"การเดินทางของยายแก้วดี"

[zArOmAn]

ยายแก้วดีจะไปแอ่วหาลูกหลังการขอคืนพื้นที่ของทหารใน กทม.
กั๋วว่าจะหิ๋วบนรถไฟก็เลยต้มไข่ไปกิ๋นตวยตาง 2 แก่น

จะขึ้นรถไฟแล้วก็ซัดต๋าหันข้าวหลาม ก็เลยซื้อข้าวหลามเหีย 1 บอก

ใส่ถุงฮู้ดซิปไว้กั๊บไข่ต้ม ... จะเอาไว้กิ๋นบนรถไฟ

เผื่อได้ตี้นั่งแล้วก็เอาถุงแอมขี้ข้างไว้กั๋วหาย

นั่งไปซักบึ๊ด.......ขนตาลู่จะไปล่ะกั๋น

ก็เลยลวดหลั๊บฮั๊นล๊องง๊อง

กำเดียว รถไฟจอด ... ก็มีป้อจายคนหนึ่ง เดินหาเซาะหาตี้นั่ง

หันยายแก้วดีหลับฮั๊นล๊องง๊อง

ก็กึ๊ดในใจ๋.....นั่งตวยคนเฒ่าเนี่ยบ้ะ......ปลอดภัย


แล้วก็นั่งข้างยายแก้วดี.......นั่งไปก็ลมจอยเน้อ.....

ก็เลยหลับไปเหียตวยกั๋น

ยายแก้วดีหลับไปได้จ๊าดเมิน ... สะดุ้งหยัวะ........

อืมมมม.....อี่แม่ไค่อยากข้าวเน้อ......

กึ๊ดเติงหาข้าวหลามกับไข่ต้มตี้ใส่ถุงไว้

ก็เลยหลับหูหลับต๋าเอามือซวมหา

ป๊ะใส่ซิป ก็ฮูดดังควาก.....เอามือเข้า งม ๆ ซวม ๆ

เซาะหาไข่ต้ม.....2  แก่น.......อืมมมม....ยังอยู่

ยังบ่มืนต๋าเตื้อนา....ซวมไปแหมน้อยหาข้าวหลาม......

ข้าวหลามเฮาโล๊ะ......อืมมมมม....ยังอยู่

โฮ๊ะ....ละหมูหยองนี่ลุกตางใดมาแน๊....

อี่แม่บ่ได้ซื้อมาเน้อ.......

[Ironmaiden]

เอ๊อเอ๊ย หมูหยองไผน่ะ

[jeena]

 

[piyanan]

เอากิ๋นกับข้าวหลามเลยยายท่าจะลำแหมแบบนึ่ง หมูหยองนี่หนา

[Ironmaiden]

หมูหยองบ่ไจ่ของยายลุ ตึ๊ดออกขว้างเหียก่ะ ตึ๊ดแฮงๆออกจากถุงน่ะ

[tung 7737]

คึ่ย ขนลุกแทน