เชียงรายโฟกัสดอทคอม สังคมออนไลน์ของคนเชียงราย ยินดีต้อนรับคุณ, บุคคลทั่วไป กรุณา เข้าสู่ระบบ หรือ ลงทะเบียน
วันที่ 29 มีนาคม 2024, 18:59:57
หน้าแรก ช่วยเหลือ เข้าสู่ระบบ สมัครสมาชิก



  • ข้อมูลหลักเว็บไซต์
  • เชียงรายวันนี้
  • ท่องเที่ยว-โพสรูป
  • ตลาดซื้อขายสินค้า
  • ธุรกิจบริการ
  • บอร์ดกลุ่มชมรม
  • อัพเดทกระทู้ล่าสุด
  • อื่นๆ

ประกาศ !! กรุณาอ่านเพื่อทำความเข้าใจ : https://forums.chiangraifocus.com/index.php?topic=1025412.0

+  เว็บบอร์ด เชียงรายโฟกัสดอทคอม สังคมออนไลน์ของคนเชียงราย
|-+  ศูนย์กลางข้อมูลเชียงราย
| |-+  ศาสนา กิจกรรมทางวัด (ผู้ดูแล: ap.41, ลุงหนาน)
| | |-+  คำไหว้เทวทูตตังห้า
0 สมาชิก และ 1 บุคคลทั่วไป กำลังดูหัวข้อนี้
« หน้าที่แล้ว ต่อไป »
หน้า: [1] พิมพ์
ผู้เขียน คำไหว้เทวทูตตังห้า  (อ่าน 860 ครั้ง)
ละอ่อนโบราณ
ระดับ :ป.โท
****
ออฟไลน์ ออฟไลน์

กระทู้: 4,466



« เมื่อ: วันที่ 21 สิงหาคม 2010, 13:45:47 »

[wma=300,50]http://audio.palungjit.com/attachment.php?attachmentid=56640[/wma]



