เชียงรายโฟกัสดอทคอม สังคมออนไลน์ของคนเชียงราย ยินดีต้อนรับคุณ, บุคคลทั่วไป กรุณา เข้าสู่ระบบ หรือ ลงทะเบียน
วันที่ 28 มีนาคม 2024, 16:07:45
หน้าแรก ช่วยเหลือ เข้าสู่ระบบ สมัครสมาชิก



  • ข้อมูลหลักเว็บไซต์
  • เชียงรายวันนี้
  • ท่องเที่ยว-โพสรูป
  • ตลาดซื้อขายสินค้า
  • ธุรกิจบริการ
  • บอร์ดกลุ่มชมรม
  • อัพเดทกระทู้ล่าสุด
  • อื่นๆ

ประกาศ !! กรุณาอ่านเพื่อทำความเข้าใจ : https://forums.chiangraifocus.com/index.php?topic=1025412.0

+  เว็บบอร์ด เชียงรายโฟกัสดอทคอม สังคมออนไลน์ของคนเชียงราย
|-+  ศูนย์กลางข้อมูลเชียงราย
| |-+  เรื่องล้านนา ภาษากำเมือง
| | |-+  คำหนาน ป่าแป๋
0 สมาชิก และ 1 บุคคลทั่วไป กำลังดูหัวข้อนี้
« หน้าที่แล้ว ต่อไป »
หน้า: 1 2 3 4 5 [6] พิมพ์
ผู้เขียน คำหนาน ป่าแป๋  (อ่าน 24498 ครั้ง)
civilroom
ระดับ ป.ตรี
***
ออฟไลน์ ออฟไลน์

กระทู้: 1,113



« ตอบ #100 เมื่อ: วันที่ 24 เมษายน 2014, 18:46:47 »

โอ้เอยหัวใจ๋ หวั่นไหวเหว่ว้า กลั๋วๆกล้าๆ แล้วเฮา
กึ๊ดหาแล้วไซร้ คนไกล๋คงเหงา คนใกล้เหมือนเงา เขามานั่งเฝ้า
อ่านคำเจียรจ๋า อุราหมองเศร้า สุดตี้ตั๋วเฮา คนฮะ

ร่างก๋ายทรวดทรง ก็เสียองค์ก๊ะ เทียบไผบ่ได้ ซักคน
อยากเด็ดดอกฟ้า ตั้งท่าห้อยโหน ตึงล่างตึงบน สุดทนอาจเอื้อม
ความคิดความหวัง ประดังต้วมเตี้ยม หัวใจ๋บ่เจียม บ่ยั้ง

ใจ๋นึ่งใคร่ถอย ใจ๋นึ่งก็รั้ง ใคร่ขดเข้าใกล้ คนดี
ใคร่ได้นางฟ้า มาเป๋นแม่ศรี ฮ่วมซ้อนนอนควี ปั๊ดวีหื้อเจ้า
ใคร่ปลอบใคร่ยล เป๋นคนนั่งเฝ้า ยามน้องนอนเซา ฝันเพ้อ

ต๊กโตตั๋วไหน มาใกล้มาเย้อ จะเอาค้อนเหน้อ หัวมัน
เอาผ้าห่มกุ๊ม กะลุมตวยกั๋น เมื่อนกเก๊ามัน มาฮ้องใกล้แจ้ง
น้องบ่ต้องกลั๋ว ตั๋วอ้ายบ่แกล้ง จะนอนตะแคง กอดฮัด

คำหนาน ป่าแป๋ 3 กพ 2557
IP : บันทึกการเข้า
civilroom
ระดับ ป.ตรี
***
ออฟไลน์ ออฟไลน์

กระทู้: 1,113



« ตอบ #101 เมื่อ: วันที่ 24 เมษายน 2014, 19:36:56 »

ย่างฤดูฝน วนเวียนรอบแล้ว ป้นปี๋ใหม่แก้ว ปอดี
สิบสองเดือนนั้น ครบรอบหนึ่งปี๋ ถึงเวลามี เป๋นที่ถูกต้อง
ฝนตกลงมา ทั่วทุกแห่งห้อง อากาศหนาวเย็น บ่ฮ้อน

ฝูงหมู่ผู้คน ซ้ำมาเดือดร้อน เป๋นอย่างอี้ นี่นา
ฤดูฝนนั้น มีแต่ปั๋ญหา เกิดหมู่โรคา เจ็บป่วยเมื่อยไว้
พ่องเจ็บเนื้อตั๋ว ลุกนอนบ่ได้ เป๋นหวัดเป๋นไอ สัปป๊ะ

เจ็บน่องเจ็บขา ก็เป๋นภาระ เดินบ่สะดวกได้ สบาย
ไข้เลือดออกนั้น กำลังแพร่หลาย เป๋นเพราะยุงลาย ขยายทั่วห้อง
เฮามาจ่วยกั๋น ระวังปกป้อง บ่หื้อมันครอง แพร่เจื๊อ

