สีแดงตางบน เป๋นของ ท่านละอ่อนฯ
สีดำผมต่อหื้อครับ
อ้ายแก้วหัววอก ออกมาแต่งไว้ ม่วนงันแต้ไส้(ไซร้) ค่าวสร้อยเมืองเหนือ
ตั๋วแก้วปี้ไท้ เก่งล้ำเก่งเหลือ กำค่าวกำเครือ ไหลมาเป็นเส้น
คนหล่ายเวียง แม่ข้าวตอกเต้น เปิ้นก็แต่งมา ฮอมไว้
กำอู้กำจ๋า เอามาก๊อนไก๊ ไขเป๋นค่าวสร้อย เพลงซอ
เจิญหมู่ปี้น้อง แต่งมาเต๊อะหนอ เถิงมอกก๋ำปอ ก่ยังดีเจ้า
แต่งมาเต๊อะนา อาวอาแก่เถ้า สมบัติเมืองเฮา แห่งนี้
ละอ่อนโบราณ ไขสารกล่าวจี้ เจิญจาวเมืองหนี้ ล้านนา
ร่วมอนุรักษ์ มรดกภาษา กำเมืองล้านนา มีค่าเสี้ยงถ้าน
จ่วยกั๋นฮักษา หื้อมีคู่บ้าน เมืองล้านนาเฮา ปี้น้อง....กำค่าวเฮางาม สอดกำแต่งคล้อง สนุกม่วนต้อง โสตา
ผยานึกกึด ถ่ายลงหัตถา เป๋นค่าวล้านนา เอามาอ่านอู้
ค่าวสารบั่รยาย หื้อท่านจู่ผู้ ปั๋นกั๋นผ่อดู สืบฮักษ์
ของเดิมเฮาดี เสียที่บ่นัก คนจักค่าวเจี้ย แต่งกำ
มาเต๊อะปี้น้อง หัดเฮียนเขียนจ๋ำ มาเฝิกแต่งกำ ค่าวซอส่งสร้าง
วันหน้าวันใน เฮาต๋ายกระด้าง จากละโลกา แห่งนี้
หื้อมันได้เหลือ กำค่าวกล่าวจี๊ หื้อคนรุ่นหน้า ดาฟัง
ปากั๋นต่อเก๊า หื้อคนรุ่นหลัง หื้อเขาผ่อฟัง ฮีตเดิมก่อนหน้า
อ้ายบ่าวสองเมือง ม่อนแก้วยังถ้า ใค้หันวาจา ค่าวเพราะ
คำอ้ายบ้านดู่ ตี่จ่างสืบเสาะ เอาฮูปเก่าเกื้อ มาลง
น้องหมูแว่นแดง แม่แก้วกาหลง แม่บัวรวงศ์ แต่งมาเต๊อะเจ้า
เชียงรายพันธ์แท้ เป๋นเก๊าแบบเบ้า ได้ค้นหาเอา กำฮู้
เปิ่นได้มาไข ในหลายกระทู้ หื้อเฮาจู่ผู้ ยินดี
ล้อล้านนา ท่านแก้วสรี สาระดีๆ ในหนังสือหั้น
เสือเจ็ดป๊อด ดีแต้ปี้จั้น ได้เอาสำคัญ ความฮู้
ได้สอนตั๋วเมือง เป๋นหัวกระทู้ สอนกั๋นผ่านหน้า จอคอมฯ
ลานนานิยม ป้อเบ้าคำหลอม เอาค่าวมาฮอม บรรยายฟู่อู้
คนหล่ายเวียง แม่คำพู้จุ้ แต่งค่าวมาจู เน็จนั๊ก
ละอ่อนโบราณ ก่ดีแต้ตั๊ก ดูแลลูกบ้าน อย่างดี
กราบลาท่านไท้ ขอหื้อสุกขี โจ้กลาภสวัสดี มาเป๋นศรีแก่ท่าน แลนาย
(ต้องขอสูมา ณ ตี้นี้ตวย ที่บ่ได้หยิบยกเอาจื่อมาใส่ในค่าวบ่ถ้าน้อยใจ๋คับ ต๋าผมเริ่มลายแล้ว สูมาตวยเน้อครับ)
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