อะนัตตา อันว่าตั๋วต๋นของเรานี้ ผิจักปะมัฏฐาบอกกล่าว ต๋ามดั่งกำสอนพระพุทธเจ้าหากเทศนามา
ว่าต๋นตั๋วของเรานี้นา กว้างศอกยาววาหนาคืบ กระดูกสืบติดกั๋น เส้นเอ็นปันผูกคาด จิ้นแหล่ลวาดแถมถม
หนังปกคลุมหุ้มนอก เอาเสื้อผ้าปอกดูงาม  เผียบเหมือนไหคำใส่ของโสโครก อันสัตว์โลกหากยินดี 
ปากั๋นขันสีตกแต่ง หื้อชอบแห่งต๋าคน ตังปายในต๋นเป๋นดีขี้เดียจ เพาะเหตุเต๋มไปด้วยขี้ อันพระกล่าว
จี้บอกไขปั๋น ว่ามีโทษหลายประก๋ารต่างๆ มีตุ๊กข์ใหญ่ว้างปู๋นกลั๋ว จาติธัมโม สภาวธรรมอันเกิดมา
พหุตุกขา เป่นตุ๊กข์นานาหลายหลาก เป๋นตุ๊กข์ยากถนัดใจ๋ เป๋นตุ๊กข์ป๋านไฟเอ่าร้อน ยามเมื่อตั้งปฏิสนธิ์
อยู่ในท้องแห่งแม่มารดา เป๋นตุ๊กข์เวทนาลำบาก เหลือตี้จักอดเพราะนั่งขดคู้ ต๋นตั๋วอยู่บนปุ๋มขี้แห่งแม่
เอาสองมือแผ่เต๊าต๋งกาง เอาสองศอกวางตางลุ่ม เอาสองมืออุ้มติดกั๋น อว่ายหน้ามอบติดสันหลังแห่งแม่
เป๋นตุ๊กข์แก่หรทัย  เมื่อกิ๋นอาหารใดแสบร้อน ตกลงรดต้องก๋ายา หากเป๋นตุ๊กข์เวทนาลำบาก
ร้อนไหม้วาบตั๋วต๋น ยามเมื่อแม่เมาลมล้มต่าว ดิ้นดะด่าวไปมา เป๋นตุ๊กข์ดาป๋านใจ๋จักขาด
เหมือนท่านติ้วขาฟาดกับดิน แสนตุ๊กข์ขินโศกต้อง ยามเมื่ออยู่ในท้องครรภะภูธร เผียบเหมือนวานรวอกเฒ่า
อันล่นเข้าสู่โก๋นไม้หลีกหนีฝน เป๋นตุ๊กข์เรรนเดือดไหม้ กันว่าได้สิบเดือนเป๋นถะหรา ลมกั๋มมะสวาดมาถีบต้อง
ต๋ำต๋น เป๋นกั๋งวลร้อนไหม้ ยามเมื่อใกล้ออกจากครรภะมารดา  ฝูงหมู่ญาติก๋าปี้น้อง เขาก็มาจ่วยล้างออกหื้อ
หมดจากมละมลทิน ซ้ำเป๋นตุ๊กข์เย็นหลอต๋าย เป๋นอันแสบก๋ายมีมาก ยามเมื่อเขาเอาผ้าหึกหยาบมาถูกต้องตั๋วต๋น
เป๋นตุ๊กข์เรรนแก่เด็กหน้อย เป๋นตุ๊กข์คะค้อยเมื่อยามแดงๆ แม่นว่าตั๋วสัตว์และแมงจะมาขบต๋อมไต่
ก็บ่จ่างออกปากไล่ขับหนี เป๋นตุ๊กขีบ่จ่างปาก เป๋นตุ๊กข์ยากเมื่อยามกาน เป๋นตุ๊กข์ผลาญเมื่อยามย่าง
เป๋นตุ๊กข์ใหญ่กว้างเมื่อท่านราวีบุบตี๋ แสนตุ๊กขีมีพร่ำพร้อมไหลหลั่งข้อนหรทัย แม่นอยากิ๋นอันใดก็บ่จ่างปาก
มีแต่ร้องให้หากเป๋นผะหมาน นับปี๋เดือนวันนานมากเป็นถะหรา บ่อาจจักสังขยานับได้ ยังตุ๊กข์หน้อยใหญ่ผับไคว่ดีหลี
อะหัมปิโข แม่นต๋นตั๋วเรานี้นา อะนาติโต๋ ก็บ่อาจข้ามล่วงป๊นไปได้ จาติธัมโม อันเราเกิดมาเป๋นตุ๊กข์นั้นไส้ 
ชะราธัมโม อันว่าเฒ่าค่ำชรา มีหูต๋าบ่แจ้ง หนังเหี่ยวแห้งเป๋นฮำ ไฝแดงดำหยะหยาด ป๋านเปิ้นหมาดผับไคว่ตั๋ว
เผียบเหมือนหนังต๊กโตและค้างคาก ยามเมื่อเกี้ยวกิ๋นหมาก น้ำลายออกริมปากย้อยต๋งกาง ซ้ำเป๋นขี้ดังและขี้คู่
ยามเมื่อเหยียดคู้ตั๋วคิง ดูเหมือนลิงวอกค่าง เขี้ยวฟันห่างกางยาว ผมหัวขาวเป๋นหมอก เขี้ยวฟันหล่อนออกกางยาน
รูปร่างสัณฐานเหมือนดั่งผีเสื้อ ผิวหนังเก่าเกื้อก็มาเหมือนหนังงัวควาย ซ้ำแข้งขาก็มาลายเหมือนดั่งขาเต่า
แม่นปากจ๋าเล่ากำใด ก็บ่ถูกใจ๋คนหนุ่ม เมื่อกล่าวสอนกำดี เขาซ้ำว่าคนเฒ่านี้ขี้จ่ม ต๋าก็ซุ่มมัวฟาง
เฒ่าสงสารชอบปาก จะลุกก็ยากจะนั่งก็โอยคราง ยามเมื่อเดินตางก็มาเป๋นหัวคลอนหัวสั่น ดูกด้าวลั่นงุดงัด
ตี๋นมือกวัดไกว่ยะยาบ เลงผ่อแต๊ก็เหมือนคาบผีต๋าย เป๋นดีละอายแก่โลก หูก็หนวกหลังก็ก่องโคโย 
แม่นก๋ำลังต๋นตั๋วก็บ่มีมาเหมือนเก่า เป๋นตุ๊กข์ร้ายเล่าหลายผะก๋าร อันว่าลูกและหลานก็มายินเบื่อหน่าย
หล้างเตื่อก็จ๋ำคนเถ้าไปเลี้ยงควายและเฝ้าไร่ กันว่าคนเถ้าบ่ไปก็ว่าคนเถ้าขี้คร้าน หล้างเตื่อก็จ๋ำหื้อเฝ้าบ้าน
เลี้ยงลูกเลี้ยงหลาน หล้างพ่องก็บ่รู้จักผะหมานตั๋วเก่า บ่รู้จักทำบุญเล่าตี้จะเป๋นของตั๋วไปภายหน้า
มีแต่อ้างว่าข้านี้อันใดก็บ่เหมือนใจ๋ เพราะยังตัดอาลัยบ่ได้ เพราะยังอ่วงลูกหลานไว้ ยังตัดใจ๋บ่ได้เนอเฮา
เลี้ยงลูกใหญ่แล้ว หวังจัได้สุขบาน ซ้ำยังได้เลี้ยงหลานแถมเล่า ถูกกำโบราณบ่าเก่าว่า ลูกหลานหลายเป๋นเจ้าหนี้
อย่างนี้บ่ไกกา อะหัมปิโข แม่นต๋นตั๋วเรานี้นา อะนาติโต๋ ก็บ่อาจข้ามล่วงป๊นไปได้ พยาธิธัมโม
สภาวะอันเป๋นพยาธิ์โรคา มีนานาหลายส่ำหลายผะก๋าร คือเป็นลมสารฝีมะละอา เป๋นรำมะนาดและคอออม
เป๋นกางปองและมองคร่อ เป๋นต๋าต้อและริดสีดวง เป๋นลมหลวงและลมสะอืน ปิ๊ดปวดฟื้นในตั๋ว
อาพาโธมีหลายหลาก เสิบหกหากเป็นถะหรา บ่อาจสังขยาหื้อผับไคว่ได้ หากมีดังนี้ไส้เหมือนกั๋นจุคนคน
บ่ว่าสัตว์และคนหน้อยใหญ่ เป๋นตุ๊ข์โศกไหม้ด้วยอาพาโธ  ความเจ็บป่วยอาพาธ บ่อาจหนีป๊นได้ตังสัตว์และคน 
มรณะธัมโม อันว่าสภาวะอันความต๋ายนั้นเล่า ก็แสนโศกเศร้าถนัดใจ๋ หล้างพ่องต๋ายด้วยโรคาพยาธิ์
หล้างพ่องต๋ายท่านฆั่นแตง หล้างพ่องไปแสวงในป่าเสือร้ายล่าขบกิ๋น หล้างพ่องต๋ายตกเรือบินแหลวแหลก
หล้างพ่องต๋ายตกรถเครื่องถะแหลกจนหมา ลวดมรณาเมี้ยนจาติ ต๋ามก๋รรมวิบากไผมัน
หล้างพ่องก็แขวนคอกังกับขื่อ ย้อนก๋รรมเป๋นสื่อแห่งความต๋าย หล้างพ่องต๋ายริมทางและท่าน้ำ
หล้างพ่องต๋ายต๋ามป่าหญ้าและดอยดง หล้างพ่องก็ต๋ายโหงถูกรถจนรถคว่ำ หล้างพ่องกต๋ายตกน้ำ
ต๋ามก๋รรมวิบากหากได้กระทำมา หล้างพ่องต๋ายในต๊องแม่มารา หล้างพ่องต๋ายเมื่อยามเป๋นทาระก๋าเด็กหน้อย
 หล้างพ่องก็ต๋ามเมื่อซ้อยยามเถ้าแก่ชราและป๋านกล๋าง  บ่มีก๋ำหนดผะหมานหน้อยใหญ่ กันมัจจุราชไล่มาตัน
 บ่ว่าเมื่อคืนวันค่ำเจ๊า เที่ยงว่าจักคว่ำหน้าสู่ทางต๋าย บ่ว่าญิงจายใหญ่หน้อย เป๋นตุ๊กข์คะค้อยไจ่สามาน
หาอันใดจักเผียบปานบ่ได้ เหมือนท่านเอากีมมากีบไว้ในใจ๋ เหมือนท่านเอาไฟแสนเปลี๋ยวมาวาบไหม้
เหมือนท่านเอาหอกมาเสียบไว้ในหัวอก แสนโศกตุ๊กข์มีมาก เต๋โจธาตุไหม้ละลายเต๋มต๋น อาโป๋ธาตุแตกม้าง
 เป๋นเหื่อค้างยางไคล วาโยใสนอนแตบ ปฐวีแผกผิดผวน ธาตุตังมวลดับมอด หายใจ๋ทอดถึงคอ ร้อง ออ ออ
 สองสามคาบ อ้าปากกะงาบกะงาบกางกับ จีวิตดับใจ๋ขาด ลวดเข้ามรณาดวางวาย ฝูงหมู่ญาติก๋าตังหลายปี้น้อง
ก็มาให้ร่ำร้อง เสียงสนั่นก้องทั่วปื้นเวหา แสนโศกาโศกไหม้ มีแต่ร้องร่ำให้ผ่อดูดาย ถัดแต่นั้นเข้าตังหลาย
วลมา เขาก็เอามาอาบล้างส่งสะก๋าร แล้วเขาก็เอาไปเผาไปฝังในป่าจ๊า เขาก็อว่ายหนิ๊กปอกคืนมา....


