ฮอมปอยบ่าเดี่ยว หยังมาเป็นอี้ไปเหียละ

[เวียงเก่า]

เวปบอทดักซื้อกื้อ กะลังเข้ามาเล่น บ่าหู้ว่าเปิ่นเลิกเล่นกั๋นหมดล่ะก้าหา เลยตั้งกระทู้เอามาฮอมบอยหน่อยนึ่งครับ เลยหน้าปอยหลวงมาแล้ว  ปี๋นี้ได้ไปฮอมปอยตี่ไหมมาพ่องก่อครับ  ผมบ่าไจ่ผู้รู้อ่ะหยัง ถ้ามีอะหยังผิดขอสุมาตวยเน้อครับ  ผมว่าคนเฒ่าบ่าเก่า วัตถุประสงค์ตี่เปิ่นมีการฮอมกั๋น ที่บางทีเปิ่นฮ้องว่าฮอมกินฮอมตาน น่าจะมาจาก เวลาหมู่บ้านที่เปิ่นฮู้จักมีการทำบุญใหญ่ บ่าว่าจะเป็น ปอยหลวง บวชลูกแก้ว กาว่า ตานก๋วยสลาก  เปิ่นก็มีใจ๋ใครฮวมทำบุญตวย  ก็จะจัดเตรียมของตาน ตังค์ เอาไปฮ่วมตาน ตามกำลังศัทธา  แล้วก็ได้เตรียมของกิ๋นเอาไปฮ่วมกิ๋นตัวยกั๋น เพราะจะไปกิ๋นบ้านเปิ่นบ่าดายก็เก๋งใจ๋ จึงเป็นที่มาของ ฮ่วมตาน เวลาตาน เจ้าของบ้านก็จะยกเองของตานของตั๋วเก่าและก็ของที่มีคนมาฮอมเอาไปตานหมด
แต่มาบ่าเดี๋ยว บ่าฮู้ว่าตี่อื่นเป็นจะได แต่แถวบ้านผม เหมือนว่าจะมีก่ากิ๋นกันเป็นใหญ่ แล้วก็เหมือนกับว่าต้องไปฮอมต๋ามหน้าที่ เพราะปี๋แล้วเปิ่นมาฮอมเฮา ซำเตื่อบางบ้านยังมีการจดบัญชีตวยว่าปี๋หนี้มีไผมาฮอมเท่าได ปี๋หน้ามาพอบ้านไหนมีปอยก็มาก๋างสมุดผ่อว่าเปินฮอมมาเท่าได ถ้าบ่าเมินมาก็ใส่เท่าเก่า ถ้าเมินมาพ่องก็ใส่เพิ่มไปแหมหน้อยนึ่ง บางปี๋มีปอยเหมือนกั๋น ซาวล่อนไปก็ล่อนมา เป็นดีใคร่หัว เวลาตานก็ตานเฉพาะที่ใส่ไว้ต๋อนเจ้า ส่วนสตังค์ที่เปิ่นฮอมมา ก็ฮวบเอาไปจ่วยค่าของตี่แปะเปิ่นมาเหียหมด บ่าหู้ว่าปอยตังบ้านอื่น จะเหมือนตังบ้านผมก่อหา จ่วยมาเล่าสู่กั๋นฟังพ่องเน้อครับ

[Ck 401]

สมัยละอ่อน นานมาแล้ว
ไปฮอมปอย (ปอยหลวง ตานสลาก บวชลูกแก้ว) บ้านไหน
บ้านนั้นก่อจะมีขนมหื้อติดมือกลับมาเล็กๆน้อยๆ
เช่นขนมจ็อก ข้าวแต๋น ข้าวเกรียบฟักทอง
เมื่อมีงานปอยบ้านตัวเองก่อจะพับถุงกระดาษ
เตรียมไว้ใส่ขนมหื้อเพื่อน ญาติที่มาฮอมคัวครับ
บ่าเดี่ยวนี้ ผมหันเน้นกิ๋นกั๋นอย่างเดียวเลย
การฮอมกับขนมของฝากหายไป เดาว่าบ่าเดี่ยว
ความเป๋นอยู่ของคนเหนือเฮาดีขึ้นครับ
คำถามที่ปะหน้ากันครั้งแรก ที่ว่า...กิ๋นเข้าหรือยัง...หายไปแล้ว
 

[เวียงเก่า]

อู้ถึงขนมจ๊อก ผมได้กิ๋นล่าสุดซื้อลุกกาดมา เหมือนบ่าเดี๋ยวบ่ามีไผใครแป๋งกันละเนาะ แหมซักสิบซาวปี๋ อาจจะเหลือก่าจื่อ ก่าต๋ำนาน ต๋ำนานขนมจ๊อก ฟังจื่อดูคึดีเหมือนกั๋นเนาะ 

[somsakdee29]

สมัยละอ่อน นานมาแล้ว

[เวียงเก่า]

สงสัยจะหลายสิบปี๋มาแล้วเนาะ แซวบ่าดายเน้อครับ ว่าแต่อะหยังครับ เมินมาแล้ว ไปแอ่วปอย  กิ๋นขนมจ๊อก หาว่ากิ๋นขนมจ๊อกงานปอยครับ 

[หลานอุ้ยเกี๋ยง]

เสียดายตี้วัมนธรรมดีดีจะอี้กะลังจะเลือนหายไปเน่อปี้น้อง  ผมละอิดแต้ๆ

[puy139]

บ้านอิหล้ากำลังแล้วไปนี้เจ้าปอยหลวงหนาม่วนขนาดเดวหื้อป้ออุ้ยไปขอฮูปตี้ตุ๊มาก่อนแล้วจะมาลงหือเน้อจ้าว

[Ck 401]

สงสัยจะหลายสิบปี๋มาแล้วเนาะ แซวบ่าดายเน้อครับ ว่าแต่อะหยังครับ เมินมาแล้ว ไปแอ่วปอย  กิ๋นขนมจ๊อก หาว่ากิ๋นขนมจ๊อกงานปอยครับ 

ได้กิ๋นขนมจ็อกและได้ขนมจ็อกปิ๊กบ้านครับ
บ่าได้เคืองอะหยังครับ เวลาแค่ผ่านไป 30 กว่าปีเอง..อิอิ

[wat]

ตอนเรียนไปฮอมปอย บ้านเพื่อน หลังเดียวสุดงาน ม่วนขนาด

[ohyes]

อู้ถึงขนมจ๊อก ผมได้กิ๋นล่าสุดซื้อลุกกาดมา เหมือนบ่าเดี๋ยวบ่ามีไผใครแป๋งกันละเนาะ แหมซักสิบซาวปี๋ อาจจะเหลือก่าจื่อ ก่าต๋ำนาน ต๋ำนานขนมจ๊อก ฟังจื่อดูคึดีเหมือนกั๋นเนาะ 

หุมแป๋งหุมสุนคนเฒ่าคนแก่ มีปอยดาคัวไปวัดก่อขอยะกับเปิ้น แต่บ่ามักเลยถ้าต้องกิ๋น หวานแต้ใส้บ่าป้าว 5555