ดำหัวปี๋ใหม่

[noom2514]

ช่วงนี้ยังเป็นช่วงดำหัวปี๋ใหม่อยู่ เลยถือเอาโอกาสนี้อวยพรปี๋ใหม่ฮื้อเชียงรายโฟกัสและสมาชิกเชียงรายโฟกัสทุกท่านดั่งพรมงคลต่อไปนี้นะครับ

......สัพพะตะ สัพพะต๋า สัพพะเคราะห์ สัพพะโศก สัพพะโรค สัพพะภัย สัพพะเนียดจัญไร เคราะห์ปายในก็หื้อถอนออก เคราะห์ปายนอกหื้อถอยหนี เคราะห์ราวีแก่กล้า เคราะห์ตังหลายอย่ามาถ้า เคราะห์ตังหน้าอย่ามาติด เคราะห์ปาผิดเป๋นโต้ส เคราะห์ร้ายโฉดฉก๋รรจ์ เคราะห์ปันอันหลายสิ่ง หื้อดับม้วยมิ่งกลาไกล๋ หื้อตกไปต๋ามเส้นไหม หื้อไหลไปต๋ามเส้นฝ้าย หื้อเคราะห์เจ้าตังหลาย ได้ยกย่างย้าย ขดคล้ายไปอยู่ตี้ป่าไม้ดงสงัด หื้อตกไปต๋ามพระติ๊ด พระจั๋นทร์ พระอังคาร พระพุธ พระผัด พระศุกร์ พระเสาร์ ราหูเกตุ หื้อตกไปในห้องเขตที่พระพุทธเจ้าบ่าไหว้ศาสนา หื้อขดคล้ายไปจากก๋ายาไป ณ ก๋าละบัดนี้ ข้าจักด่าเคราะห์ก็หื้อหนี ข้าจักตี๋เคราะห์ก็หื้อแล่น ด้วยติ๊บพะมนต์แก้วแก่นอาคมแห่งพระศรีโคดมต๋นวิเศษ สรูปเภทด้วยพระคาถาว่า สัพพะทุกขา สัพพะภยา สัพพะโรคา สัพพะอันตรายา วินัสสันตุ.......

  

[สบายแมน]

หันแล้วได้กลิ่นน้ำอบหอมๆมาเลยครับ

[chate]

สาธุ

[Maxza555]

สาตุ๊ สาตุ๊