   อนิจจ๋า วะตะสังขารา สังขารของคนเรานี้นามันบ่หมั้นบ่เตี่ยง รู้คว่ำเหงี่ยงไปมา บึดนึ่งก็มาต๋าย บึดหนึ่งก็มาเกิด เอาก๋ำเนิดเป๋นคน เป๋นตุ๊กข์เววนไจ่หน้ย เป๋นตุ๊กคะค้อยด้วยเรื่องก๋ารฮิหาเงินคำ ในเมื่อมรณะก๋รรมมารอด วิญญาณทอดก๋ายา เราจักปาเอาสังตวยไปบ่ได้ ก็จักได้ลาละไว้ตี้มนุษย์โลกใต้เมืองคน ข้าวของไร่นาต๋นมีมากกว้าง มีเงินคำเป๋นล้านก็บ่ได้หาบหามเอาไป จักกล่าวไปใยถึงข้าวของนั้นเล่า  สุดแต่คาบเนาตั๋วเก่ายังบ่ได้เอาไปตวย มีแต่กุศลก๋รรมคือว่าบุญกับบาป อันนั้นหากเป๋นของเรา อะหัมปิโข แม่นว่าต๋นตั๋วของเรานี้ อะนาติโต๋ ก็บ่อาจข้ามล่วงป๊นไปได้ มรณะก๋รรมนั้นไซร้ ก็บ่มีไผหลีกเลี่ยงได้สักคน ท่านพระทศพลต๋นผ่านแผ้ว ท่านได้กล่าวไว้แล้วว่าหื้อรีบสร้างแต่ความดี จะได้สุขีในจาตินี้ละจาติหน้า อย่าได้เนิ่นจ๊ารอวันรอคือ จีวิตจักได้ขืนมาอย่างเก่า นั้นบ่มีเล่าสักคน รีบสร้างกุศลกิ๋นตานไปไจ้ จะได้เอาไว้กิ๋นไว้ไจ๊ ในจาติหน้าทีลูน เริ่มสร้างบุญกุศลไปอย่าขาด อย่าได้ผะหมาดลาสา ถึงความมทรณามารอด จักได้ไปทางที่ชอบและทางดี มีก๋ารหื้อตานรักษาศีลภาวนาไปอย่าขาด อย่าได้ประมาททางบุญ  เพื่อจักได้ค้ำจูต๋นไปในวันทางหน้า บ่หื้อได้ตกต่ำจ๊า หื้อปันได้รอด เวียงแก้วยอดมหาเนรปาน อันเป๋นสถานสุขยิ่ง เป๋นสถานสิ่งที่บ่มีไหนเหมือน พระพุทธเจ้าเตือนเอาไว้ว่าเป๋นเอกบรมสุข สูงยิ่งกว่าสุขโลกตังมวล นั้นแหล่....
« แก้ไขครั้งสุดท้าย: วันที่ 21 สิงหาคม 2010, 14:00:38 โดย ละอ่อนโบราณ » IP : บันทึกการเข้า

