หนองหลวง มีเศษบะดินกี่เก่าหรือไม่ผมไม่รู้
แต่หนองบงกาย มีบะดินกี่เก่าก้อนใหญ่มาก
เรื่องราวต่าง ๆ ที่เป็นอภินิหาร นั้น เกิดจากการใส่สี ใส่ไข่ของผู้เล่า เพื่อให้ดูน่าเชื่อถือ
ดังเช่น ลวจักราช เป็นเทวบุตร จุติลงมาเพื่อปกครองบ้านเมือง ชาวบ้านชาวเมืองทั่วไปย่อมเคารพยำเกรง
แต่ถ้าบอกว่า เป็นเชื้อสาย ลัวะ อยู่ตีนดอยตุง การปกครองจะทำได้ดีหรือไม่ จะมีใครยำเกรงแค่ไหน
ผม คาดว่า ปู่เจ้า ลาวจก
คือ คนลัวะ หรือ ละว้า
อันเป๋น คน ในกลุ่ม ชาติพันธุ์ ภาษาตระกูล ขอม(เขมร)มอญ โบราณ
น่าหยะ บ่ แม่น คนไต หรือ ลาวยวน หรือ คนลาว แต่ อย่างใด
เป๋น คนมีบุญ เป๋น เจ้านายใหญ่ ปกครอง บ้านเมือง
มีบุญป๋ารมี สืบลูก สืบหลาน เป๋น ผญาเจ้าเมือง
กล๋ายเป๋น คนเมือง ไปในตี่สุด
คนเมือง กะคือ จื่อฮ้องต๋าม บ้านเมือง ท้องถิ่นอาศัย คือ คนเมืองหั้น..... เมืองหนี้.....
คนเมืองแต้ ๆ กะ คือ คนอู้กำเมือง
แต่ อาจมีสายเลือด คนลาวยวน โยนก เป๋นหลัก
แต่ อาจมีเจื้อ ไตเผ่าอื่น ๆ เจ่น ไตเงี้ยว ไตลื้อ ไตยอง(คนเมืองยอง) ไตขึน
หรือ เจ๊ก ขมุ ม่าน ไทยหน้อย ลาวโสร่ง ลาวซ่ง ลาวพวน
ซะปะ จาติเจื้อ เผ่าพันธุ์ มาฮอม
จัดเข้ากลุ่ม ภาษาไต ลาว
คนเมือง กะคือ ไต เป๋น ไตลาว ถิ่นเก่าดั้งเดิมเมืองโยนกนาคนคร เป๋น ตี่มา ของ เผ่าไตยวน หรือ ลาวยวน
หม่าเด่ว เฮา เป๋นไทย ต๋าม บัตรประชาชน
ดังนั้น คนฝั่งลาว มีคนเขียน ลงหนังสือ ว่า คนไทย นี้ กะคือ .....
คนลาว แต่เก่าก่อน
แม้น ปู่เจ้า จัก เป๋น ลัวะ หรือ เป๋นลาว กะต๋าม
หนานว่า บ่ มีใผ รังเกียจ เผ่าพันธ์ เปิ่น
กะเหมือน คนหม่าเด่ว หมายมี
ผู้ว่า ข้าราชการ ตหาร ต๋ำรวจ ใหญ่ ๆ นักก๋ารเมือง ฮอด รัฐมนตรี นายกรัฐมนตรี ของไทย
หมู่ตี่มีนามสกุล ยาว ๆ ตระกูลเดิม ใจ้ แส้(แซ่)
ลูกหลานต่อมา เปลี่ยน ไปใจ้ โซ่ (นามสกุลใหม่ ยาว ๆ)
หมู่นี้มักเป๋น เจื้อเจ๊ก
ไผ รวย ๆ เขากะเอิ้น ว่า อาเสี่ย อาเฮีย อาเจ๊
แต่ ถ้าจ๋น ๆ กะฮ้อง ปู่เจ๊ก.... นั้น ปู่เจ๊ก....นี้ หรือ ปู่แป๊ะเฒ่า ย่าซิ้มเฒ่า
