อยากรู้ประวัติพญาแสนภู

[vava0001]

ใครรู้ประวัติพญาแสนภูแบบละเอียดบ้างค่ะ

[Qdesign]

อยากรู้เช่นกันครับ

[เชียงรายพันธุ์แท้]

.

[เชียงรายพันธุ์แท้]

พญาแสนภูเปิ้นเป๋นหลานพญามังรายน่อ
หลังพญามังรายเปิ้นทิวงคต พญาไจยสงครามก็ได้เป๋นพญา
(พญาไจยสงครามเป๋นป้อพญาแสนภู)
พญาไจยสงครามปกครองตี้เวียงเจียงฮาย
ส่วนเวียงเจียงใหม่เปิ้นหื้อต้าวแสนภูกินเมือง

ช่วงตี้ต้าวแสนภูกิ๋นเจียงใหม่ต้องฮับเศิกจากเมืองนาย
ขุนเครือเซิ่งเป๋นอา (น้องพญาไจยสงคาม) ยกทัพมายึดเจียงใหม่
ต้าวแสนภูบ่สู้ หนีไปเปิ้งป้อตี้เจียงฮาย
พญาไจยสงครามหื้อต้าวน้ำถ้วมมาจิงเมืองเจียงใหม่ได้
ขุนเครือโดนยับขังคอกตี้แจ่งกู่เฮือง ส่วนต้าวน้ำถ้วมได้เป๋นอุปราชแตนต้าวแสนภู
ปาหลัง พญาไจยสงครามกั๋วต้าวน้ำถ้วมเป๋นกบฏ เลยหื้อไปกินเจียงตุ๋ง
แลตั้งต้าวแสนภูเป๋นอุปราชอย่างเก่า

หลังพญาไจยสงครามสวรรคต
ต้าวแสนภูก็ได้เป๋นพญา กินเมืองเจียงฮาย
เปิ้นหื้อต้าวคำฟู ลูกบ่าวเปิ้นกิ๋นเจียงใหม่
พญาแสนภูเปิ้นครองราชย์ พ.ศ.1868-1877 (11 ปี๋)
ปี๋ พ.ศ.1871 เปิ้นฟื้นฟูเมืองเก่า ตั้ดตี้เกยเป๋นเขตเมืองเงินยาง
ฮ้องจื่อเวียงนี้ใหม่ว่า เวียงเจียงแสน
แป๋งวัดไว้หลายวัด เจ่น วัดเจดีย์หลวง (พ.ศ.1873)
วิหารวัดหนี้กว้าง 8 วา 1 ศอก ยาว 17 วา
แลแป๋งเจดีย์สูง 29 วา ฐานกว้างด้านละ 14 วา
มีเขตอุปจ๋ารอาราม 100 วา แลตั้งข้าพระธาตุ 50 ครัว
ตานนาขึ้นอาราม 2 ล้านเบี้ย

พญาแสนภูอยู่เจียงแสนกับนางชิบคำมเหสีได้ 7 ปี๋ ก็สวรรคต

[vava0001]

ขอบคุณนะค่ะ