ที่มาของชื่อหมู่บ้านเมืองเหนือ

[teetee2011]

เฮามาลองหาตี๊มาของจื่อหมู่บ้านเมืองเหนือเฮาตั้งแต่เจียงฮาย, เจียงใหม่, หละปูน, ลำปาง,แพร่, น่าน, แม่ฮ่องสอนกั๋นบ๋อ  ตี๊เป๋นภาษากำเมืองท้องถิ่นก็ได้  สากลก็ได้  ถ้าได้ตึงอำเภอจังหวัดโตยซ้ำดี  จะได้
ฮู้ศึกษาเป๋นวิทยาทานกับคนรุ่นลูกหลานในบ้านนั้นโตย  อย่าง เช่น
บ้านวังปลาข้อน  มาจากบวกวังตรงนั้นมีปลามาชุมเยอะแยะ (แต่ป้ายหมู่บ้านเขียนเป็นวังปลาฆ้อน / ความหมายเปลี่ยนไป) แต่ลืมนะอยู่อำเภอไหนเคยเห็นผ่านตา
บ้านม่วงชุม  อันนี้ก็น่าจะมาจากตรงนั้นมีต้นมะม่วงเยอะ ๆ  "ชุม" เป็นชื่อของมะม่วงชนิดหนึ่ง ที่บ้านผมนะ
มีอีกหลายครับที่บ้านใครมีพอจะเล่าสู่กันฟังเชิญนะครับ

[ⒷⒼ*]

ป่าซาง  จ.ลำพูน  แต่ก่อนมีไฝ่ซางเยอะ จึงเรียกว่าป่าซาง 

[คุณชายมากรัก]

"บ้านขัวแตะ" ตำบลนางแล อำเภอเมือง จังหวัดเชียงราย
บ้านขัวแตะเป๋นชุมชนเกิดใหม่เมื่อแปดสิบกว่าปี๋ที่แล้วนี่บ่ดาย
อุ๊ยหม่อนเล่าว่าสมัยล่ะอ่อนแกกับหมู่จาวบ้านพากั๋นนั่งรถคอกหมูลุกเมืองงาว จังหวัดลำปาง มาตั้งรกรากอยู่ที่บ้านขัวแตะ
อุ้ยหม่อนว่า ชื่อหมู่บ้านขัวแตะมาจากการที่จาวบ้านแป๋งขัว(สะพาน)ข้ามฮ่องน้ำบะเดี่ยวก็คือบริเวณสะพานเยื่องๆกับสยามแก๊ส ตรงถนนซุปเปอร์ฯ
อุ๊ยหม่อนเล่าว่าตะก่อนสมัยสงครามโลก มีทหารญี่ปุ่นมาตั้งค่ายเลี้ยงม้าอยู่แถวๆตีนสะพานฝั่งทิศเหนือ เสียกำนี้ม้าเป๋นโรคต๋ายนักขนาดหนัก สมัยหกสิบปี๋แล้วต๋ำหมู่หั้นผีม้าบ้องกั่นขนาดว่ะครับ   

[@เชียงแสน]

..บางทีการตั้งชื่อหมู่บ้านก็แปลกดี อย่าง มีที่ อ.แจ้ห่ม จ.ลำปาง..หมู่บ้านติดกัน
...หมู่บ้านแรกชื่อว่า   "บ้านห้วยพระเจ้า"
...หมู่บ้านถัดไปอีกชื่อว่า "บ้านห้วยก้อด" ภาษาอังกฤษ "Huai God" ก็คือ ห้วยพระเจ้านั่นเอง

[สบายแมน]

อย่างสันป่าตอง สมัยก่อนก่อคงจะมีไม่ต๋องตึงนักครับ
แต่บ่าเดียวกำไทยมาแปลจื่อหมู่บ้านฮื้อออกสำเนียงไทยไปนักครับ
ถ้าจือหมู่บ้านก่าครับตี้หล่ะปูนมีอำเภอหนึ่งหมู่บ้านขึ้นต้นกำเดียวกั๋นหมดเลยครับ
คืออำเภอแม่ทา ตั้งมาจากการที่มีน้ำแม่ทาไหลผ่าน ยกตัวอย่างชื่อหมู่บ้าน ก่อ
ทาชมพู ทาปลาดูก ทาจันตาเหิน ทาป่าเปา ทากาด ทาๆๆๆๆๆๆๆๆๆๆ

[BenzRacing]

บ้านห้วยน้ำฮาก นี่มาจากอะหยังครับ  ?

