ใคร่ฮู้เรื่อง คนเจียงฮายสมัยสงครามโลก

[คุณชายมากรัก]

สมัยล่ะอ่อนอุ๊ยหม่อนผม เปิ้นเป๋นคนบ้านขัวแตะ เกยเล่าหื้อฟังว่า สมัยสงครามโลกเกยโดนเกณฑ์หื้อขนเข้าไปส่งเจียงตุง
อุ๊ยหม่อนของแฟนผม เป๋นคนบ้านท่าสุด ก็เกยโดนเกณฑ์หื้อขนเข้าไปเจียงตุงเหมือนกั๋น
อุ๊ยหม่อนฝั่งตางแม่ เป๋นคนเมืองพาน ก็โดนเกณฑ์ไปแปงสนามบินที่เจียงตุง

ใคร่ฮู้ว่าสมัยสงครามโลกเปิ้นเกณฑ์ไปกู่หมู่บ้านเลยกาครับ

[ar jarn jack]

บ่ฮู้เรื่องก๋านเก๋นคนไปยะอะหยังตี่ไหนหนาครับ แต่ แม่อุ้ยเกยเล่าฮื้อฟังว่า ต๋อนจักรพรรดิ์ยี่ปุ่นประกาศยอมก้านสงคราม เปิ้นหันทหารยี่ปุ่นคลั่งโล่นเอามีดไล่ฟันเก้าก้วยหลังบ้านเหียหมด มันไท่จะเฮิร์ทอะเน๊าะ ก้านสงคราม บ่าแน่จั่ยว่าจะเอามีดแตงต้องตวยก่หนา ฮาๆๆๆๆ

[เชียงรายพันธุ์แท้]

ฮ้านเจียงฮายรำลึก โลโบ้ (หอนาฬิก๋าใหม่)
ตะก่อนเป๋นก๋องบัญชาก๋ารของตะหารญี่ปุ่นครับ
เปิ้นยึดบ้านบุญโยทยานไป ส่วนปลัดสนอง บุณโยทยาน
ก็โดนเก๋ณฑ์ไปใจ้แรงงานตี้เจี๋ยงตุ๋ง
เมียกับลูกๆของปลัดต้องย้ายไปอยู่กับญาติตี้เมืองพาน
จ๋นสงครามเลิกปู้นเปิ้นเถิงได้ปิกมาอยู่โตยกั๋น

ช่วงสงครามโลกเตื้อตี้ 2
เจียงฮายโดนฝ่ายสัมพันธมิตร (อังกฤษ อเมริกา ฯลฯ) ทิ้งระเบิดอย่างหนัก
ตี้เทศบาลก็โดน ต๋ายไปหลายศพ ตั๊ดกาดเทศบาลก็โดน
มีเรื่องเล่าว่ามีระเบิดหลายแก่นตกในวัดมุงเมือง แต่บ่ระเบิด
จาวบ้านเจื่อว่าเป๋นต่าพระเจ้าสองสีจ่วยปกป้องวัดไว้
เจียงฮายโดนระเบิดอย่างหนัก หน่วยงานราชก๋ารเลยย้ายที่ทำก๋ารไปตี้บ้านหนองปึ๋ง

ระฆังของคริสตจักรที่ 1 เวียงเจียงฮายแลโฮงยาโอเวอร์บรุ๊ค
ได้ใจ้เป๋นสัญญาณเตือนภัยจากการโจ๋มตีตางอากาศ

วัดเชตวัน (วัดพระนอน) บ้านหนองบัว ตะก่อนตะหารญี่ปุ่นใจ้เป๋นตี้พัก
เป๋นตี้เลี้ยงม้าโตยน่อ

ช่วงสงครามโลกเตื้อตี้ 2
คริสตจักรตี้ 1 เวียงเจียงฮาย ถูกปิด
โดยใจ้เป็นค่ายพักของตะหารญี่ปุ่น
ผนังด้านทิศใต้ของโบสถ์
ทหารญี่ปุ่นใจ้เป๋นตี้เก็บเกลือ ผลึกเกลือเกาะผนังจ๋นเถิงบ่าเดี่ยว
ช่วงหั้นคริสเตียนในเจียงฮายต้องนมัสการต๋ามบ้านสมาชิกอย่างลับๆ

[pong666]