..............
เทพบุตรดาวเหนือ เคนชิโร่
ระดับ ป.ตรี
***
ออฟไลน์ ออฟไลน์

กระทู้: 1,615


เฮาจะฮักคนที่ฮักเฮา@^__^@


« ตอบ #1 เมื่อ: วันที่ 27 สิงหาคม 2010, 16:51:31 »

สาธุ
IP : บันทึกการเข้า

ขายปลีกและส่ง
       - Micro SD Card,Flash Drive ยี่ห้อKingston Sandisk Apacer
       - Power Bank ,สายชาร์ท สายซิงค์ทุกรุ่น
       - ลำโพงกระป๋อง ,ลำโพงรถ
หน้า: [1] พิมพ์ 
« หน้าที่แล้ว ต่อไป »
กระโดดไป:  


เข้าสู่ระบบด้วยชื่อผู้ใช้ รหัสผ่าน และระยะเวลาในเซสชั่น

 
เรื่องที่น่าสนใจ
 

ข้อความที่ท่านได้อ่านบนกระดานข่าวแห่งนี้ เกิดขึ้นจากการเขียนโดยสาธารณชน และตีพิมพ์แบบอัตโนมัติ ผู้ดูแลเว็บไซต์แห่งนี้ไม่จำเป็นต้องเห็นด้วย
และไม่รับผิดชอบต่อข้อความใดๆ ผู้อ่านจึงต้องใช้วิจารณญาณในการกลั่นกรองด้วยตัวเอง และถ้าท่านพบเห็นข้อความใดๆ ที่ขัดต่อกฎหมาย และศีลธรรม พาดพิง ละเมิดสิทธิบุคคอื่น ต้องการแจ้งลบ
กรุณาส่งลิงค์มาที่
เพื่อทีมงานจะได้ดำเนินการลบออกให้ทันที..."

Powered by MySQL Powered by PHP Powered by SMF 1.1.21 | SMF © 2013, Simple Machines
www.chiangraifocus.com

Valid XHTML 1.0! Valid CSS!