สรุปแล้วคนเมืองบ่าเดี่ยวเป็นชนชาติไดคับกั๋นแน่ครับ

[เวียงเก่า]

อยากถามท่านผู้รู้ว่า สรุปแล้ว คนล้านนาเฮา และวัฒนธรรมตี่เฮาช่วยกั๋นอนุรักษ์ เป็นวัฒนะธรรม ในกลุ่มของชนชาติลื้อก่อครับ เพราะดูเหมือนกับว่าในสมัยพญากาวีระ จะมีการกวาดต้อนคนลื้อ และคนยองมานักขนาด แล้ววัฒนธรรมล้านนาในสมัยรุ่งเรืองก่อนเป็นเมืองขึ้นพม่าจะเหมือนหลังต๋อนนี้ก่อครับ ขอจ่วยอธิบายจิ่มเนาะครับ

[kooboori]

อยากฮู้ช่วยดันครับ

[เวียงเก่า]

บ่ามีไผเข้ามาจ่วยตอบหื้อซักคน อ้ายเจียงฮานพันธ์แต้คราาาบ ไปไหนเหียละ จ่วยมาตอบหื้อจิ่มครับ

[geerokung]

แม่เป็นเจียงฮาย พ่อเป็นพะเยา เขาฮ้องว่าลูกครึ่งก่อนี่ อิอิอิ

[เชียงรายพันธุ์แท้]

พญามังรายเปิ้นก็มีเจื้อลื้อหนาครับ
แม่เปิ้นเป๋นเจ้าหญิงเจียงฮุ่ง
(เจียงฮุ่ง = เมืองหลวงของลื้อ)

ส่วนเรื่องวัฒนธรรมของล้านนายุครุ่งเรืองเนี่ย
นักวิชาก๋านเปื้นยกหื้อของราชวงศ์มังรายเป๋นเก๊า
แต่ความจริงแล้ว ตางล้านนาตะวันออกเปิ้นก็มีเอกลักษณ์ของเปิ้นเหมือนกั๋น
ละเขียนเป๋นแผนผังง่ายๆ จาอี้น่อ

อินเดีย ---> มอญ ---> หริภุญไชย (หละปูน) ---> เจียงใหม่ ---> แป้/น่าน/เจียงตุ๋ง/เจียงฮุ่ง/หลวงพระบาง
อินเดีย ---> มอญ/ขอม ---> สุโขทัย ---> แป้/น่าน

แผนผังนี้บ่ได้ว่ารัฐหนึ่งจะฮับวัฒนธรรมของแหมรัฐหนึ่งมาซื่อๆเน้อ
แต่เปิ้นฮับมาแล้วปรับปรุงโมดิฟายผสมกับของเก่าที่ตั๋วเก่ามี เจ่น
จารีตเดิมของคนยวน เปิ้นจะไว้ผี (ฮ้องเท่ๆว่า เทพเจ้า) อย่างผีขุนน้ำ ผีป่า ผีดอย
ปอได้ฮับอิทธิพลของพุทธศาสนาจากหริภุญไชย
เปิ้นก็แป๋งพระธาตุไว้บนดอย หื้อคนได้ไหว้ตึงผีดอย ไหว้ตึงพระธาตุ
หรือบ่อั้นก็เอาผีไปไว้ในวัด อย่างบางวัดเฮาจะหันหอผีอยู่
แต่โดยหลักการแล้ว เปิ้นพยายามจะหื้อพุทธอยู่เหนือผี
ถ้าเป๋นตี้เจียงใหม่ เปิ้นจะมีตำนานปู่แสะย่าแสะ
สองผัวเมียนี้เขาว่าเป๋นยักษ์ (ในที่นี้ถือว่าเป๋นผีชนิดหนึ่งน่อ)
ต่อมา เมื่อพระพุทธเจ้ามาโปรด สองผัวเมียนี้ก็เลิกกิ๋นคน
ตำนานเรื่องนี้สะท้อนหื้อหันว่า พุทธจะขึ้นมาอยู่เหนือผี

