ความเมตตาจากครูบาเจ้าบุญชุ่ม ญาณสังวะโร
เดือน 12 แรม 6 ค่ำ จะออกถ้ำมาถึงพระธาตุดอนเรือง เราเมตตาพ่อ แม่ พ่อออกศรัทธาตั๋งบ้างเมืองที่นับถือพระพุทธเจ้า หื้อตานตุงทองคำยาว 20 วา ตุงเงินยาว20 วา และกองทรายเต่าอายุไผอายุมัน ไม้ก้ำสลียาว 1 เล่ม ยาววาไผวามัน ทำเร็วก็จักพ้นจากภัยยะกั๋งวน ถ้าไผมีเวลาใดก็หื้อตานวันนั้นด่วน คำทำนายนี้เมตตามาจากถ้ำผาจ้าง เมืองแขเมืองขัน มีดังนี้ ถ้าไผไคร่ป้นภัยยะที่จะมาภายหน้าก็หื้อรีบตานเร็วๆเต้อะ
คำนวณพระยาอินทร์ว่า โลกจักดับมืดปี พ.ศ. 2554 พุทธศักราช 2.7 ถึงวันที่ 15 เดือน 8 ถึงเดือน 10 ขึ้น 3 ค่ำ โลกนี้จักเกิดมีเกณฑ์ภัยยะร้ายแรงต่างๆนาๆ คนจักได้ต๋ายมากหลาย ด้วยความลืมตั๋วกั๋น ถึงวันที่ 15 เดือน 10 ถึงเดือน 12 ออก5 ค่ำ หญิงจายหนุ่มเฒาจักได้เข้าถึงมรณะเป็นอันมาก เพราะลืมรักษาศีลปฏิบัติธรรม ถ้าถึงวันที่ 25 เดือน10 เวลาตี๋ 1 ตอนกลางคืนทุกคนต้องระวังตั๋ว เดือนเกี๋ยงดับจักมีการพายุใหญ่ ฝนหลวง บ้านเมืองจัดพังพินาศ เสียหายมากหลาย
วันที่3เดือน 11 จักเกิดเป็นศึกยิงฆ่ากัน ถึงกับเลือดยางออกนองเป้นแม่น้ำใหญ่ ในโลกนี้จักมืดไป 45 วัน ในปี้นี้คนในโลกจักมีภัยยะข้าศึกมา ถ้าไผใคร่ป้นจากเหตุการณ์เหล่านี้ จงจำศีล กิ๋นตานภาวนากั๋นไปเต๊อะ กั๋นโลกดับมืดจงเตรียมพร้อม เพื่อป้องกันภัยนั้นบ่าหื้อต๋ามกันไปได้แล
1. จุ้งเตรียมข้าวมาใส่บาตรทุกวัน
2. จุดธูปเทียนบูชาพระพุทธเจ้าทุกวัน
3. หาผ้าห่อไว้ใจ้กั๋นหนาว
4. หาลูกไม้หัวมันใส่บาตรทุกวัน
5. เวลาโลกดับมืด 45 วันนั้นหื้อกินอาหารเจ อย่าได้กินเนื้อ อย่าได้กินปลา
6. ถ้าผู้ใดอยู่ในศีลในธรรม เอาแก้วตั๋งสามประก๋านเป็นที่พึ่งแล้วแต้ ก็ควรรักษาศีลกิ๋นตาน มีเมตตา ภาวนา ทุกวันอย่าได้ขาด
ในเวลาโลกมืดดับ 45 วันนั้น หื้อบูชาไหว้พระรัตนตรัยก่อนนอนเป๋นประจำ ก็จักป้นจากเคราะห์หายนาม และอยู่ดีมีสุข เหล่าพระอินทร์ตกลงมาเมตตาบอกกล่าวคนในโลก หื้อจ่างอยู่จ่างกิ๋น เพื่อหื้อป้นจากภัยยะกั๋งวนอันตรายต่างๆนั้นแล อย่าลืมรักษาศีล หื้อบริสุทธิ์เจริญเมตตาภาวนา
