เขียนตั๋วเมืองให้ผมหน่อยครับบบบ

[ปิ๊กบ้านเมืองพาน]

ขอรบกวนท่านผู้รู้ทุกท่าน เขียนตั๋วเมืองคำต่อไปให้นี้ให้ผมด้วยนะครับ
 อยากได้ที่มีความละเอียดเยอะๆๆๆด้วยอะครับ เพราะว่าจะไปสกรีนลงเสื้อครับ

โรงเรียนพานพิทยาคม เชียงราย 

เมืองพาน

สองประโยคนี้นะครับ

ยินดีจ๊าดนักครับ

[aOmzii^^]

เหมือนเคยเห็นมีคนแจกฟร้อนนะคะที่นี่แร่ะค่ะลองหาดูนะ

[สติ๊กเกอร์@อ.พาน]

ฟ้อนมี แต่พิมพ์ให้ถูกหลักไม่เป็น ลองให้พระท่านเขียนให้ซิครับ

[ล้านนานิยม...นิยมล้านนา]

ถ้าผมเข้าใจ๋บ่ผิ๊ด ก่หน้าจะเป๋นจะอี้หนาครับ

[ปิ๊กบ้านเมืองพาน]

ยินดีจ๊าดนักครับ คุณล้านนานิยม...นิยมล้านนา

[เชียงรายพันธุ์แท้]

เน้นตี้ก๋านเขียน กาว่าก๋านอ่านครับท่าน

[ปิ๊กบ้านเมืองพาน]

ยินดีจ๊าดนักครับ คุณเชียงรายพันธุ์แท้

[natta2533]

สุมาเน้อคับปอดีหันอะหยังว่ากวรจะเตื่อมแถมน้อยนึ่ง  อย่างตี้อ้ายเจียงฮายพันธูแต๊บอกมาแบบหลังนั้นเป๋นแบบที่ไจ๊เขียนแบบยืนต๋ามตั๋วอักษร ถ้าจะอั้นก่กวรเปลี่ยนตัวกำว่าคมตวยคับเพราะป๋าลีในล้านนาบ่ไจ๊ตั๋ว"คะ"   แต่กวรไจ๊เปลี่ยนเป๋นตั๋ว"ก๊ะ"แตนเน้อคับผม  ปล.ไอ้เรื่องอ.พานตกลงเขียนด้วยตั๋ว"ป๊ะ"กาว่า"ภะ"กั๋นแน่คับไคร่ฮู้แต๊ๆ  เพราะตี้ลำปางก่ามีอ.ปานนาคับไกล้ๆกับกับพานของเจียงฮายเมื่อกึดแล้วเขียนแบบล้านนากำว่า"ปาน"จะลงที่ตั๋ว"ป๊ะ"ซึ่งปริวรรตเป๋น "พ"ของไทยไต้ปอดี  แล้วตกลงมันจะเขียนอย่างไดแน่นิคับผมจะเป๋น พาน ปาน กาว่า ภาน   ผมเป๋นคนเมืองพานยังงเลย

[CEI_Lover]

กำเมือง เป็น การผสมอักษรตามเสียงของตั๋งอักษร

ไม่มีความหมายแฝงในตัวอักษร ครับ - - -เป๋นแค่การถ่ายทอดเสียง

แต่ ในคำเมือง มีการยืมคำมาจากภาษาอื่น ๆ ด้วยครับ

ฉะนั้น

คำว่า "คน" กับ "กน" เลยเขียนต่างออกไป

ก๊ะ กน  ค๊ะ คน บางฮีต ก็ จะ เขียน ก๊ะ คน หรือ ค๊ะ กน ก่ได้

[ปิ๊กบ้านเมืองพาน]

มีผู้รู้อีกทานเขียนมาแบบที่แนบมานี้นะครับ

ท่านเขียน เป็น พราน ครับ
ท่านบอกว่า พร ออกเสียง เหมือน ภ ออกเสียงเป็น PH

แล้วผมจะเอาแบบไหนดีครับ ขอบคุณครับ

[เชียงรายพันธุ์แท้]

มีผู้รู้อีกทานเขียนมาแบบที่แนบมานี้นะครับ

ท่านเขียน เป็น พราน ครับ
ท่านบอกว่า พร ออกเสียง เหมือน ภ ออกเสียงเป็น PH

แล้วผมจะเอาแบบไหนดีครับ ขอบคุณครับ

ใจ้ "พร" ก็ได้ครับ
กู่เตื้อเวลาเขียนจื่อเมือง "พะเยา" เป๋นตั๋วเมือง ผมก็เขียนว่า "พระเยา" น่อ
ผมว่า "พร" ก็ดีหนาครับ

ต๋อนนี้เฮายังบ่มีหน่วยงานไหนมากำหนดมาตรฐานตั๋วเมือง (ภาษาล้านนา)
จาอั้นบ่ต้องกั๋วผิดครับ

แต่ในปั๊บสาเปิ้นเขียนว่า "พราน" น่อ
ถ้าท่านบ่บอกผมก็เกือบลืมไปแล้วน่อ

[เชียงรายพันธุ์แท้]