ดังนั้น ศิลปวัฒนธรรมของเจียงใหม่ใต้การปกครองของราชวงศ์มังราย
จึงเกิดจากการผสมของเก่ากับของใหม่ หลังๆมามีการฮับพุทธจากสุโขทัยเข้ามาตวย
ความเจริญรุ่งเรืองของเจียงใหม่แผ่ไปถึงแป้ น่าน หัวเมืองไทใหญ่ เมืองเจึยงตุ๋งของไทเขิน เมืองเจียงฮุ่งของไทลื้อ
ตึงพุทธศาสนา ตัวหนังสือ และวัฒนธรรมด้านต่างๆ
และแน่นอนว่า รัฐหมู่นี้ก็บ่ได้ฮับของเจียงใหม่ไปซื่อๆ แต่เอาไปดัดแปลงผสมกับของตี้ตั๋วเก่าก็มี

ตอนหลังล้านนาอยู่ใต้อำนาจพม่า พ.ศ.2101-2317
เมืองต่างๆในล้านนาก็ฮับเอาวัฒนธรรมของพม่ามาหลายอย่าง เจ่น
การนับถือพระอุปคุต การปั้นสิงห์ในวัด แก๋งฮังเล น้ำพริกอ่อง เป๋นเก๊า

หลังปี พ.ศ.2317 เจียงใหม่สวามิภักดิ์ต่อธนบุรี
เจ้ากาวิละและปี้น้องฟื้นฟูบ้านเมืองโดยการกวาดต้อนคนลื้อคนยองเข้ามาตั้งบ้านเฮือนในลุ่มน้ำปิงและวัง
ขณะตี้เมืองน่าน เจ้าอัตถวรปัญโญ เจ้าหลวงเมืองน่าน ก็ไปกวาดต้อนลื้อในสิบสองปันนาลงมาจ้าดนัก
ส่วนใหญ่จะอยู่ตี้ท่าวังผาและปื้นตี้รอบๆ
ถึงจะกวดต้อนลื้อมาเหมือนกั๋น
แต่ลื้อที่อยู่ใกล้เวียง จะโดนกลืนเป๋นคนเมือง (ยวน) ง่ายกว่าลื้อตี้อยู่ตางรอบนอก
ก๋านก๋ายเป๋นคนเมืองยะหื้อลื้อใกล้เวียง
ที่เดิมก็มีวัฒนธรรมคล้ายๆกับคนเมือง ก๋ายเป๋นคนเมืองง่ายขึ้น

แม้ว่าหลายตี้คนยวนจะมีน้อยกว่าลื้อ
แต่ลื้อจะมีโอกาสก๋ายเป๋นคนเมืองนักกว่า
และมีโอกาสฮับวัฒนธรรมคนเมืองนักกว่า
สาเหตุเพราะคนยวนเป๋นกลุ่มตี้มีบทบาทตางสังคมสูงกว่า
หากคุณก๋ายเป๋นคนยวนได้ สถานะทางสังคมของคุณก็จะดูดี up ขึ้น
ถ้ากึดภาพบ่าออกก็นึกถึง หมู่คนเมืองตี้สะลิดอู้ไทย
สาเหตุก็คือๆกั๋น เพราะคนไทยมีสถานะภาพทางสังคมสูงกว่าคนเมือง
ซึ่งโดนดูถูกว่าบ้านนอก และอยู่ใต้อำนาจคนไทย
คนเมืองบางคนเลยอยากจะเลื่อนสถานะของต๋น ก็ไปเป๋นคนไทยเหีย
(อันนี้ผมอู้ถึงเมื่อ 100 ปี๋ก่อนเน้อ บ่าเดี่ยวบ่ฮู้จะมีก่อ)

ดังนั้น วัฒนธรรมล้านนาตี้เฮาอู้ถึงกั๋นบ่าเดี่ยวนั้นก็สืบมาจากสมัยราชวงศ์มังรายหั้นแล
แต่เพราะก๋าลเวลายะหื้อมั๋นผสมกับของตี้อื่นพ่อง
อย่างวัฒนธรรมของพม่า ลื้อ ไทยก็มี ขณะตี้คนตี้สืบทอดวัฒนธรรมหมู่นี้
ก็มีหลายชาติพันธุ์ ตึงยวน ลื้อ (รวมถึงยอง) ฯลฯ
ยกตั๋วอย่างง่ายๆ เวลาเฮาไปนั่งกิ๋นขั๋นโตก
ในหั้นมีแก๋งฮังเล แต่เฮาก็กิ๋นมัน และบอกกับคนอื่นๆว่า "This is Lanna Dinner."
ทั้งตี้ เฮาก็ฮู้ว่าแก๋งฮังเลนั้นเฮาได้ลุกพม่ามา
แต่เฮาก็ฮับได้ และบ่ฮู้สึกแปลกแยกตวย