[สบายแมน]

บ้านห้วยน้ำฮาก นี่มาจากอะหยังครับ  ?

คิดว่าน้ำฮากน่าจะเป๋นน้ำที่มีสีแดงๆหน่ะครับ รอคนบ้านห้วยน้ำฮากมาตอบละกัน

[Addmobile]

บ้านห้วยก้าง เป็นหมู่บ้านหนึ่งในเขตพญาเม็งราย
ตั้งตามชื่อไม้ก้างปลาที่ขึ้นตามห้วยเยอะมากเมื่อก่อน
เปิ่นเลยตั้งชื่อ"บ้านห้วยก้าง"ครับ

[HARLEY DAVIDSON]

เข้าใจหาตี้มาเนาะ

[teetee2011]

บ้านป่าตึงงาม  สมัยตะก่อนมีไม้ตึงนักเป๋นป่าเป๋นดอยเปิ้นเอาใบต๋องตึงมาไพสำหรับมุงเฮือน   
บ้านพระเจ้าตองติ๊บ ตั้งจื่อตามพระพุทธรูปทองทิพย์ที่ประดิษฐานอยู่ในวัด 
บ้านสันจำปา  ตั้งชื่อตามต้นไม้ดอกจำป๋าใหญ่อยู่ในหมู่บ้าน ส่วนคำว่าสันมาจากตะก่อนตี๊ตั้งหมู่บ้านเป๋น ดอนหรือสันอันเดียวกัน ภาษากลางว่าเนิน  รวมคำว่าสัน+ดอกจำป๋า เป็น สันจำปา
บ้านห้วยเฮี้ย  สถานตี๊ตั้งหมู่บ้านมีไม้เฮี้ยนัก แล้วมีห้วยเหียโตย  (ภาษาไทยฮ้องไม้อะหยังบ่ฮู้ท่านใดฮู้จ่วยบอกได้เน้อ) จะฮ้องว่าไม้ไผ่ก่อ
ทั้งหมดอยู่อำเภอแม่สรวย
ไผปอจะฮู้ว่า บ้านห้วยหมอเฒ่า   อำเภอแม่สรวย มาจากอะหยัง

[too _too11]

บ้าน ปี้ อำเภอเทิงเล๊าะครับมาจากหยังน่ะ

[เชียงรายพันธุ์แท้]

บ้านป่าตึงงาม  สมัยตะก่อนมีไม้ตึงนักเป๋นป่าเป๋นดอยเปิ้นเอาใบต๋องตึงมาไพสำหรับมุงเฮือน   
บ้านพระเจ้าตองติ๊บ ตั้งจื่อตามพระพุทธรูปทองทิพย์ที่ประดิษฐานอยู่ในวัด 
บ้านสันจำปา  ตั้งชื่อตามต้นไม้ดอกจำป๋าใหญ่อยู่ในหมู่บ้าน ส่วนคำว่าสันมาจากตะก่อน
ตี๊ตั้งหมู่บ้านเป๋น ดอนหรือสันอันเดียวกัน ภาษากลางว่าเนิน  รวมคำว่าสัน+ดอกจำป๋า เป็น สันจำปา
บ้านห้วยเฮี้ย  สถานตี๊ตั้งหมู่บ้านมีไม้เฮี้ยนัก แล้วมีห้วยเหียโตย  (ภาษาไทยฮ้องไม้อะหยังบ่ฮู้ท่านใดฮู้จ่วยบอกได้เน้อ) จะฮ้องว่าไม้ไผ่ก่อ
ทั้งหมดอยู่อำเภอแม่สรวย
ไผปอจะฮู้ว่า บ้านห้วยหมอเฒ่า   อำเภอแม่สรวย มาจากอะหยัง

"บ้านสันจ๋ำป๋า" ต.แม่พริก อ.แม่สรวย ตะก่อนจื่อว่า "บ้านสันจุ๋มป๋า" ครับ
คนเมืองฮ้องดอก "จุ๋มป๋า" แต่คนใต้ฮ้อง "จำปา"
คนสมัยก่อนกลั๋วจื่อหมู่บ้านบ่อินเทรนด์ ก็เลยเปลี่ยนจื่อหมู่บ้านเป๋นภาษาไทย
จาก "สันจุ๋มป๋า" ก็เลยเปลี่ยนเป๋น "สันจ๋ำป๋า"