รร. สามัคคี ก็เป็นที่ตั้งแค้มทหาร หลุมหลบภัยก็ ฮ่องป๋าค้าว   ตาผมเล่าให้ฟัง โดนเกณฑ์ไป เจียงตุ๋ง

นอนบนเกวียน น้ำดื่มไม่ได้โดนวางยาเบื่อ ทางมีแต่โคลนสูงท่วมขาหัวเข่า บางคนก็ไปไม่ได้กลับ

เสียชีวิตตามทาง กลับมาแต่ล้อวัว 

[vj99]

---ยังบ่าเกิดเตื่อเน้อ---

[chate]

เดี๋ยวกลับบ้านจะถามอุ้ยผ่อก่อน ท่านอายุ 96 ปีละ

[Mong6]

ปะตู๋บ้านมีแต่ฮอยกระสุน   อุ้ยอู้ฮื้อฟัง

[PHAN2002]

แม่เล่าให้ฟังว่าป่ออุ้ยหม่อนโดนเกณฑ์ ล้อวัวบรรทุกสัมภาระ (ไม่ทราบว่าเป็นอะไร)ไปส่งให้ทหารที่เมือง
โก เมืองเลน (ไม่ทราบว่ามีอยู่จริงหรือเปล่าและอยู่ส่วนใหนของพม่า) ขากลับวัวตายไป ๑ ตัว ทหารต้อง
หาวัวให้อีก  ๑  ตัว  เพื่อเทียมล้อวัวกลับบ้าน  ปัจจุบันอุ้ยหม่อนเสียชีวิตไปแล้วประมาณ  ๒๕  ปี
นี่คือเรื่องจริงแต่ไม่ทราบวันเดือนปีที่แน่นอน เพราะตอนที่แม่เล่าให้ฟังผมก็ไม่ค่อยให้ความสนใจมากนัก ปัจจบันแม่ก็เสียชีวิตไปแล้วประมาณ  ๑๑  ปี  อุ้ยหม่อนเป็นคนบ้านxxx ต.ป่าหุ่ง อ.พาน จ.เชียงราย

[Benzram]

 สมัยสงครามโลกครั้งที่2 ไทยกับญี่ปุ่น เปิ้นเป๋นพวกเดียวกั๋น บ้านผมบ้านขัวแคร่ ตำบลบ้านดู่เปิ้นว่า ประวัติเกยเป๋น คลังเสบียง คลังน้ำมัน  ค่ายทหารไทย ของจอมพลผิน ชุณหะวัณที่จะนำกำลังไปยืดเจียงตุ๋ง แล้วถนน กับกองในหมู่บ้านเปิ้นก่อเป๋งหื้อ  โดยเอาบ่าหินหน้าผามาถม บ่าเดี่ยวกลายเป๋นคนกรีตหมดแล้ว ผมยังตันเกยหันต๋อนเป๋นละอ่อน
  ผมเกยไปถามคนเฒ่าคนแก่ เปิ้นบอกว่า หมู่แม่ญิงสาวๆบ้านผมสมัยนั้น เปิ้นไปเป๋นเมียเก็บ หมู่ทหารไทย กับ ทหารญี่ปุ่นกั๋นหลายคนเลย  พอสงครามเลิกเขาก่อปากั๋นหนีปิ๊กละหมด ละหมู่สาว(ก่อคือรุ่นอุ๊ยหม่อนนั่นเหนอะคับ)กลายเป๋นแม่ฮ้างกั๋นหมด

[sakura777]

สมัยสงครามโลกครั้งที่2 ไทยกับญี่ปุ่น เปิ้นเป๋นพวกเดียวกั๋น บ้านผมบ้านขัวแคร่ ตำบลบ้านดู่เปิ้นว่า ประวัติเกยเป๋น คลังเสบียง คลังน้ำมัน  ค่ายทหารไทย ของจอมพลผิน ชุณหะวัณที่จะนำกำลังไปยืดเจียงตุ๋ง แล้วถนน กับกองในหมู่บ้านเปิ้นก่อเป๋งหื้อ  โดยเอาบ่าหินหน้าผามาถม บ่าเดี่ยวกลายเป๋นคนกรีตหมดแล้ว ผมยังตันเกยหันต๋อนเป๋นละอ่อน
  ผมเกยไปถามคนเฒ่าคนแก่ เปิ้นบอกว่า หมู่แม่ญิงสาวๆบ้านผมสมัยนั้น เปิ้นไปเป๋นเมียเก็บ หมู่ทหารไทย กับ ทหารญี่ปุ่นกั๋นหลายคนเลย  พอสงครามเลิกเขาก่อปากั๋นหนีปิ๊กละหมด ละหมู่สาว(ก่อคือรุ่นอุ๊ยหม่อนนั่นเหนอะคับ)กลายเป๋นแม่ฮ้างกั๋นหมด