เจ๊กจี๋น หินแฮ่ กล๋ายเป๋น คนเมือง คนไทย ใน ปท.ไทย
ไป อาศัย ใน อเมริก๋า ได้ สัญชาติ เขา
กะไปเป๋น คนอเมริกั๋น หัวดำ แหมตวย
โดยธรรมชาติ ของ ปารมี อำนาจ หรือ ฐานะเงินคำ ใผ มีอยู่ กว่าเขา คนด้อยกว่า กะยอมอยู่ใต้ อำนาจ อยู่แล้ว
แม้น เขาเกยเป็น เสือฮ้าย นักเลง หากได้เป๋น ป้อก๋ำนัน ผู้ใหญ่ ใผ ๆ กะนับถือ
หรือ เป๋น ป้อเลี้ยง เอื้องไข่ ไผกะฮัก
ลูกคนจ๋น จาวนา แต่ เป๋นครูบาอาจ๋ารย์
หรือ เป๋นข้าราชก๋ารจั้นผู้ใหญ่
เป๋นตุ๊เจ้าใหญ่ ระดับ เจ้าคุณ
ใผ กะบ่ รังเกียจ ในอำนาจ วาสนาเปิ้น
ขนาดคนผิวดำ บารัก โอบามา ลูกครึ่ง เคนยา+อเมริกัน
อเมริกันหัวแดง หัวดำ(เชื้อชาติอื่น) กะยอมซูฮก
ด้วยเขามีอำนาจ วาสนา ปารมี ฐานะประธานาธิบดี
ดังนั้น
ปู่เจ้า ลวจักราช ผู้เป๋น ผญา ๆ
คือ ผู้เป๋นใหญ่ ผู้นำ มี อำนาจวาสนาป๋ารมี ในยุค หั้น
ใผ บ่ ยำเกรง มัน บ่ ดี กะคือ เป๋นบาป
บาป ขบหัว ได้
ลูกหลาน มี นามมะก๋ร ว่า หนานธง ขอ ยอยก ปู่เจ้าผญา ลัวะ จะกะ ราช
ผู้เป๋นใหญ่ กว่า ใผ ในแดน น้ำ แม่กก ล่องเหนือ แม่ยม ล่องใต้ แม่ของ ล่องลงมหาสมุทร
ใน ยามหั้น ฯ ไว้ขึ้น เหนือหัว เหนือเกล้า
ผู้ข้าพ์ เจ้า ขอ อุปโลก ต๋นตัว แต่ง ขอป๋ารมี
แห่ง กุณพระเจ้า กุณพระธรรม กุณพระสังกะ กุณป้อ กุณแม่ กุณผีปู่ย่า
กุณคะรุป๋า อาจ๋าริโย
กุณ ของ เจ้าบุญ นายกุณ ใหญ่ หน้อย กุณญาติโก๋ โหติก๋า เสี่ยวมิตร ตึงมวล
ฮอด กุณผี กุณคน
มาฮับ มาเอา อำนาจกุศล อานิสงส์ ผลบุญใด ๆ ตี่ หมู่ลูกหลาน หมู่เฮา ตี่ได้เข้ามาอ่าน ได้มาข้องเกี่ยว ใน กระทู้ นี้ ตี่ เจียงฮายโฟกัส ดอทคอม กะดี
บุญใดๆ ตี่ได้ ป่ำเป็ง มา ของ หมู่ ผู้ข้าพ์ ฯ
นับจาติ บ่ ถ้วน ผด ฮอด บุญ อันกวรมี ในวันนี้ ยามนี้ จักมี มอกใด
ขอได้ กล๋ายเป๋น บุปผาราจาข้าวตอก ดอกไม้ติพย์ น้ำอบ น้ำหอม ผ้าติพย์ ข้าวติพย์ น้ำติพย์ สะปะของปูจา สมมาการะวะ ดวงจิต ของ ปู่ผญา
เป๋น เสบียง เป๋นสะเปาแก้ว สะเปาคำ
เป๋น กุศลผลบุญ ในบึด หม่าเดี่ยว นี้
เอาไว้ หื้อปู่ผญา ใจ้เป๋นบุญ เป๋น ป๋ารมี สืบไป ใจ๊ ๆ