ตั้งโรคฉี่หนู มีอยู่รั้งเรื้อ ต๋ามป่าเขาห้วย ไร่นา
เจ็บแอวเจ็บต๊อง ปวดหัวปวดต๋า จ๋ำเป๋นกิ๋นยา แก้ปวดแก้ไข
ถ้าเฮาบ่กิ๋น มันอดบ่ได้ มันเจ็บภายใน เหลือล้ำ

ฝูงหมู่เภทภัย ไหลไปกับน้ำ ยามเมื่ออั้น ฝนซึง
หมู่เฮาปี้น้อง ก็บ่นึกถึง บ่ได้รำพึง เจ็บป่วยเมื่อยไข้
ของผ่อบ่หัน มันเกิดขึ้นได้ ทุกวันเวลา ค่ำเจ๊า

กันจักไปไหน หื้อใส่รองเท้า นุ่งเสื้อผ้า ขายาว
เพื่อป้องกั๋นไว้ อากาศลมหนาว เมื่อถึงคราว ฝนตกย้อยหน้า
ตั๋วหมู่แมลง มีแฮงปีกกล้า มันจ่างมาคอย ตอดเนื้อ

ตั๋วฮิ้นไฮยุง เป๋นฝูงนำเจื๊อ มาติดแปดเปื้อน คนเฮา
หื้อเจ็บเมื่อยล้า มานั่งนอนเหงา ตุ๊กใจ๋แต๊เฮา ใคร่ฮ้องใคร่ไห้
โรคภัยมีหลาย ป้องกั๋นยากใบ้ หนีไปตางใด บ่ป๊น

เมื่อฝนตกมา นักมากเหลือล้น ก็ไหลหลั่งถ้วม ไร่นา
หอเฮือนที่พัก สำนักเคหา ถูกน้ำปั๊ดปา ไหลล่องไปใต้
ลางพ่องก็หุย ลางพ่องก็ไห้ เสียงเนืองนันไป เดือดซ้าว

พ่องก็หนีต๋าย หน้าต๋าฟั่งฟ้าว ล้มต่าวกลิ้ง ไปมา
ฝนตกฟ้าฮ้อง ต้องนอนผวา มัจจุราชมา แวะเวียนอยู่เฝ้า
ผ่อไปที่ไหน มืดดำก่ำเศร้า เสียงฟ้าคำราม แมบฮ้อง

เป๋นต๋าดีกลั๋ว ดังไปทั่วต๊อง ทุกหนแห่งห้อง พนา
เหมือนฟ้าจะล้ม อกขวัญผวา บ่มีไผมา ห้ามฟ้าฝนได้
ภัยธรรมชาติ อะหยังบ้าใบ้ มันสังจ่างมา โหดร้าย

แต่ก่อนมาหลัง ยังบ่ปอฮ้าย เหมือนอย่างอี้ นี่นา
ยุคสมัยนี้ มีแต่ปัญหา ต่างต่างนานา รุมเร้าเอ่าไหม้
ตั้งแต่ภาคเหนือ จดเจื๋อถึงใต้ เกิดอาเภทภัย เหตุร้าย

วิกฤตก๋ารณ์ ธรรมชาติฮ้าย จักกล๋ายเกิดขึ้น เป๋นภัย
คลื่นสึนามิ แผ่นดินหวั่นไหว ท้องทะเลไทย ป่วนปั่นเป๋นบ้า
พายุลมหลวง เกิดขึ้นทั่วหล้า ในโลกา ทั่วทิศ

มนุษย์เผ่าพันธุ์ สูญเสียชีวิต ปี๋ละบ่หน้อย เป๋นปัน
สิ่งที่บ่ฮู้ เฮาก็มาหัน ทุกเมื่อเจื่อวัน มันเกิดขึ้นได้
ก็ขอลาไป ปี้น้องเหนือใต้ จบลงเท่านี้ ก่อนแหล่
IP : บันทึกการเข้า
เม็ดพลอย
เตรียมอนุบาล
*
ออฟไลน์ ออฟไลน์

กระทู้: 40



« ตอบ #102 เมื่อ: วันที่ 03 พฤษภาคม 2014, 18:57:46 »

เก่งแต้เก่งว่า  ขอชื่นชม ชอบอ่านขนาดเน้อเจ้า    ม่วนดี   แต่ว่าแต่งบ่จ้าง ยิงฟันยิ้ม ยิงฟันยิ้ม ยิงฟันยิ้ม ยิงฟันยิ้ม ยิงฟันยิ้ม ยิงฟันยิ้ม
IP : บันทึกการเข้า

อันของสูงแม้ปองต้องจิต  หากไม่คิดปีนป่ายจะได้หรือ
civilroom
ระดับ ป.ตรี
***
ออฟไลน์ ออฟไลน์

กระทู้: 1,113



« ตอบ #103 เมื่อ: วันที่ 15 พฤษภาคม 2014, 19:05:59 »

