ฝากข่าวประชาสัมพันธ์

[ลุงหนาน]

สำหรับวัด หรือพุทธศาสนิกชนท่านใดมีข่าวสารงานบุญเกี่ยวกับก๋ารงานต่างๆอันเป็นวัฒธรรมประเพณีทางเหนือเฮาเช่น งานกฐิน-งานสลาก-หรืองานปอยหลวงต่างๆ เชิญบอกบุญตามอัธยาศัยครับ ตั้งกระทู้ได้เลย  เพราะว่าพระพุทธศาสนาตี่อยู่ได้ตึงวันนี้ก็เพราะศาสนาเฮามีทั้ง แก่น กระพี้ และเปลือก แล้วแต่บุญสมปานของแต่ละคน เหมือนหลักคำสอนที่ว่าด้วยเรื่อง บัวสี่เหล่า. เพราะบารมีแต่ละคนต่างกั๋น   ขอบคุณครับ

[สบายแมน]

น้อมรับครับลุงหนาน ช่วงนี้หากใครได้แวะเข้ามาเที่ยวเชียงใหม่ ขอเรียนเชิญแวะสักการะพระบรมสารีริกธาตุ และพระธาตุ ได้ที่ศาลาธรรม มหาวิทยาลัยเชียงใหม่ครับ

[nantong]

ไหว้สา

รับทราบ  รับทำ             

ดังนั้น  ผม หนานธง  ขอ ฝากประกาศ ผ่านเวบบอร์ด นี้  ในบัดนี้  ว่า

กราบเรียน เชิญ อาราธนานิมนต์สัทธาสาธุชน พุทธบรษัท  ได้เข้ามาร่วม  ทำบุญกิริยาวัตถุ สิบประการ

สั่งสมบุญญาปารมี  สิบทัศน์  ซาวทัศน์  ฮอด  สามสิบทัศน์  ตามแต่เหตุ  ตามปัจจัยหนุนส่ง  จงทั่วกัน

ใคร สะดวก  สบายยังไง  ให้รีบทำ  อย่างดี เท่าที่พึงทำได้   

 ขอกราบอนุโมทนาสาธุ ในกุศล ผลบุญอันบริสุทธิ์       ไม่บริสุทธิ์  ก็ไม่ยินดีอนุโมทนาด้วย


โสตถี สวัสสดี  ดีงาม

[ลุงหนาน]

ไหว้สา

รับทราบ  รับทำ              

ดังนั้น  ผม หนานธง  ขอ ฝากประกาศ ผ่านเวบบอร์ด นี้  ในบัดนี้  ว่า

กราบเรียน เชิญ อาราธนานิมนต์สัทธาสาธุชน พุทธบรษัท  ได้เข้ามาร่วม  ทำบุญกิริยาวัตถุ สิบประการ

สั่งสมบุญญาปารมี  สิบทัศน์  ซาวทัศน์  ฮอด  สามสิบทัศน์  ตามแต่เหตุ  ตามปัจจัยหนุนส่ง  จงทั่วกัน

ใคร สะดวก  สบายยังไง  ให้รีบทำ  อย่างดี เท่าที่พึงทำได้  

 ขอกราบอนุโมทนาสาธุ ในกุศล ผลบุญอันบริสุทธิ์       ไม่บริสุทธิ์  ก็ไม่ยินดีอนุโมทนาด้วย