เจ่นเดียวกับ ข้าวซอยน้ำเงี้ยว (ไทใหญ่) ข้าวซอยฮ่อ (ยูนนาน)
ยำหนัง (ไทใหญ่) ข้าวกั้นจิ้น (ไทใหญ่)
การนับถือพระอุปคุต (พม่า) กำว่าสล่า (ภาษาพม่า) กำว่าปอย (พม่า)
ตั๋วเมือง (ดัดแปลงลุกภาษามอญมา)
เลือดในตั๋วเฮา (ยวน ลื้อ เจ๊ก ไทใหญ่ บลาๆๆๆ อะหยังก็บ่ฮู้)
แต่ทุกอย่างเฮาก็ฮับมันได้ และเต็มใจ๋ฮ้องมันว่าวัฒนธรรมล้านนา

สรุปก็คือ วัฒนธรรมล้านนาตี้เฮาสืบทอดกั๋นมาจ๋นถึงบ่าเดี่ยว มันบ่ใจ่เพียว (pure)
คือบ่ได้ถูกสร้างขึ้นมาลอยๆ แต่เกิดจากก๋านผสมผสานกั๋นมาตั้งแต่ต้นแล้ว
ในช่วงตี้คนลื้อโดนกวาดต้อนเข้ามาในล้านนา
มันก็เป๋นแค่ช่วงเวลาเศษเสี้ยวหนึ่งตี้วัฒนธรรมลื้อเข้ามาผสมกับยวน
ซึ่งบ่ใจ่แค่ครั้งนี้ครั้งเดียว เพราะก่อนหน้านั้นมันก็ผสมกั๋นมาจ้าดหลายเตื้อแล้ว
ตึงพม่า มอญ สุโขทัย แต่ด้วยจำนวนที่นักของลื้อก็เลยเกิดภาพของก๋านเปลี่ยนแปลงตี้ใหญ่โตบ่าดาย

วัฒนธรรมตี้เฮาสืบทอดกั๋นตึงวันนี้ ก็แต้ตี้มีของลื้อผสมอยู่
แต่มันก็แค่ส่วนหนึ่ง จากหลายๆส่วน
และก็อย่าลืมว่า ในสมัยราชวงศ์มังราย ลื้อก็ฮับวัฒนธรรมของคนยวนไปเน้อ
ก่อนหน้าตี้เขาจะโดนกวาดต้อนเข้ามาในสมัยเจ้ากาวิละ
บ่แน่ว่าวัฒนธรรมลื้อก็คือวัฒนธรรมตี้คนยวนสมัยก่อนเอาไปเผยแพร่หื้อก็ได้

เรื่องก๋านผสมผสานตางวัฒนธรรมนี้มันเกิดขึ้นทั้งโลกแล
เส้นแบ่งเขตรัฐชาติมันขีดแบ่งวัฒนธรรมบ่ได้
แต้ๆแล้วใคร่อู้ถึงประวัติศาสตร์ของประเทศอื่นๆ เพื่อหื้อเกิดก๋านเปรียบเทียบกับล้านนา
แต่กั๋วจะผิด concept ของ “บอร์ดล้านนา”
อยู่ดีๆจะอู้เรื่องประวัติศาสตร์ญี่ปุ่น ประวัติศาสตร์เยอรมัน ในบอร์ดนี้มันก็จาใดๆอยู่น่อ 555+

[num16]

แม่เป็นเจียงฮาย พ่อเป็นพะเยา เขาฮ้องว่าลูกครึ่งก่อนี่ อิอิอิ

อ้ายเป็นลูกครึ่งเหมิอนผมเลย

[Ck 401]

