่ไหว้ ราชา
องค์พระประมุข ดับทุกข์ค่ำขา หื้อไทยอาณา ได้ร่มเย็นหั้น
ปกครองธานี อยู่ดีตั้งมั่น จุเมื่อคืนวัน มานี้

รจนา วาจ๋ากล่าวจี๊ เป๋นค่าวเก่ากี้ เดิมออน
ถวายพระพร กาพย์กล๋อนเทิดไท้ น้อมไหว้กราบบังคม ก่อนแลนายเหย........
 

[civilroom]

พระครูเบิ้ล ติ-ชม

แต่งดี ยาว ถูกต้อง มีศรัทธา มีคารวะ มีความความซื่อใสอยู่ในค่าวครบ พยายามหาที่ติ แต่ติบ่ได้ หนานเหย

มาลา คำจันทร์



ช่วงนี้ผมงานนักเลยบ่าได้ก๊อปเอาค่าวมาปั๋นกัน  ขอสูมาตวยเน้อ

[civilroom]

ยอมือสา ปิต๋าองค์ไท้ ข้าขอเทิดไหว้ ปิ่นไว้กับต๋น
 ห้าธันวาครบ ผะจบแถมหน จาวไทยจุ้คน กมลหลิ่งหลู้
 ธ-คือหัวใจ๋ คนไทยจุ๊ผู้ พร้อมกั๋นเชิดชู องค์พระ
 
เทิดเป๋นปิต๋า สยามคณะ คู่พระแม่เจ้า ราชินี
 ขอหื้อองค์พระ ธ-ไท้สุขขี เขษมเปรมปรีด์ ฑีฆาเตี้ยงหมั
้น
 ปกป้องคุ้มครอง ผองไทยจุ้บั้น สามัคคีปัน เต๋จ๊ะ
 
ในวาระก๋าล วันผะสูติพระ คือ”วันพ่อ”อั้น ครบวน
 ขอกราบบาทะ ปิต๋าแห่งต๋น มาต๋าแถมคน กมลน้อมไหว้
 ขอหื้อสองรา ภัยยาอย่าใกล้ มีตุ๊กข์อันใด เปล่งยวั๊ะ
 
สุขในหัวใจ๋ สบายก๋ายะ เป๋นตี้เปิ้งป้ะ ยาวนาน
 อันตั๋วข้านี้ ขอจี๊ไขขาน จักเตวต๋ามงาน สืบสานพ่อเจ้า
 เว้นมาหลายปี๋ ปูรีพ้ายเหล้า อบายนั้นเอา ขว้างละ
 
ตั้งหน้ากระตำ ก๊ำศาสนะ สืบวัฒนะ ธรรมไทย
 ค้นหาฮีตเก๊า แบบเบ้าเก่าไกล๋ ฮีตฮอยดีใด มาไขสืบสร้าง
 ขอหื้อขะหยม ได้สมใฝ่อ้าง ต๋ามตี้ใจ๋วาง ไว้เต๊อะ
 
ละอ่อนสมัย จักได้บ่เลอะ เป๊อะเปิ้งเขาได้ ใหม่งาม
 ท้องที่ทั่วท้วน ทั่วถ้วนสยาม ฐานถิ่นไทยงาม ต๋ามตี้ก่อกู้
 ขอหื้อคนไทย ตังหลายจุ้ผู้ สุขไหลมาจู ฟูทรัพย์
 
ม่อนหมดกำจ๋า ขอลาก่อนครับ วันหน้าจักกลับ มาไจ
 สุดสายใย ไว้เปียงเต้าอี้ เต้านี้ขอวางลง ก่อนแลนายเหยฯ
 

[civilroom]