โสตถี สวัสสดี  ดีงาม

ยินดีจาดนักครับปี่หนาน..  หลายกระทู้ของปี่หนานธงที่เอาลงนั้นล้วนแล้วแต่เป็นธรรมะที่ดีมาก ก็อย่างว่าน่ะ ถ้าคนบารมีบ่เติง ก็อ่านบ่เข้าใจ๋ แต่คนที่ปัญญาเติง เปิ่นแค่อ่านก็เข้าใจหลักของปรมัตถ์  แต่ว่า คนแถมส่วนหนึ่งอู้อย่างใดเขาก็บ่เอา ก็เอาแค่บุญ กับตานเท่าอั้นน่ะ..แต่มันก็ดีอยู่ ดีกว่าบ่มีที่พึ่งทางใจ๋ เพราะประเพณีมันมีส่วนช่วยหื้อศาสนาอยู่ไปเมินๆ เพราะตอนนี้มันเกิ่งข้อน 2600 ปีมาแล้ว.. แม้แต่พระสงฆ์เฮาก็เหมือนกั๋น จะหาพระปฏิบัติแนวพุทธแท้..หายากไปทุกที..เพราะมันเป็นช่วงขาลงของพระพุทธศาสนา อย่าลืมว่า ศาสนาพุทธเฮานั้นต้องจ่วยกั๋นหน๋า ตึงตุ๊เจ้า ตึงจาวบ้าน ถ้าบ่อั้นเขาจะเปลี่่ยนฮีตเป็นศาสนาอื่นหมดจะลำบาก.. มีหยังก็ยืดหยุ่นก่อยอู้ก่อยจ๋ากั๋น...  ขอบคุณครับ

[teetee2011]

สะหรียินดีกับปี้หนานขนาดหนักเน้อ จาวปุธเฮาอันใดปอจะอลุ่มอะล่วยกั๋นได้ก็ทำไปน๊อ  แล้วแต่เฮาปอจะมีปัญญาป๋ารมีเสพอันใดเป๋นบุญอันใดเป๋นบาป  บางคนซ้ำเติมกั๋นบ่จ่วยเหลือกั๋น เฮาไปอ่านผ่อในเวปพันทิปห้องศาสนาเต๊อะ มีแต่จาวปุธเฮาซ้ำเติมด่ากั๋นบ่าจ่วยกันฮักษาและแก้ไข  แป๋งช่องโหว่หื้อเปิ้นได้หัน  แต่ศาสนิกอื่น ๆ เขาบ่าได้ว่าหื้อกั๋นเลยกลับปกป้องชี้แนะขยายความแก้ไข   ถ้าเป๋นชาวพุทธแท้ย่อมฮู้กึ๊ด  ฮู้ถึงกฏแห่งไตรลักษณ์   บ่าได้เอาอารมณ์มาตัดสิน    ไจ๊เหตุผลแล้วกำว่า ตถตา  ยังมีอยู่แล้วก็เข้าใจ๋โตย  (ขอโทษนอกประเด็นไปน้อย)

[พญาสิงห์ ๒]

.......ขอบคุณครับ

[nantong]

teetee
สะหรียินดีกับปี้หนานขนาดหนักเน้อ

จาวปุธเฮาอันใดปอจะอลุ่มอะล่วยกั๋นได้ก็ทำไปน๊อ  

แล้วแต่เฮาปอจะมีปัญญาป๋ารมีเสพอันใดเป๋นบุญอันใดเป๋นบาป  บางคนซ้ำเติมกั๋นบ่จ่วยเหลือกั๋น

เฮาไปอ่านผ่อในเวปพันทิปห้องศาสนาเต๊อะ
มีแต่จาวปุธเฮาซ้ำเติมด่ากั๋นบ่าจ่วยกันฮักษาและแก้ไข  แป๋งช่องโหว่หื้อเปิ้นได้หัน  

แต่ศาสนิกอื่น ๆ เขาบ่าได้ว่าหื้อกั๋นเลยกลับปกป้องชี้แนะขยายความแก้ไข  

 ถ้าเป๋นชาวพุทธแท้ย่อมฮู้กึ๊ด  ฮู้ถึงกฏแห่งไตรลักษณ์   บ่าได้เอาอารมณ์มาตัดสิน    ไจ๊เหตุผลแล้วกำว่า ตถตา  ยังมีอยู่แล้วก็เข้าใจ๋โตย  (ขอโทษนอกประเด็นไปน้อย)


หนานว่า  
นานาจิตตั๋ง  น่อ
บ่ ดี  กึ๊ดว่า ด่าว่ากั๋น  มัน บ่ ดี    ก๋ารป๊องเอากั๋น  หั้นเนาะ  มันหน้าหย้าน  ล้ำเหลือ การจ่มด่า
ผมขอเอาของตี่ ต่านถายัน(thayan) ในห้องกำเมือง  เอากำหม่าเก่า มาลงว่า