อุ้ยผมมีเจื้อลั๊วะ ครับเลี้ยงผีเตื้อกินเหล้าดุขนาด




ป.ล.บ่าฮู้ว่าผีหรือว่าผม..อิอิ

[natta2533]

"เส้นแบ่งเขตรัฐชาติมันขีดแบ่งวัฒนธรรมบ่ได้"    กำนี้อย่างเก๊าแต๊ๆๆๆๆอ้าย    แบบว่าสุดยอดหมากหมั้น สุดยอดก้วยก๋า สุดยอดสีดา สุดยอดฝรั่ง   กันเลยที่เดียว

[เวียงเก่า]

เย้ คุณเจียงฮายพันธ์แต้มาจ่วยตอบไขข้อข้องใจ๋แล้ว ขอบคุณจ๊าดนักครับ ตี่ผมตั้งกระทู้นี้ขึ้นมาบ่าใจหยังครับ เพราะเหมือนบ่าเดี่ยวกระแสการอนุรักษ์ล้านนากำลังมาแฮง  ตี่จริงแล้วก๋านพยายามอนุรักษ์ความเป็นล้านนานี้ก็มีมานานแล้วเนาะครับ สมัยผมเป็นละอ่อนมาละ แต่มันก็มีหลายอย่างที่ทำหื้อค่อนข้างสับสน ว่าอันไหนคือขอบข่ายของวัฒนธรรมล้านนา เพราะบางเตื่อก็เหมือนเฮาได้ไปยกเอาเอกลักษณะของหลายชาติพันธ์มาแล้ว แล้วก็บอกว่าเป็นล้านนา มันก็น่าเแปลกเหมือนกั๋นเนาะครับว่าไตยวนเอาบ่าได้ถูกกวาดต้อนไปตี่ไหนหมดเสี้ยง ก็ยังเป็นคนส่วนใหญ่ของสังคมล้านนามา เฮาก็ได้รับมาหลายอย่าง บ่าว่าเป็นสำเนียงอู้ การดนตรี แต่บางอย่าง ก็หายไปจนสืบค้นหายากว่าเกยมามีเป็นจ๊ะได อย่างเช่นเสื้อผ้า ต๋อนผมเป็นละอ่อนเปิ่นก็พยายามรณรงค์หื้อใส่ผ้าหม้อห้อมเมืองแป่ บอกว่านั่นคือเสื้อผ้าเมือง ใหญ่ขึ้นมาแหมหน้อยเจียงฮายก็นิยมมีชุดแม่บ้าน ช่วงนั้นก็จะหัดแม่บ้าน บ้านเฮาใสชุดตี่บอกว่าเป็นล้านนาพร้อมทั้งใส้ดอกไม้ไหวเต็มหัว ก๋ายเป็นเจ้านางเดินต๋ามกองแถวบ้านนอก มาว่าเดี่ยวก็มีชุดที่น่าจะได้รับการปรับมาจากชุดไทยลื้อ ก็เลยงงว่าเอ สรุปล้านนาแต้ๆนี้มันหยังได เท่าที่ผมศึกษามาพ่อง ผมบ่าแน่ใจว่าหลักฐานที่สืบไปหาเครื่องแต่งก๋ายล้านนาบ่าเก่าเก่าสุดนี้ ก็ได้ตามภาพวาดแถววัดพระสิงกับที่วัดภูมินทร์เมืองน่านกาครับ เพราะถ้ามีแค่นั้นเฮาก็จะสืบย้อนหลังไปได้แค่ 150 ปี๋เอง สมัยรัชกาลที่ 5 เองครับ

[เวียงเก่า]

แม่เป็นเจียงฮาย พ่อเป็นพะเยา เขาฮ้องว่าลูกครึ่งก่อนี่ อิอิอิ

อ้ายเป็นลูกครึ่งเหมิอนผมเลย

จขกท ก็เป็นลูกครึ่งเหมือนกันครับ ป่อไทยกลาง แม่ยอง ลูกออกมาเป็นเมืองอี้ว่านะ(แปลกเนาะ) แม่บ่าได้สอนอู้ยองครับ คนแถวบ้านบ่าใคร่มีไผสอนลูกอู้ยองกั๋นละ เพราะพอดีเป็นยองกลุ่มน้อยในเชียงแสน ก็เลยอู้ว่าจ่าง มาฝึกอู้กำลูนยากขนาด(เจ็บแอว) ปี่หน้องยองหลายคนเปิ่นบอกว่าผมอู้เหมือนลื้ออี้ว่ะ 