ลึกซึ้งคับ

[@ไอ้อ้วน@]

เรื่องราวน่าอ่านน่าเรียนรู้จากการเล่าความจากผู้อยู่ในเหตุการณ์จริงซึ่งบางอย่างไม่มีหนังสือ มาเล่ากันนักๆเน้อเจ้า ลูกหลานเฮาจะได้เอาไปต่อยอดถึงประวัติศาสตร์ได้อีก

[mana.]

มาฟังเปิ้นอู้แล้ว  เป๋นดีไค่วัดหัวตั๋วเก่า  บ๋าฮักษาของอี่ป่อไว้หื้อดี คือเสื้อยันต์แขนอีหลุดสีแดง เหมือนเสื้อกั๊กบ่าเดี่ยวนี้ละ กาถาตั๋วเมืองเขียนไว้เต๋มเสื้อ  กับผ้าเมืองตี่เปิ้นหยิบเป๋นถุงยาว ๆ สำหรับเอาไว้ใส่ข้าวสาร เมื่อใส่ข้าวสารเต๋มแล้วเปิ้นก็มัดปากถุง แล้วเอามามัดเคียนแอวต๋อนเข้าป่า ฮบทัพจับเสิก มีข้าวสารเหีย ก็ไปเซาะบอกไม้บงไม้ซางหลามกิ๋นเอาตางหน้า  เป๋นต่าย้ายบ้านหมั่นล้ำไป บ๋าฮู้ว่าหายไปไหนเหีย เสียดายแต้...

[คำปันเกย]

แม่เล่าให้ฟังว่าป่ออุ้ยหม่อนโดนเกณฑ์ ล้อวัวบรรทุกสัมภาระ (ไม่ทราบว่าเป็นอะไร)ไปส่งให้ทหารที่เมือง
โก เมืองเลน (ไม่ทราบว่ามีอยู่จริงหรือเปล่าและอยู่ส่วนใหนของพม่า) ขากลับวัวตายไป ๑ ตัว ทหารต้อง
หาวัวให้อีก  ๑  ตัว  เพื่อเทียมล้อวัวกลับบ้าน  ปัจจุบันอุ้ยหม่อนเสียชีวิตไปแล้วประมาณ  ๒๕  ปี
นี่คือเรื่องจริงแต่ไม่ทราบวันเดือนปีที่แน่นอน เพราะตอนที่แม่เล่าให้ฟังผมก็ไม่ค่อยให้ความสนใจมากนัก ปัจจบันแม่ก็เสียชีวิตไปแล้วประมาณ  ๑๑  ปี  อุ้ยหม่อนเป็นคนบ้านxxx ต.ป่าหุ่ง อ.พาน จ.เชียงราย

มาตอบว่าเมืองโก  มีอยู่จริง อยู่ลึกเข้าไปในพม่า น่าจะยังไม่ถึงเชียงตุง
เมื่อประมาณ 30 ปีก่อน
ข้าเจ้าไปกินข้าวแรมฟืนที่ฝั่งพม่าเป็นประจำ จนคุ้นเคยสนิทสนมกับแม่ค้า
แม่ค้าชื่อ พี่นาง เปิ้นจะกลับไปเมืองโก เพื่อเยี่ยมญาติทุกปี
เปิ้นเกยชวนไปแอ่วโตย..แต่บ่ได้ไป
สมัยนั้นฮ้องท่่าขี้เหล็กว่า "หล่ายหน้า"  ข้ามไป-มาหาสู่กันได้สบายๆ

พอกลับมาทำงานที่เจียงฮายแหมกำ
อะหยังๆ ก็เปลี่ยนแปลงไปหมด ข้ามไปหล่ายหน้า ต้องทำบัตร ต้องจ่ายเงิน

[Tonwai]

เข้ามาหาความรู้ดีๆด้วยคนครับ

[เชียงรายพันธุ์แท้]