สุริยาลาแล้ว ลับเหลี่ยมสิงขร
วิหกบินจร เข้านอนยังบ้าน
สุดแสนง่อมใจ๋ หทัยเหี่ยวม้าน
กึ๊ดเติงหาบ้าน พักพิง
กึ๊ดหาคำหล้า ที่เกยสุ่งสิง
เกยอยู่เตียมคิง ร่วมรัก
« แก้ไขครั้งสุดท้าย: วันที่ 21 พฤษภาคม 2014, 14:27:15 โดย civilroom » IP : บันทึกการเข้า
civilroom
ระดับ ป.ตรี
***
ออฟไลน์ ออฟไลน์

กระทู้: 1,113



« ตอบ #104 เมื่อ: วันที่ 15 พฤษภาคม 2014, 19:07:11 »

กึ๊ดแล้วนา ข้าปอใค่ไห้ แผ่นดินโยกไหว ในโลกโลก๋า
สะดุ้งสั่นไหว ตกใจ๋แต๊หนา แผ่นดินไหวมา เมาหัวเวิ้นๆ
ปอจะล้นหนี ปี้อ้ายบ่าวเคิ้น ตกใจ๋เหลือเกิน แต๊นะ
เป๋นโก๋ลาหล ดลไปสัพป๊ะ เสียงจากจาวบ้าน เนืองนัน

 ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้ ร้องไห้
IP : บันทึกการเข้า
Aikaew
ชั้นประถม
*
ออฟไลน์ ออฟไลน์

กระทู้: 294


« ตอบ #105 เมื่อ: วันที่ 19 พฤษภาคม 2014, 15:15:18 »

กึ๊ดเติงหาอ้ายนวยกลำปั๊ด ดีเจค่าวม่ะก่อนแต๊เฮ้ยยย
อ้ายซีวิลรูม บะมีวิทยุชุมชนมาทาบทามไปอ่านออกอากาศแหมพ่องกาครับ สภาวัฒนธรรมเจียงฮาย/วัด/ชุมชน น่าจะมีโครงการหื้อคนฮักค่าว ฮักกวีล้านนามาแสดงผลงานเนาะ หรือไผตี้มีฐานข้อมูลพวกนี้ ดีจวนเอามาเผยแผ่สาธารณะ อิอิ
IP : บันทึกการเข้า
yonok
เตรียมอนุบาล
*
ออฟไลน์ ออฟไลน์

กระทู้: 91


เจ้านายตัวเอง 0813663304


« ตอบ #106 เมื่อ: วันที่ 04 มิถุนายน 2014, 07:27:47 »

แต่งก็บ่อจ่าง เล่าก็ขัดหู ได้แต่นั่งดูบ่อดายๆ
ขอเป็นกำลังใจครับ

IP : บันทึกการเข้า
yonok
เตรียมอนุบาล
*
ออฟไลน์ ออฟไลน์

กระทู้: 91


เจ้านายตัวเอง 0813663304


« ตอบ #107 เมื่อ: วันที่ 04 มิถุนายน 2014, 07:43:40 »

แต่งก็บ่อจ่าง เล่าก็ขัดหู ได้แต่นั่งดูบ่อดายๆ
ขอเป็นกำลังใจครับ
เอามาฝากครับจาวหมู่เล่าค่าว
http://www.4shared.com/mp3/Yjvb5m9fba/1101.html?
IP : บันทึกการเข้า
Nat-Nalian
มัธยม
**
ออฟไลน์ ออฟไลน์

กระทู้: 609



« ตอบ #108 เมื่อ: วันที่ 15 กันยายน 2014, 20:14:23 »

ค่าวม่วนขนาดครับ, แต่งมาหื้ออ่านแห๋มเน้อครับอ้ายหนาน
IP : บันทึกการเข้า
หน้า: 1 2 3 4 5 [6] พิมพ์ 
« หน้าที่แล้ว ต่อไป »
กระโดดไป:  


เข้าสู่ระบบด้วยชื่อผู้ใช้ รหัสผ่าน และระยะเวลาในเซสชั่น

 
เรื่องที่น่าสนใจ
 

ข้อความที่ท่านได้อ่านบนกระดานข่าวแห่งนี้ เกิดขึ้นจากการเขียนโดยสาธารณชน และตีพิมพ์แบบอัตโนมัติ ผู้ดูแลเว็บไซต์แห่งนี้ไม่จำเป็นต้องเห็นด้วย
และไม่รับผิดชอบต่อข้อความใดๆ ผู้อ่านจึงต้องใช้วิจารณญาณในการกลั่นกรองด้วยตัวเอง และถ้าท่านพบเห็นข้อความใดๆ ที่ขัดต่อกฎหมาย และศีลธรรม พาดพิง ละเมิดสิทธิบุคคอื่น ต้องการแจ้งลบ
กรุณาส่งลิงค์มาที่
เพื่อทีมงานจะได้ดำเนินการลบออกให้ทันที..."

Powered by MySQL Powered by PHP Powered by SMF 1.1.21 | SMF © 2013, Simple Machines
www.chiangraifocus.com

Valid XHTML 1.0! Valid CSS!