[เวียงเก่า]

อุ้ยผมมีเจื้อลั๊วะ ครับเลี้ยงผีเตื้อกินเหล้าดุขนาด

ป.ล.บ่าฮู้ว่าผีหรือว่าผม..อิอิ

เอ เริ่มงง สรุปแล้ว เลี้ยงผีนิ ผีกิ๋น อุ้ยกิ๋น กาว่าอ้ายกิ๋นครับ  จะได้เลือกเหล้าถูก ว่าจะเอาแบบได เหล้าขาว เหล้าแดง กาว่าเหล้าฝรั่ง???
ตะก่อนไปบนเจ้าป่อลองบนเหล้าฝรั่งผ่อ เผื่อเปิ่นจะชอบ ไผก็บนเหล้าขาวกั๋วเปิ่นก่าย (แต้ๆ แล้วคนบนก็ชอบ) 

[เชียงรายพันธุ์แท้]

เสื้อหม้อฮ่อมนี่จะว่าของคนเมืองก็แม่นอยู่ครับ
แต่ถ้าอู้เถิงระดับก๋านแต่งตั๋วแล้ว
ตะก่อนหมู่จาวบ้านจะใส่เสื้อหม้อฮ่อมนักกว่าหมู่เจ้านาย
สาเหตุเพราะ ผ้าหม้อฮ่อมเป๋นผ้าฝ้าย มีราคาถูก แลแป๋งง่ายกว่าผ้าไหม
แถมยังอด บ่ต้องกั๋วเปื้อน เหมาะสำหรับใส่เยียะไฮ่เยียะนา
ขณะตี้หมู่เจ้านาย เขามีเสื้อผ้าหลายสี ตึงไหมตึงฝ้าย
เนื้อผ้าบางเบา เหมาะสำหรับคนจั้นสูง

เรื่องจิตรกรรมฝีมือของหนานบัวผัน วัดภูมินทร์ นครน่าน
ฮูปปู่ม่านย่าม่านหั้น เป๋นฮูปก๋านแต่งตัวของชนชั้นสูงของพม่าน่อ
ย่าม่านนุ่ง "ซิ่นลุนตะยา" ไฮโซสุดๆ แถมยังระเบิดหู สุดๆเลยปี้น้อง
ส่วนปู่ม่านก็แมนโคตร เพราะแฟชั่น "รอยสัก" เป็นที่ฮิตสุดๆไปสมัยนั้น
เพราะก๋านสักมีความหมายว่า ยิ่งสักนักเท่าใด ก็ยิ่งแมนเท่าอั้น  
บ่าวคนไหนเป๋นลูกป้อจายตั๋วแต้ ต้องสักตึงตั๋ว
บ่าวคนไหนบ่สัก สาวบ่แลเน้อ

ฮูปปู่ม่านย่าม่านนี้ เปิ้นฮ้องว่า "ภาพวาดกระซิบบรรลือโลก" (The whisper)
ดังจ๋นเยียะหื้อ "ย่าม่าน" ก๋ายเป็นไอคอนของสาวล้านนาไปเลย  
บ้างก็ฮ้องว่า "โมนาลิซ่าแห่งล้านนา" ก็มี

ไหนๆคุณเวียงเก่าก็อยู่เจียงแสนแล้ว
รบก๋วนฝากถามป้ออุ้ยแม่อุ้ยต๋ำหมู่หั้นกำครับ
ว่าถนนแม่จัน-เจียงแสน (2 เลน) เปิ้นลาดยางครั้งแรกกั๋นปีไหน
ถ้าป้ออุ้ยแม่อุ้ยจ๋ำปี๋บ่ได้ ก็ถามว่าลาดต๋อนเปิ้นอายุเท่าใด
แล้วบวกปี๋เกิดของเปิ้น ก็จะได้ปี๋ตี้ลาดยางมา
ขอขอบคุณล่วงหน้าครับ

[เวียงเก่า]