กำจ่ม  กำด่า  นั้นเป๋น  กำดี          ถ้า ฟัง บ่ ถี่      มัน บ่ ม่วนหู

ม้าลาย มันมี สีขาว กับ สีดำ  
เครื่องหมายเต๋า  หยินหยาง มีขาว กับ ดำ  ผากสีขาว ยังมี จุดดำ  ผากดำยังมีจุดขาว

คนหลวกบัณฑิต  เอากำว่า  กำด่า มากึ๊ด  มาใส่หัวอก หัวใจ๋ ตั๋วเก่า (โอปนยิโก๋)  

คนง่าว คนพาล  มันกะหาว่า  ว่าหื้อมันติก ๆ  

คนหลวก  กึ๊ดอย่าง  คนบัณฑิต    คนง่าว  กึ๊ด อย่าง  คนพาล  คนหาเรื่อง

ลางพ่อง ว่า ดี  เป๋นฮ้าย     ว่าฮ้าย เป๋นดี  ผีเข้า  ผีออก
 
พ่อง ตั้งตั๋ว  เป๋น ฝ่ายค้าน ไปเหีย ซะป๊ะ กะมี

พ่อง  ถ้า บ่ เปิงใจ๋  ขัดใจ๋  กะว่า  บ่ ดี  เอาไว้ก่อน  ขนาดตี่ยัง  บ่ ได้ย๊ะ  ผ่อเหียก่อน  กะมี


ผม  ยัง เป๋นบ้า เป๋นว้อ  ไปตวย กำว่า  เขากะมี          แฮ่           

[พญาสิงห์ ๒]

ขอบคุณครับท่าน...

[nantong]

ไหว้สา พระธัมม์ สายบุญ  ลุงหนาน

มาเอิ้นบอก ไว้ในหัวข้อนี้ ใน เดือนเมษายน ส่งต้ายปี๋เก่า ฮับปี๋ใหม่เมือง 2557   

 หนานธง กราบขอ สมมา ขออภัยตาน แก่ผม มายัง พระพุทธพระธัมมวินัย พระสงฆ์ ป่อแม่ปู่ย่า ครูอาจ๋ารย์ ลุงหนาน  คนกอยเวบ ผดสายบุญกู่ดวงจิต ใน จักรวาลฮอดอนันตจักรวาล ตวยเน้อ

สัพปเคราะห์ สัพปโศก สัพปโรค สัพปภัย สัพปเสนียดจั๋ญไร สัพปสัตถูหมู่มาร  วินาสสันตุ   
อันว่า ของบ่ ดี บ่ งาม ลำบากยากตุ๊กข์ ขอหื้อตกไปตวยไฟ หื้อไหลไปตวยน้ำ หื้อหายไปในลมอากาศตี่ว่าง ตี่เป่า   

 บ่ หื้อมีปิษ มีมัย บ่ หื้อใผได้เดือดได้ไหม้ได้ฮ้อน  เนอ ต่านเนอ ฯ

สัพปปุทตานุภาเวนะ  สัพปธัมมานุภาเวนะ สัพปสังกานุภาเวนะ  สัพปเตวะต๋านุภาเวนะ  ภวันโสตถี  ภวันตุเต     
ขออนุภาพแห่ง พระปุทธเจ้าตึงหลาย พระธัมมวินัยตึงหลาย พระสังฆเจ้าตึงหลาย เตวบุตรเตวดาตังหลาย ขอจุ่งเอาดีงามมาสู่ สูต่านตึงมวลเตี่ยงแต๊ดีหลี ฯ

บุญกุศลอานิสงส์ หนานธงจักมี จาก ธัมมตาน วิทยาตาน มอกใด  ขอ ต่านตึงมวล จงฮับเอาไป ต๋ามแต่ ใค่ได้ หื้อ ผ๋าถนาเอาไปเตอะ

สาธุ ๆๆ  อนุโมทามิ