นกเล่นน้ำ............

[lomluang]

สวัสดี ปี๋ใหม่เมืองครับ.........ปี๋เก่าก็ล่วงล้นป้นไปแล้ว ปี๋ใหม่แก้วผญาวันก็มาฮอดมาเถิง ก็ขอหื้อเพื่อนผองน้องพี่มึวามสุขตลอดปี๋ใหม่นี้นะครับ.........เอาน้องนกมาหื้อผ่อตวยครับ นกชุกแรกถ่ายไว้หลายวันที่บ้านช่วงปี๋ใหม่ บ่าไปไหน เพราะกลั๋วเปี่ยะน้ำ นกหัวขวานจิ๋ว ครับ

[lomluang]

ววันนี้ขึ้นไปไจผ่อบ่อนก ที่ผ่านมาบ่อนกมีแขกจากต่างที่มาแอ่วนักกะเลยหลีกตางหื้อเปิ่นก่อน แต่นกก็เหมือนว่าฮู้ใจ๋กั๋นบ่ามาฮับแขก คริ คริ วันนี้มาละครับนกฮับแขกนกจับแมลงจุกดำตั๋วแม่

[lomluang]

นกกระจิบหันคนเปิ่นเล่นน้ำปี๋ใหม่กั๋น มันกะเลยมาเล่นน้ำพ่อง ผ่อลีลาเล่นน้ำเอาเต๊อะ ครับ

[lomluang]

นกจี๋แจ๊บดง ตั๋วแม่ ก็มาอาบน้ำ ม่วนขนาดเฮ้ย

[lomluang]

นกจาบดินอกลาย ขาประจ๋ำ มาเล่นน้ำตวยเปิ่นเหมือนกั๋น ครับ

[lomluang]

นกติ๊ดตะโพกขาว โชว์ขาขาวๆ อาบน้ำด้วยกัน จูบปากอวดซะด้วย

[lomluang]

นกจี๋แจ๊บดงตั๋วปู๊ สีสันงามบาดต๋า หางยาว เสียงม่วน ผิวปากได้หลายเสียง บางทีมันทำเสียงแปลกๆเหมือนผีหลอก คริ คริ มาอาบน้ำตวยเน้อ

[lomluang]

ตั๋วนี้ คึพ่อง ชอบอาบน้ำตก ซู่ซ่า...แล้วกะสว่ายขน ยีสุ่นบุ่น จ้าดงาม ครับ

[lomluang]

ปิดท้ายด้วยนกแว่นต๋าขาวและภูหงอนต๊องขาว อาบน้ำแบบนก นก คือ จะหลุ่มผุดแล้วก้ออกมาเลย สมัยเป๋นละอ่อนไผอาบน้ำกำเดียว คนเฒ่าคนแก่ก็ว่า อาบน้ำนกเหิยละก้่า.......ขอบคุณทุกท่านที่เข้ามาแอ่วหากั๋นและมีความสุขตลอดปี๋ใหม่เน้อ ครับ

[WEBMASTER]

ตั๋วนี้ คึพ่อง ชอบอาบน้ำตก ซู่ซ่า...แล้วกะสว่ายขน ยีสุ่นบุ่น จ้าดงาม ครับ

นกก็งาม...คำบรรยายก็ม่วนน่อลุงลมหลวง

[>:l!ne-po!nt:<]

สุดยอดเหมือนเดิมครับ

[xman]

สวยงามทุกใบเลยครับ เมื่อไหร่จะถ่ายได้แบบนี้มั้งครับ 

[A1]

สวยสุดยอดครับ

[WH_Y]

..นกยังเล่นน้ำปีใหม่..   งามกู้ตั๋วเลยเจ้าน้องนก..

[bm farm]

  ..คมชัดดีขนาดครับลุง...

[มดตะนอย]

งามแต้ๆ
ว่างๆมาถ่ายรูปเปิ้นผ่องกะ