นับแต่ หม่าเดี่ยว ฮอดเข้า นิพปาน
แม้น ปู่เจ้า จัก ผาถะนา ไค่ได้ มนุษย์สมบัติ
กะหื้อ ปู่ ได้เป๋น ผญาจักรพรรดิ นับจาติ บ่ ถ้วน
ผาบแป้ ได้ เมืองใหญ่ หน้อย มาเป๋น บริวาร
ด้วย ตบะ เต๋จะ อำนาจ ธรรมะยาตร๋า บุญญาป๋ารมี
ของ ปู่เจ้า
อันมีบุญ จาก ผู้ข้าพ์ ฯ ลูกหลานได้ มาเป๊าะ มาฮอม นับแต่ หม่าเดี่ยว นี้
ปู่ ฯ จักอยากได้ สวรรคสมบัติ ในตึง 6 จั้นฟ้า บ่ ว่า จั้นใด ๆ
ขอปู่ ฯ ของกู จุ่งได้ บังเกิด
เป๋น ผญา ต๋นหลวง เหลือ ต่าน ฯ ใน จั้นหั้น ๆ
เนอ ปู่เจ้า เนอ
ปู่ จักไค่ไป จุติ ใน พรหมสมบัติ บ่ ว่า ฮูปพรหม ฮอดแผว อฮูปพรหม
อายุยืนยาว หลายกัลป หลายกั๋ลป์ เมินนาน ยิ่งกว่า สวรรคะโลก๋า
แม้น ปู่ ผาถะนา ขอจุ่ง ได้ ต๋ามเปิงใจ๋ แต้เตอะ
เนอ ปู่เจ้า เนอ
จ๋าว่า ปู่เจ้า
จัก ก่าย หน่าย ใน สงสาร ก๋ารเกิด
ผาถะนา เ้ข้า มหานิรปาน
นิพพานสมบัติ...........
ยามว่าง พระเจ้า ยามพุทธันดร ปู่เจ้า จักใค่เป๋น พระเจ้า ครอง มหานิรปาน ต๋นเดียว บ่ เกี่ยวข้องใผ บุญลูกหลานเหลน จุ่ง เข้าเป๊าะฮอม
หื้อ ปู่เจ้า เป๋น พระปัจเจกกพุทธเจ้า
หากจัก ว่า
ปู่เจ้า ไค่ตั้ง พระศาสนา ก็ ขอ บุญลูกหลานเหลน ส่งตวยปู่เจ้า หื้อ ปู่ได้ ป่ำเป็ง เป๋น ต๋นบุญ ผาถะนา หื้อได้เป๋น พระเจ้า ต๋นใด ต๋นนึ่ง
จาก อนิตยมหาโพธิสัตว์เจ้า แล้วเข้าไปหา มหาโพธิสัตว์ ผู้ เตี่ยงแต้ดีหลี กำฮ้องเอิ้นว่า นิตยมหาโพธิสัตว์เจ้า ผู้จักได้ ตรัสฮู้ ขนหมู่สัตว์ ปาข้าม สงสารมหานตี เจ่มเตอะ
นิพพานสมบัติ อัน หน้อย กว่า สองอย่างนี้ บ่ กู่ บ่ กวร แก่ ปู่เจ้า ฯ เลย
เนอ ปู่เจ้า เนอ
แม้นปู่เจ้า บ่ ได้เปิงใจ๋ เป๋น พระเจ้าพุทธะ พระเจ้าปัจเจกพุทธะ ขอบุญเหล่าผู้ข้าพ์ ฮอมกับ บุญปู่เจ้า
หื้อ ปู่เจ้า ได้ นิพพานสมบัติ โดยง่าย สบาย เนอ ปู่เจ้า เนอ
ลูก หลาน เหลน โหลน คือ หมู่ ตางปล๋าย จักได้ ม่วนอก ม่วนใจ๋
ตี่ได้ ฮอมบุญ กับ ปู่ผญาเจ้า ฯ
กับปู่ผญาเจ้า ต๋นนึ่ง มี นามมะก๋ร ว่า ผญา ละวะ จักกะราชเจ้า
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