[เชียงรายพันธุ์แท้]

อย่างสันป่าตอง สมัยก่อนก่อคงจะมีไม่ต๋องตึงนักครับ
แต่บ่าเดียวกำไทยมาแปลจื่อหมู่บ้านฮื้อออกสำเนียงไทยไปนักครับ
ถ้าจือหมู่บ้านก่าครับตี้หล่ะปูนมีอำเภอหนึ่งหมู่บ้านขึ้นต้นกำเดียวกั๋นหมดเลยครับ
คืออำเภอแม่ทา ตั้งมาจากการที่มีน้ำแม่ทาไหลผ่าน ยกตัวอย่างชื่อหมู่บ้าน ก่อ
ทาชมพู ทาปลาดูก ทาจันตาเหิน ทาป่าเปา ทากาด ทาๆๆๆๆๆๆๆๆๆๆ

คนแม่ทาอพยพมาอยู่ จ.เจียงฮาย จ้าดนักเน่อครับ
โดยเฉพาะ อ.แม่จัน อ.พาน
ธรรมเนียมก๋ารตั้งจื่อหมู่บ้านโตยจื่อน้ำแม่ก็มีหื้อหันใน จ.เจียงฮาย ครับ
อย่างในลุ่มน้ำคำ อ.แม่จัน อ.เจียงแสน เจ่น
ต.แม่คำ อ.แม่จัน
บ้านแม่คำหนองแหย่ง
บ้านแม่คำสบเปิน
บ้านแม่คำตลาด
บ้านแม่คำหลังวัด

ต.ศรีค้ำ (สรีก้ำ) อ.แม่จัน
บ้านแม่คำหลักเจ็ด

ต.จันจว้าใต้ อ.แม่จัน
บ้านแม่คำฝั่งหมิ่น

ต.จันจว้า อ.แม่จัน
บ้านแม่คำน้ำลัด

ต.ป่าสัก อ.เจียงแสน
บ้านแม่คำเกษตร
บ้านแม่คำหนองบัว
บ้านแม่คำใต้

[เชียงรายพันธุ์แท้]

บ้าน ปี้ อำเภอเทิงเล๊าะครับมาจากหยังน่ะ

"ปี้" เป๋นจื่อเก๊าไม้ครับ ตะก่อนบ้านปี้ ต.หงาว อ.เทิง
มีต้นปี้นัก ขนาดวัดยังจื่อ "วัดต้นปี้" เลยน่อ

คนเมืองฮ้องว่า ปี้ หรือ ปี้จั่น ส่วนคนใต้ฮ้องว่า กระพี้จั่น
ปี้เป็นไม้เนื้ออ่อน มอดชอบกิ๋น คนเลยบ่ล่ำเอามาแป๋งบ้านครับ

ตี้ ต.เวียง อ.เจียงคำ จ.พะเยา ก็มี "บ้านปี้" น่อ
ส่วน อ.แม่วาง จ.เจียงใหม่ ก็มี "ต.ทุ่งปี้" ครับ

ข้อมูลต้นปี้ อ้างอิงจาก
http://sopongardenklong15.blogspot.com/2010/05/blog-post_9395.html

[เชียงรายพันธุ์แท้]

เฮามาลองหาตี๊มาของจื่อหมู่บ้านเมืองเหนือเฮาตั้งแต่เจียงฮาย, เจียงใหม่, หละปูน, ลำปาง,แพร่, น่าน, แม่ฮ่องสอนกั๋นบ๋อ  ตี๊เป๋นภาษากำเมืองท้องถิ่นก็ได้  สากลก็ได้  ถ้าได้ตึงอำเภอจังหวัดโตยซ้ำดี  จะได้
ฮู้ศึกษาเป๋นวิทยาทานกับคนรุ่นลูกหลานในบ้านนั้นโตย  อย่าง เช่น
บ้านวังปลาข้อน  มาจากบวกวังตรงนั้นมีปลามาชุมเยอะแยะ (แต่ป้ายหมู่บ้านเขียนเป็นวังปลาฆ้อน / ความหมายเปลี่ยนไป) แต่ลืมนะอยู่อำเภอไหนเคยเห็นผ่านตา
บ้านม่วงชุม  อันนี้ก็น่าจะมาจากตรงนั้นมีต้นมะม่วงเยอะ ๆ  "ชุม" เป็นชื่อของมะม่วงชนิดหนึ่ง ที่บ้านผมนะ
มีอีกหลายครับที่บ้านใครมีพอจะเล่าสู่กันฟังเชิญนะครับ