ลือกั๋นนักหนา ว่าโลกเฮานี้ จะแตกป่นปี้ บ่มีหยังเหลือ
เผ่าพันธุ์มนุษย์ จากใต้จรดเหนือ จะสูญสายเครือ กั๋นเหียแล้วเจ้า
แผ่นดินจะไหว เหมือนมียักษ์เฒ่า อุ้มโลกของเฮา ขว้างซัด
อ่างเขื่อนตังหลาย จะแตกลั่นจั๊ด น้ำจะไหลท่วม นองเนือง
ท่วมหัวหมู่ม็อบ เสื้อแดงเสื้อเหลือง คนโกงบ้านเมือง หื้อต๋ายคว่ำหน้า
คนที่รอดต๋าย จะกล๋ายเป๋นบ้า ไห้แวดสภา เซาะซ้อง
คนที่บ่ดี ฆ่าพี่โกงน้อง ฟ้าบ่ปกป้อง นอนาย
บ้านเรือนจะล...้ม ถมคนหื้อต๋าย ต๋ามกำทำนาย เขาว่าอย่างอี้
คนที่สบาย คือคนเป๋นหนี้ ถือว่าโชคดี หลายจั๊น
บ่ต้องหลบหนี เจ้าหนี้เหล่านั้น สิ้นสุดกั๋นหั้น แล้วนอ
ตึงกองทุนล้าน ตึงธกส. กขคจ. ตึงกลุ่มแม่บ้าน
คงบ่มีไผ ที่จะหน้าด้าน ทวงหนี้วิญญาณ แต๊ตั๊ก
พูกนี้จะไป อยู่ไกล๋คนฮัก ควรจักอยูใกล้ หมดวัน
เคราะห์ดีเคราะห์ฮ้าย ได้ต๋ายตวยกั๋น ฮักใคร่ผูกพัน กันถึงชาติหน้า

[HARLEY DAVIDSON]

อ่านเข้า ๆ จนจะซอจ้างละหนานิ 

อ่านนักๆ ท่าจะแต่งจ่างเนาะ 

ก็ว่านะ

[eaktime]

   อันว่ากระทู้ นี่เป๋นของไผ๋
จะย่ะจะใด จะได้หันหน้า
ว่าเป้นมูยิง ว่าจายนั่นกา
จักไข้หันหน้าสักกำ
   กระทู้ดีแต้ ดันขึ้นไว้กั๋น
กำเมืองสำคัญ ฮักษาเอาไว้
ส่วนผมคนนี้ กั๋วมันสูญหาย
เลยกิ๋นข้าวงาย แล้วมาดันฮื้อ แล้วมาดันฮื้อๆๆๆๆ
(ผ๋มก็จ้างแต่งลอ55)

[Ck 401]

 

[civilroom]

ค่ำคืนฝนตก...แสนง่อมเหงา

ตั้งพนมก๋ร วิงวอนเจื้องจั๊น เทพวสันต์หั้น บันดล
โปรดเปล่งเลิศฤทธิ์ วิศิษสายฝน เป๋นน้ำทิพย์มนต์ องค์เทวเจ้า
หื้อพี่สบาย ผ่อนคลายโรคเศร้า จากหนักบางเบา ลดน้อย

... ขอเกล็ดสายฝน จากบนหยดย้อย เป๋นโอสถสร้อย เม็ดยา
รักษาพี่ไท้ หายไข้นั้นหนา ห่างจากโรคา ภัยร้ายนี้หั้น
สัจจะธิษฐาน บทวานแม่นมั่น คำค่าวประพันธ์ กล่าวชี้

เป๋นก๋ำลังใจ๋ ส่งไปแต๊นี้ หื้อพี่ดั่งอี้ เนอนาย
ขอพี่นี้เล้า หายเศร้าเย็นก๋าย อยู่สุขสบาย ตึงวันไจ้ไจ้
สัพพะทุกขา อย่ามาเบียดใกล้ โรคร้ายโภยภัย คลาดแคล้ว

วอนสายวสันต์ คำผันเลิศแล้ว ขอจบค่าวแก้ว เรียงราย