บั้งไฟขึ้นที่บ้านห้วยทราย

[lomluang]

กิ๋นตอนแล้ว แดดฮ้อนขนาดเน้อพี่น้อง เออ ที่บ้านห้วยทรายเปิ่น "จิบอกไฟ" ไปผ่อกำลอ เพราะ "หุมขนาด" คนมาผ่อบอกไฟนักขนาด "มากปวงหลวงหลาย ตึงญิงตึงจาย ตึงหนุ่ม ตึงเฒ่า" นั่งกั๋นสลอน ต๋ามฮิมฮ่มไม้ ม่วนขนาด ครับ

[lomluang]

เอ....วันนี้หยังบ่ามีไผมานั่งตางหน้าบังก่องอำนวยก๋าร คริ คริ ผมเลยได้ที่ดี หันถี่ขนาด ......บอกไฟบั้งนี้ ขึ้นบ่าสูง วัดความสูงได้แค่ 50 หน่วยกว่าๆ

[lomluang]

ขึ้นก๊างแหมบอกละครับ ผ่อลีลาก๋ารจุดก็ใช้ระบบไฟฟ้า เมื่อเตรียมติดตั้งบั้งไฟก็จะมีสัญญาณธงแดงตวย พร้อมก็ใช้ธงเขียว ก็ฌตันสมัยและปลอดภัยแหมตวย.........ผ่อบอกไฟทะยานขึ้นฟ้า ยังกับอเมริกา ปล่อยจรวดออกจากฐานประมาณนั้น

[lomluang]

ฮั่น ขึ้นแหมแล้ว....อ่านค่าวฮ่ำบอกไฟกำน้อ ครับ.........ฮ่ำบอกไฟขึ้น
จากป้ออุ้ยศรีก๋อง
อิคิกลุยหัง สัททังค้ำฟ้า เสียงสนั่นกล้า ต๊องฟ้าปายบน
เป๋นโกลาหล ปายบนโต้งห้อง เหมือนเสียงฟ้าฮ้อง แผดก้องกังวาน
พ่องหอบลูกหลาน เป๋นปุ๊กเป๋นคู้ ไปกั๋นลู้ลู้ ไปผ่อบอกไฟ
หูดับตับไหล ผ่อบอกไฟขึ้น เป๋นดีใจ๋จื้น ท่าน้าวมีงาน
วาระกิ๋นตาน หลองวัดแก้วเจ้า ตกแต่งแป๋งเก๊า ต่อศาสนา
ผ่อฝูงประชา ศรัทธาแก้วกว้าง บ่ได้ละว่าง ขว้างหื้อหายไป
ตกน้ำบ่ไหล บ่ไฟบ่ไหม้ บุญตานขานไค้ ไผยะไผทำ
เป๋นบุญต๋ามหลัง ไปยังจ๊าดหน้า จ๊าดนี้บ่ต้า มาฮ่วมกิ๋นตาน
ได้มาฮ่วมก๋าน มางานตี้นี้ ขอไขกล่าวจี้ ปี้น้องอาวอา
ยังญาติก๋า วงศาถ้วนหน้า มาเน้อน้องหล้า มาผ่อบอกไฟ
ผู้คนหลวงหลาย หลั่งไหลมาจ้อม แห่แหนแวดล้อม ป้าดก๊องก๋องยาว
ตึงหนุ่มตึงสาว ไค่หัวเหิดสู้ คึกคักแต้ลู้ ยอดจู้คนงาม
จ๊าดขี้ปู๋มหลาม อกแง้นแป้แล้ ผ่อดูถี่แต้ เป๋นต๋าดีจัง
มานุ่งซิ่นปั๋ง เสือกไค่ก๋ำจอง มานุ่งซิ่นย้อม น้ำแหล้ลงคราม
คนเฒ่าบ่งาม นั่งหดอยู่ใต้ ฮ่มปื้นเก๊าไม้ ต๋ามเหมืองคันนา
ผ่อเทิ้มนั่นกา จุ๋มปลวกว่าอั้น เป๋นหลืบเป๋นจั้น หลั่งไหลกั๋นมา
หนุ่มสาวนั่นกา ม่วนงันแต้ใบ้ หากปิ๊กไปได้ ไค่ลดลงซาว
ไปเป๋นหนุ่มสาว ฟ้อนรำต๋ำเต้น บ่มีหลบเว้น ตึงม่วนตึงงัน
เจิญมาผ่อกั๋น ผ่อบอกไฟขึ้น หื้อมันใจ๋จื้น สนุกเจยบาน
ยั้งเวียกยั้งก๋าน จ๋านชามแลถ้วย บ้านเฮือนแหมด้วย วันพูกค่อยทำ
ความม่วนมาต๋ำ ละไว้ก่อนเจ้า วันพูกเมื่อเจ๊า ค่อยล้างค่อยโท
งานใหญ่งานโต๋ มาเน้อน้องหล้า คนเฒ่าย่างจ้า ขอลาลวดลง
ขอจบวางป๋ง ลงไว้เต้าอี้ ก่อนแลนายเหย ..