ไหนๆคุณเวียงเก่าก็อยู่เจียงแสนแล้ว
รบก๋วนฝากถามป้ออุ้ยแม่อุ้ยต๋ำหมู่หั้นกำครับ
ว่าถนนแม่จัน-เจียงแสน (2 เลน) เปิ้นลาดยางครั้งแรกกั๋นปีไหน
ถ้าป้ออุ้ยแม่อุ้ยจ๋ำปี๋บ่ได้ ก็ถามว่าลาดต๋อนเปิ้นอายุเท่าใด
แล้วบวกปี๋เกิดของเปิ้น ก็จะได้ปี๋ตี้ลาดยางมา
ขอขอบคุณล่วงหน้าครับ

ด้วยความยินดีครับ เดียววันศุกร์นี้ผมโทรปิ๊กบ้าน ผมจะถามป่อหื้อครับ นับถือในความฮุ้ของคุณเจียงฮายพันธ์แต้นะครับ บ่าฮุ้ว่าเฮียนมาทางประวัติศาสตร์ กาว่าหาศึกษาเอาคนเดียวครับ เพราะบางเรื่องที่เอามาลงผมก็บ่าเกยได้ยินตี่ไหนมาก่อน ฝากถามคุณเจียงฮายพันธ์แต้แหมอย่างนึ่งครับ ต๋อนนี้นิตยสารล้อเจียงฮายยังมีอยู่ก่อครับ พอดีปี๋ที่ผ่านมาผมบ่าได้อยู่บ้าน ก็เลยบ่าฮู้ พอดีผมไคร่ได้ฉบับย้อนหลังโตย แต่ผมส่งอีเมลล์ไปถามบรรณาธิการแล้ว ดั๊กแซบครับ บ่าตอบมาเลย บ่าฮุ้ว่าผมจะโตยไปซื้อได้ตี่ไหนหา จริงๆแล้วเป็นคนชอบประวัติศาสตร์ครับ แต่บ่าได้เฮียนมาทางนี้ ก็เลยพยายามหาข้อมูลทางนี้โตย ขอบคุณครับ
 

[thaicha]

 

[เชียงรายพันธุ์แท้]

ด้วยความยินดีครับ เดียววันศุกร์นี้ผมโทรปิ๊กบ้าน ผมจะถามป่อหื้อครับ นับถือในความฮุ้ของคุณเจียงฮายพันธ์แต้นะครับ บ่าฮุ้ว่าเฮียนมาทางประวัติศาสตร์ กาว่าหาศึกษาเอาคนเดียวครับ เพราะบางเรื่องที่เอามาลงผมก็บ่าเกยได้ยินตี่ไหนมาก่อน ฝากถามคุณเจียงฮายพันธ์แต้แหมอย่างนึ่งครับ ต๋อนนี้นิตยสารล้อเจียงฮายยังมีอยู่ก่อครับ พอดีปี๋ที่ผ่านมาผมบ่าได้อยู่บ้าน ก็เลยบ่าฮู้ พอดีผมไคร่ได้ฉบับย้อนหลังโตย แต่ผมส่งอีเมลล์ไปถามบรรณาธิการแล้ว ดั๊กแซบครับ บ่าตอบมาเลย บ่าฮุ้ว่าผมจะโตยไปซื้อได้ตี่ไหนหา จริงๆแล้วเป็นคนชอบประวัติศาสตร์ครับ แต่บ่าได้เฮียนมาทางนี้ ก็เลยพยายามหาข้อมูลทางนี้โตย ขอบคุณครับ

ผมเฮียนหลายอย่างครับ ตึงสายวิทย์และสายศิลป์
แต่ความฮู้ส่วนใหญ่ที่มีในตอนนี้เกิดจากก๋านเซาะหาคนเดียวครับ

เรื่องวารสารล้อล้านนา ลองไปถามตี้สำนักพิมพ์แถวๆหน้าค่ายมังรายมหาราชผ่อครับ
บ่ไกลจากกาดเด่นห้าเท่าใด

[Ck 401]