สุมาเน้อคับปอดีหันอะหยังว่ากวรจะเตื่อมแถมน้อยนึ่ง  อย่างตี้อ้ายเจียงฮายพันธูแต๊บอกมาแบบหลังนั้นเป๋นแบบที่ไจ๊เขียนแบบยืนต๋ามตั๋วอักษร ถ้าจะอั้นก่กวรเปลี่ยนตัวกำว่าคมตวยคับเพราะป๋าลีในล้านนาบ่ไจ๊ตั๋ว"คะ"   แต่กวรไจ๊เปลี่ยนเป๋นตั๋ว"ก๊ะ"แตนเน้อคับผม  ปล.ไอ้เรื่องอ.พานตกลงเขียนด้วยตั๋ว"ป๊ะ"กาว่า"ภะ"กั๋นแน่คับไคร่ฮู้แต๊ๆ  เพราะตี้ลำปางก่ามีอ.ปานนาคับไกล้ๆกับกับพานของเจียงฮายเมื่อกึดแล้วเขียนแบบล้านนากำว่า"ปาน"จะลงที่ตั๋ว"ป๊ะ"ซึ่งปริวรรตเป๋น "พ"ของไทยไต้ปอดี  แล้วตกลงมันจะเขียนอย่างไดแน่นิคับผมจะเป๋น พาน ปาน กาว่า ภาน   ผมเป๋นคนเมืองพานยังงเลย

แม่นละครับ กำว่า พิทยาคม ต้องใจ้ "ค" น่อ บ่แม่น "ฅ"

[framezasabi]

น้องเกยเฮียนมา   เเต่ว่าจำบะได้เเ้ล้ว  ว่างๆเเวะไปโฮงเฮียนขุนตาลวิทยาคมเน้อเจ้า   มาอาจารย์เปิ้ลสอนภาษาพื้นเมืองเเบบอร้หน่ะเจ้า 

[ล้อล้านนา]

อันนี้ถูกต้องแล้วครับ เอากำเมืองแต้ดีกว่าไปแป๋งต๋ามกำไทยครับ ถึงแม้เฮาจะเป็น "สิกข์ต่างครู อาจารย์ต่างวัด หนังสือก้อมต่างคนต่างมี" แต่เฮาก็ได้เอามาฟู่อู้กั๋นหื้อเกิดประโยชน์ สู้ๆ เพื่อตัวเมืองของเฮา

[เชียงรายพันธุ์แท้]

อันนี้ถูกต้องแล้วครับ เอากำเมืองแต้ดีกว่าไปแป๋งต๋ามกำไทยครับ ถึงแม้เฮาจะเป็น "สิกข์ต่างครู อาจารย์ต่างวัด หนังสือก้อมต่างคนต่างมี" แต่เฮาก็ได้เอามาฟู่อู้กั๋นหื้อเกิดประโยชน์ สู้ๆ เพื่อตัวเมืองของเฮา

หันตวย ครับ ใจ้ "พราน" ดีตี้สุดครับ

ภาษาอู้เถิงจะต่างสำเนียง แต่ขอภาษาเขียนไว้หื้อเหมือนกั๋นเป๋นดีครับ
ผมว่าเฮาน่าจะมีมาตรฐานภาษาล้านนา (Standard Lannese) ได้แล้วน่อ
อย่างหน้อยก็จื่อบ้านนามเมือง จะได้มีหลักเขียนเหมือนกั๋น
อย่างกำว่า ลำปาง หละปูน แป้ ปัว ยังบ่ฮู้จะเขียนจาใดแน่

[natta2533]

ดีๆๆๆคับสนับสนุนเกิ๋นร้อย   อ่านกระทู้นี้แล้วฮู้สึกจื้นใจ๋ย้าวๆน้อคับว่ายังมีหลายคนตี้ยังฮักษาฮีตฮอยกำเมืองไว้อยู่ ไอ้เรื่องจะสร้างมาตรฐานหื้อกำเมืองนี้แนวคิดวิเศษแต๊ๆน้อคับ  แต่ว่าจะเยียะได้ก่อหานิ กะอย่างตี้เปิ้นว่าไว้ว่า"สิกต่างครูอาจารย์ต่างวัด หนังสือก้อมแลคนแลมี"ว่าอั้น  แต่เต้าตี้ฮู้มาเปิ้นว่าเอาแบบอักขรวิธีของเมืองน่านวัดภูมินทร์เป๋นแบบยืนไว้เรียนกั๋นเพราะว่างามดี   อันนี้แต๊บ่แต๊จาไดต้องถ้าผู้ฮู้มายืนยันกำเน้อผมบ่หมั้นใจ๋คับ 55+ แต่ส่วนตั๋วผมชอบตั๋วเมืองก่อตั๊ดนี้หละคับเป๋นแบบเขียนตี้มีหลักแบบหลวมๆดิ้นไปดิ้นมาได้ต๋ามคนเขียนมันผ่อแล้วมีชีวิตดีบ่ต๋ายตั๋วอย่างกำไทยไต้  อยากหื้อจาวเฮาตี้จ้างกำเมืองปากั๋นมาแลกเปลี่ยนแนวคิดแล้วกะฮูปแบบการเขียนของครูตั๋วเก่านักๆเน้อคับเผื่อจะได้ก๋ายเป๋นการสร้างมาตรฐานอย่างอ้ายเจียงฮายพันธูเเต๊เปิ่นว่าคับ   

[เชียงรายพันธุ์แท้]

ผมใคร่หื้อป้ายขะหนนหนตางในบ้านเฮามีตั๋วเมืองกู้กับตั๋วไทยตวยน่อ
ถ้าเจียงฮายเยียะ จะก๋ายเป๋นจุดขายใหม่ของเมืองน่อ
อ่านออกบ่ออกก่อยว่ากั๋นแหมกำ ขาดตั๋วจี๋นมันยังมีได้ แล้วตั๋วเมืองลอมันหายไปไหน
ท่านไปผ่อเตอะป้ายขะหนนในเวียง มี 3 ภาษา ไทย ฝรั่ง จี๋น แต่บ่มีตั๋วเมืองเน้อ

ภาษาเมือง คนเมืองบ่ใจ้ แมวตี้ไหนจะใจ้น่อ
ฮ่วมใจ๋กั๋นใจ้ตั๋วเมืองกู้กับตั๋วไทย