มีหนังสือจื่อบ้านนามเมืองใน จ.เจียงฮาย อยู่ครับ วค.เจียงฮายเปิ้นเกยเยียะไว้
ส่วนจั๋งหวัดอื่นๆเปิ้นก็มีหนังสือหยั่งอี้เหมือนกั๋นครับ

[teetee2011]

อ๋อ ? ตี๊ตั้งกระทู้นี้ก็เปื่อว่าถ้าได้ฮู้ตี๊ไปตี๊มาของจื้อหมู่บ้านแต่ละหมู่บ้านนั้นมาจากอะหยัง  คนมะเก่าเปิ้นหุมเอา  เอาต้นไม้กา  กาว่าห้วยหนองคลองบึง  ดอยกา   สัตว์สิ่งเป๋นต้นเอามาเป๋นนามบ้าน   ส่วนนามบ้านสมัยใหม่ก็จะลงท้ายด้วยกำว่า  พัฒนา  คือเอาจื่อสมัยใหม่   จื่อมะเก่าอย่างป่าแดดงวงจ๊าง  จะใดถึงได้จื่อว่าป่าแดดงวงจ๊างตี๊มาตี๊ไปเป๋นจาใดอีครับ    อยา่งปากตางศรีหงก ตี๊  อ.พาน  ตะก่อนมีเก๊าไม้สลี (ต้นโพธิ์)   กำเหนือว่าต้นศรีกาว่าต้นไม่สลี (อ่านว่าสะหรี)   ตั๊ดปางตางเข้าหมู่บ้านมีอยู่และกิ่งใหญ่ห้องว่านางหนึ่งยื่นออกไปหงำหนตาง จึงฮ้องว่าศรีหงก  จะอี้ครับ

[Kontae_ki]

ถ้าคนที่มาจากเมืองยอง ลือ เป็นต้น เปิ้นมักจะตั้งจื่อบ้านในไทยเหมือนบ้านเดิมเปิ้น เช่น

เวียงยอง  เมืองยู้ เป็นต้น

[หนุ่มวัยทอง]

ผมอยู่บ้าน "สันขี้เบ้า"  ศรีทรายมูล
เมื่อก่อนบริเวณนี้เป๋นหนองน้ำและมีดินสันยาวพอประมาณ
จาวบ้านเลยเอางัวเอาควายไปเลี้ยง พองัวควายขี้ออกมา
ก่อจะมีแมงจู้จี้ มาขุดแล้วลงไปไข่ไว้ พอโตขึ้นมันก่อ
เอาดินมาห่อตั๋วไว้ เรียกว่า "ขี้เบ้า" เป๋นอาหารชั้นยอดโปรตีนสูง
ต่อมามีคนมาอาศัยอยู่เพราะเป๋นแหล่งอาหารอันอุดมสมบูรณ์
เลยตั้งจื่อว่า "บ้านสันขี้เบ้า"  จะอี้แล.......

[@เชียงแสน]

ผมอยู่บ้าน "สันขี้เบ้า"  ศรีทรายมูล
เมื่อก่อนบริเวณนี้เป๋นหนองน้ำและมีดินสันยาวพอประมาณ
จาวบ้านเลยเอางัวเอาควายไปเลี้ยง พองัวควายขี้ออกมา
ก่อจะมีแมงจู้จี้ มาขุดแล้วลงไปไข่ไว้ พอโตขึ้นมันก่อ
เอาดินมาห่อตั๋วไว้ เรียกว่า "ขี้เบ้า" เป๋นอาหารชั้นยอดโปรตีนสูง
ต่อมามีคนมาอาศัยอยู่เพราะเป๋นแหล่งอาหารอันอุดมสมบูรณ์
เลยตั้งจื่อว่า "บ้านสันขี้เบ้า"  จะอี้แล.......

ชื่อเข้าท่าดีครับ "สันขี้เบ้า"

[Patu]

บ้านสันสุดตี้ข้าเจ๊าอยู่ มันเป๋นเนินละก็มาสุดตี้หมู่บ้านนี้ เลยจื่อว่าบ้านสันสุด

เกยหันจื่อบ้านเฟยไฮ ยังบ่ฮู้ความหมายเจ๊า