คำปั๋นปอนปี๋ใหม่
เอวังโหนตุ ดีและอัจจะในวันนี้ก็หากเป๋นวันดี ดิถีอันวิเศษ เหตุว่าอติกั๋นโต๋
สังขารปี๋เก่าก็ข้ามล่วงป๊นไปแล้ว ปี๋ใหม่แก้วยอดพญาวัน ก็มาจุจอดรอดเถิง
เติงในก๋าละวันนี้ยามนี้ หมู่สูเจ้าตั้งหลายก็บ่ละเสียยังฮีต อดีตป๋าเวณีอันเป๋นมาแต่ป๋างก่อน
เจ้าตังหลายก็บ่ผ่อนเสียยังศรัทธาจิ่งได้น้อมนำมายังสุกันธาโทตะกะ ทานะวัตถุตานทั้งหลายฝูงนี้มาถวายเป๋นตาน
เพื่อว่าจักมาขอขมาโทสะนะโทษ ผู้ข้าก็โผดหื้อเป๋นอโหสิกรรม
แม้นว่าเจ้าตั้งหลายได้กระทำเป๋นตางดีตางชอบ จุ่งหื้อประกอบไปด้วยปณิทา
จุ่งหื้อมีอายุฑีฆายืนยิ่ง โรคภัยทุกสิ่งหนีไกล๋ หื้อมีวรรณะใสสดชื่น เป๋นที่รักและพอใจของผู้อื่นที่เขาหัน
หื้อมีความสุขสันต์ทุกค่ำเจ๊า ก๋าผิก๋าสุข เจ๋ตะผิก๋าสุข พร่ำพร้อมบริบูรณ์ หื้อมีกำลังหนุนเตี่ยมแถ้ง
อย่าหื้อได้เหี่ยวแห้งจุประก๋าร หื้อสมดั่งกำปอนว่าไว้ สมดั่งนึกได้จุประก๋าร เตี่ยงแต๊ดีหลี…
สัพปีตีโย วิวัชสันตุ สัพพะโรโค วินัสสันตุ มาเต๋ ภะวะตวันตราโย
สุขีฑีฆายุโก ภะวะอภิวาทะนะ สีลิสสะนิจจั๋ง วุฑฒาปะจ๋ายีโน จัตตาโร ธรรมา
วัชทันติ อายุวัณโณ สุขัง พลัง…..
สาคร พรมไชยา เชียงราย
คำมัดมือ
สลีสวัสดี ฮ้ายกวาดหนีฮ้ายกวาดหนี ดีกวาดเข้า ดีกวาดเข้า มัดมือซ้ายขวัญมา
มัดมือขวาขวัญอยู่ สิบปี๋ บ่หื้อไปที่อื่น หมื่นปี๋บ่หื้อไปที่ไหน ข้าจักมัดขวัญเจ้าไว้
ด้วยฝ้ายมงคลอันวิเศษ ฝ้ายขาวเต๊สบริสุทธิ์ อันมนุษย์ต่างใฝ่หา มัดหยังกาก็หมั้น
มัดจ๊างปายสารก็อยู่ ผูกงัวควายก็ทน แม้นจักมัดมือคนก็หายพยาธิ
ฝ้ายเส้นนี้ดีขนาด นาคเบื้องบาทพญาวิรุณปักษ์ ฝ้ายเส้นนี้นามีเต๋จาอันวิเศษ
อันสลูปด้วยพระเกตุในตักกะศิลา มาข้าจักผูกขวัญไว้ บ่หื้อหนีไกล๋จากเจ้า
ทุกค่ำเจ๊าหื้อสุขสำราญ ผองภัยพาลหนี***ง เคราะห์ต่างๆหมดไป
เจ็บปวดที่ไหน ก็หื้อมาย อันตรายอย่าได้บังเกิด สุขล้ำเลิศด้วยพรสี่ ประก๋าร
หื้อยู่ดีกินหวาน อายุยืนนานร้อยปี๋ วรรณะผ่องศรี สะอาด พลังเก่งกาจกล้าหาญ
ปฏิภาณว่องไว หื้อมีจัยมีโจ๊ค ป๊นจากตุ๊กข์โศกนานา อยู่ดีฑีฆาเตี่ยงเต๊า
ทุกค่ำเจ๊าสุขสันต์ ชัยยันตุภวังไชยมังคะลังอายุวัณโณสุขังพลัง
ที่มา
http://www.thammasil.com/plus7/data/00004-1-1.html
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