แม่เล่าให้ฟังว่าป่ออุ้ยหม่อนโดนเกณฑ์ ล้อวัวบรรทุกสัมภาระ (ไม่ทราบว่าเป็นอะไร)ไปส่งให้ทหารที่เมือง
โก เมืองเลน (ไม่ทราบว่ามีอยู่จริงหรือเปล่าและอยู่ส่วนใหนของพม่า) ขากลับวัวตายไป ๑ ตัว ทหารต้อง
หาวัวให้อีก  ๑  ตัว  เพื่อเทียมล้อวัวกลับบ้าน  ปัจจุบันอุ้ยหม่อนเสียชีวิตไปแล้วประมาณ  ๒๕  ปี
นี่คือเรื่องจริงแต่ไม่ทราบวันเดือนปีที่แน่นอน เพราะตอนที่แม่เล่าให้ฟังผมก็ไม่ค่อยให้ความสนใจมากนัก ปัจจบันแม่ก็เสียชีวิตไปแล้วประมาณ  ๑๑  ปี  อุ้ยหม่อนเป็นคนบ้านxxx ต.ป่าหุ่ง อ.พาน จ.เชียงราย

เมืองโกเลยท่าขี้เหล็กไปแหมสัก 10 กิโล ครับ
ถ้าเลยเมืองโกไปแหมสัก 15 กิโล ก็จะเถิงเมืองเลนครับ

คนเมืองเลน เป๋นลื้อน่อครับ สมัยก่อนพระเจ้ากาวิละเปิ้นกวาดต้อนคนเมืองเลนไปเจียงใหม่
บ่าเดี่ยวก็ยังมี "ตำบลเมืองเล็น" อำเภอสันทราย จังหวัดเจียงใหม่ อยู่ครับ

ส่วนเมืองโก พระยาผาบ (พระยาปราบสงคราม) คนสันทราย เจียงใหม่
ผู้นำคนล้านนาต่อต้านการปกครองของสยามสมัย ร.5
ต๋อนหลังโดนสยามปราบ เปิ้นหนีไปเปิ้งเจ้าฟ้าเจียงตุ๋ง
เจ้าฟ้าเปิ้นก็หื้อพระยาผาบมาครอง "เมืองโก" น่อครับ

[ter naja]

อี่แม่เล่าหื้อฟังว่าตอนสงคารมโลกครั้งที่2 พอตอนค่ำๆจะมีเครื่องบินมาบินเหนือฟ้า ถ้าได้ยินเสียงเครื่องบินแต่ละบ้านก่อจะปากั๋นล่นไปเข้าหลุมหลบภัยตี่จ่วยกั๋นขุดไว้ บ้านทุกหลังต้องดับไฟหมด จ๋นกว่าเสียงเครื่องบินจะเงียบไปถึงได้ปากั๋นออกจากหลุมหลบภัย โรงร่ำโรงเรียนตึงบ่าได้ไปกั๋น ตอนนั้นอี่แม่เปิ้นอยู่กั๋นสามปี้น้อง ป่อแม่เปิ้นต๋ายละเมื่อยามน้อย  เฮ้อ! เปิ้นเล่าหื้อฟังพอจะจ๋ำได้เต้าอี้ เดียววันหลังจะขอหื้ออี่แม่เล่าหื้อฟังแหมใหม่ แล้วจะเอามาเล่าสู่กั๋นฟังเน้อ ตอนนี้อี่แม่อายุ87 ปีแต่แข็งแรงขนาด ความจ๋ำดีเยี่ยม นั่งรถไปแอ่วทะเลได้สบาย ไปเดินชอปแม่สายได้สบายหายห่วง โดยบ่าต้องใจ้ไม้เต๊าจ่วย ลืมบอกไปว่าสมัยสงครามโลกครั้งที่2 เปิ้นอยู่เวียงป่าเป้าเน้อ

[ล้อล้านนา]

น่าจะเป็นสงครามมหาเอเชียบูรพาครับที่เชียงรายมีเรื่องราวเล่ากัน แต่ "สงครามโลก" นี้บ่แน่ใจว่าเชียงรายจะมีบทบาทมากนักก่อครับ

[caveman15]

น่าสนใจดีครับ

[pong666]

ตามแผนที่เดิมๆ

[pong666]

ไปครั้งนั้นไทยทำ งามหน้าเลย