อุ้ยผมมีเจื้อลั๊วะ ครับเลี้ยงผีเตื้อกินเหล้าดุขนาด

ป.ล.บ่าฮู้ว่าผีหรือว่าผม..อิอิ

เอ เริ่มงง สรุปแล้ว เลี้ยงผีนิ ผีกิ๋น อุ้ยกิ๋น กาว่าอ้ายกิ๋นครับ  จะได้เลือกเหล้าถูก ว่าจะเอาแบบได เหล้าขาว เหล้าแดง กาว่าเหล้าฝรั่ง???
ตะก่อนไปบนเจ้าป่อลองบนเหล้าฝรั่งผ่อ เผื่อเปิ่นจะชอบ ไผก็บนเหล้าขาวกั๋วเปิ่นก่าย (แต้ๆ แล้วคนบนก็ชอบ) 

ถ้าผีกิ๋นคงเป็นเหล้าขาว เสรี
แต่ถ้าผมกินขอเป็นเบียร์ช้างเน่อครับ

[เวียงเก่า]

เรื่องวารสารล้อล้านนา ลองไปถามตี้สำนักพิมพ์แถวๆหน้าค่ายมังรายมหาราชผ่อครับ
บ่ไกลจากกาดเด่นห้าเท่าใด

ขอบคุณจ๊าดนักครับ เดียวปิ๊กบ้านติ๊ดหน้าจะลองไปหาพ่อครับ พอดีตะก่อนเกยพักอยู่แถวเด่นห้าพอดี

[เวียงเก่า]

ถ้าผีกิ๋นคงเป็นเหล้าขาว เสรี
แต่ถ้าผมกินขอเป็นเบียร์ช้างเน่อครับ

เป็นอั้นไป 

[Benzram]

เรื่องวารสารล้อล้านนา ลองไปถามตี้สำนักพิมพ์แถวๆหน้าค่ายมังรายมหาราชผ่อครับ
บ่ไกลจากกาดเด่นห้าเท่าใด

ขอบคุณจ๊าดนักครับ เดียวปิ๊กบ้านติ๊ดหน้าจะลองไปหาพ่อครับ พอดีตะก่อนเกยพักอยู่แถวเด่นห้าพอดี

อ้ายเปิ้นเก่งแต๊ๆครับ

[ล้อล้านนา]

ด้วยความยินดีครับ เดียววันศุกร์นี้ผมโทรปิ๊กบ้าน ผมจะถามป่อหื้อครับ นับถือในความฮุ้ของคุณเจียงฮายพันธ์แต้นะครับ บ่าฮุ้ว่าเฮียนมาทางประวัติศาสตร์ กาว่าหาศึกษาเอาคนเดียวครับ เพราะบางเรื่องที่เอามาลงผมก็บ่าเกยได้ยินตี่ไหนมาก่อน ฝากถามคุณเจียงฮายพันธ์แต้แหมอย่างนึ่งครับ ต๋อนนี้นิตยสารล้อเจียงฮายยังมีอยู่ก่อครับ พอดีปี๋ที่ผ่านมาผมบ่าได้อยู่บ้าน ก็เลยบ่าฮู้ พอดีผมไคร่ได้ฉบับย้อนหลังโตย แต่ผมส่งอีเมลล์ไปถามบรรณาธิการแล้ว ดั๊กแซบครับ บ่าตอบมาเลย บ่าฮุ้ว่าผมจะโตยไปซื้อได้ตี่ไหนหา จริงๆแล้วเป็นคนชอบประวัติศาสตร์ครับ แต่บ่าได้เฮียนมาทางนี้ ก็เลยพยายามหาข้อมูลทางนี้โตย ขอบคุณครับ
 
[/quote]

บ่ฮู้ว่า จขกท. ส่งเมลมาม่ะใดละก็ใจ้เมลหยังหา ปอดีถ้ามีเมลสอบถามมาผมจะตอบกลับกู่อัน แต่ถ้าฝาก pm ไว้ผมบ่หล่ำได้มาเข้าบอร์ด (ก๋านนัก) ส่วนเรื่องวารสารล้อล้านนา มีครบกู่เหล้มตี้สำนักพิมพ์ล้อล้านนา หน้าค่ายฯ (เด่นห้า) แวะมาแอ่วมากอยกั๋นได้ครับ

สรียินดีชาดนัก