[lomluang]

ก๊างบอกไฟสูงพ่อง ต้องช่วยกั๋น "หามสามหามสี่" ติดตั้งหื้อดี และจุดชนวน บางบอกขึ้นตั้ง บางบอกก็บ่าเอาไหน แล้วแต่สล่า ต๋าฮาไผมัน ก็ม่วนดี ครับ

[@ไอ้อ้วน@]

อยากรู้ว่าจะไปตกที่ไหน แล้วขยะที่ตกมาใครจะเก็บคะ

[lomluang]

อยากรู้ว่าจะไปตกที่ไหน แล้วขยะที่ตกมาใครจะเก็บคะ

......ตกในป่าครับ........... ไผเก็บ............?..... หางก็เอามาแก๋งแคได้ ครับ อิ อิ

ผ่อต่อนะครับ ขยะมอกอี้คงบ่าเป๋นหยัง ขนาดคนต่างจังหวัดลักเอาขยะมาขว้างบ้านเฮาเป๋นหลายกันรถ 10 ล้อ ไผยังบะว่าอะ สัง น่อ ...........

[lomluang]

หมดละครับ............ขอขอบคุณทุกท่านที่เข้ามาเยี่ยมชม

[tonthekop]

แม่นครับ ตกกลางดอย กลางป่า
ตอนเด็กๆเคยไปหาบั้งไฟในป่ากับเพื่อนๆด้วย 
เอาเศษเหล็กมาชั่งกิโลขาย ได้หลายตัง อิอิอิ

[@ไอ้อ้วน@]

แม่นครับ ตกกลางดอย กลางป่า
ตอนเด็กๆเคยไปหาบั้งไฟในป่ากับเพื่อนๆด้วย 
เอาเศษเหล็กมาชั่งกิโลขาย ได้หลายตัง อิอิอิ

+1

[surasak.289]

หยังมาม่วนแต้ๆ

[@ไอ้อ้วน@]

งานนี้มีคนตาย1คน อีกกระทู้เอาข่าวมาลงค่ะ อ้างอิงจาก http://www.chiangraifocus.com/forums/index.php?topic=91080.msg1021248;topicseen#new

[ap.41]

ปีนี้ไม่ได้ข้ามไปแอ่วฝั่งลาวเลย ม่วนขนาดเน่อ.....................

[nattapongoam]

ผมคนหนึ่งที่หุ๋มบั้งไฟขนาดขนากหนัก ตะวากะไปผ่อที่ อ. ป่าแดดมา วันนี้รู้สึกว่า ปางมดแดง เชียงคำไปทุกปีแต่ปีนี้ไม่ได้ไป อาทิตย์หน้า ดงมหาวัน เชียงรุ้ง และต่อด้วย สันทรายงาม เทิงครับ

[kangaroo_41]

น่าจะโปรโมทกันเยอะนะครับ จะได้มีคนไปดูเยอะๆ เหมือนทางอีสาน นะครับ

[WH_Y]

..บอกไฟขึ้นผ่อหยั่งกับจรวดเนาะเจ้าลุง..สรียินดีเจ้ากับค่าวฮ่ำบอกไฟเจ้า..

[bm farm]

 ...บรรยากาศม่วนกั๋นขนาดครับ....

[xman]

บรรยากาศน่าสนุนครับไม่เคยเห็นของจริงสักที 

[krirung]

  บรรยากาศน่าเที่ยวมากๆครับ มุมภาพสวยครับ ประเพณีแข่งบั้งไฟแบบนี้เดียวนี้ไม่ค่อยได้เห็นครับ   

[anuraksir]

น่าจะสนุกมากๆๆๆนะครับ