บ้านสันสุดตี้ข้าเจ๊าอยู่ มันเป๋นเนินละก็มาสุดตี้หมู่บ้านนี้ เลยจื่อว่าบ้านสันสุด
เกยหันจื่อบ้านเฟยไฮ ยังบ่ฮู้ความหมายเจ๊า
เฟยไฮ แปล๋ว่า ต้นไทร ครับตี้ อ.เวียงป่าเป้า มีจื่อ บ้านเฟยไฮ
ประวัติ "บ้านเฟยไฮ" กับ "เมืองเวียงป่าเป้า" ครับ
เวียงป่าเป้า เป็นเมืองเก่า เจ้าอินทวิชยานนท์ เจ้าหลวงเจียงใหม่
หื้อพระยาไชยวงค์ ปาคนเจียงใหม่ขึ้นมาถางป่าอ้อหญ้าไซ
ซึ่งอยู่ห่างตั๋วอำเภอไปตางใต้ แล้วแป๋งเมืองจื่อว่า
“เมืองเฟยไฮ”พระยาไชยวงค์ (ต้นขะกู๋ล "บุญชัยวงศ์") เป๋นเจ้าเมืองเฟยไฮ
ต่อมา ผะมาณปี๋ พ.ศ.2430 พระยาไชวงค์หันว่าเมืองเฟยไฮเป๋นตี้ลุ่ม
เข้าฤดูฝนน้ำจะท่วมกู่ปี๋ เปิ้นเลยปาคนขึ้นมาถางป่าไม้ที่มีไม้เป้า
(เป้าน้อย สมุนไพรชนิดนึ่ง) แล้วตั้งเป๋นเมืองจื่อ "เมืองป่าเป้า"
ในปี๋ พ.ศ.2440 พระยาไชยวงค์ต๋าย
พระยาเทพณรงค์ (ต้นตระกูล”ทาอุปรงค์”) ลูกเขยเปิ้น
ได้ฮับแต่งตั้งเป๋นเจ้าเมืองป่าเป้าแตน เปิ้นใจ้ดินกี่ก่อเป๋นก๋ำแปงเมือง
(บ่าเดี่ยวมีฮอยดินกี่อยู่ตี้วัดป่าม่วง - วัดศรีคำเวียง)
แล้วตั้งจื่อเมืองว่า "เวียงป่าเป้า"
ต่อมา พระยาเทพณรงค์ต๋าย พระยาขันธเสมาบดี หม่องส่วยโหว่ง (ต้นตระกูล "ธนะชัยขันธ์")
น้องเขยเปิ้น ได้ฮับการแต่งตั้งหื้นกิ๋นเมืองแตน
พระยาขันธเสมาบดี เป๋นนายแขวงเวียงป่าเป้าคนแรก
ต๋อนหั้นเวียงป่าเป้าเป๋นแขวงขึ้นกับ อ.แม่พริก (อ.แม่สรวย)
พ.ศ.2450 ราชก๋ารตั้ง อ.เวียงป่าเป้า พระยาขันธเสมาบดี ก็ได้เป๋นนายอำเภอคนแรก
หลังเปิ้นต๋าย ราชก๋ารก็ยกเลิกระบบกิ๋นเมือง
ส่งคนลุกกรุงเทพฯมาเป๋นนายอำเภอจ๋นเถิงบ่าเดี่ยว