1. ใครผู้ใดฮู้แล้วขอบอกสืบต่อกั๋นไปทั่วทุกทิศอย่าได้ปิดบังไว้
2. เวลามีศัตรูนั้น หื้อได้รักษาศีล หื้อตาน เมตตาภาวนาใส่ข้าวปู่จาทุกวัน เพื่อปี๋น้องจักอยู่กับตั๋วต๋น เมื่อยังมีชีวิตอยู่นั้นด้วย
3. เมื่อเฮาจักเข้านอน จุงต่อหมากนับ หรือต่อลูกประคำนั้นแหละ อย่างน้อยสัก 10-15นาทีเต๊อะ จักได้ป้นจากภัยยะอันตรายทั้งปวง
หนังสือฉบับนี้ ได้มาจากครูบาอภิชัยทาปี จากหลุมแก้วของตาน นทีนี้จักกล่าวย่ำต๋ำนานยมราชก่อน ในปี๋สีปี๋ใส้ ไปปายหน้านี้คนตั๋งหลายจักเดือดเนื้อฮ้อนใจ๋ ฝั่กไฝ่ทำลายกั๋นต๋ายมากนัก ข้าราชก๋านอยู่บ่ดี กิ๋นบ่รำ ผิดเถียงกั๋น บ่ยอมกิ๋นข้าวบ่ยอมกิ๋นน้ำจะแล หนังสือยมมราชนี้ หื้อบอกสืบกันไปเต๊อะ ในปี๋มะโรง ปี๋มะเส็งเป๋นแน่ และต่อไปจักมีคนเฒ่าลงมาเลียบดูคนบ้านใดบ่มีหนังสือนี้ไว้ในบ้านเรือนต๋าน จักมาบีบคอต๋ายเสี้ยง และหื้อบอกสืบต่อกั๋นฮู้ทุกคน ถ้าคนใดบ่อเจื่อหื้อผ่อไปเต๊อะ ปี๋มะโรงเดือนเกี๋ยง ปี๋มะโรงเดือน 11 ออก 14 ค่ำไปปายหน้าจักได้ กั้นข้าวกั้นน้ำ ตุ๊กเข็ญใจ ตุ๊กนอนบ่หลับ ตุ๊กผัวเมียบ่ฟังกำกั๋น ตุ๊กมีลูกบ่มีไผเลี้ยง หนังสือยมราชกล่าวไว้ว่า เวลากล๋างคืนระวังผีร้ายจะอำ ถาได้ยินเสียงคนมาเอิ้นเรียก เวลากลางคืนอย่าได้ตอบกั๋น จักหลับลวด เดือนเกี๋ยงออก 7 ค่ำเดือนดับ เดืองเป็ง บ่หื้อต๋ำข้าวต๋ำน้ำ ผีจัดใส่ยาเบื่อยาเมา วันศีลวันเดือนดับเดือนเป็งหื้อจำศีลกิ๋นตานไป จักป้นเคราะห์กำเวร จักมีอายุมั่นยืนยาวแต้แล
*****คือผมได้มาจากญาติ อีกทีนะคับหลังจากที่ท่านเตือนมาวิธีแก้แผ่ดินไหวครั้งก่อน ใครจะเชื่อหรือไม่เชื่อประการใดแล้วแต่ แล้วใครอยากทำบุญหรือทำพิธีดังกล่าว ผมคิดว่าจะจัดทำพิธีใหญ่ร่วมกันซักวัน แต่ขอปรึกษากับพระท่านก่อน แล้วใครอยู่เชียงรายหรือใกล้ๆ หรือท่านใดที่คิดอยากจะประกอบพิธีหรือทำบุญร่วมกันก็สอบถามมาได้นะครับ แล้วถ้าได้ผลหรือรายละเอียดยังไงจะ มาแจ้งข่าวอีกที
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
