ปะตู๋เมืองเจียงฮายกับเสียง ร(รเรือ)

[sensei]

คนเมืองเฮาเวลาอู้ ครับ จะเป๋น คับ , ร่ำรวย เป๋น ล่ำลวย , รุงรัง เป๋น ลุงลัง , เรียบร้อย เป๋น เลียบล้อย ฯลฯ แล้วเป๋นจ่าใดปะตู๋เมือง ปะตู๋สะหลี(แยกโบสถ์ตริสจักรเวียงที่1)หยังก๋ายเป๋น "ประตูสรี" หันในเอกสารโบราญ ก็เขียนว่าประตูสรีมาเมินนานแล่ว  สงสัยว่า คนเมืองเฮาบ่นิยมออกเสียง"ร"(ลั่นลิ้น)แล้วจ่าใดตั้งจื้อเป๋น ปะตู๋สรี สงสัยจะอ้างเอามาจากกำว่า"ศรี"  ต่านตังหลายคิดเห็นจ่าใดคับ

[natta2533]

กำว่า สะหรี๋  หรือ สรี นี้ถอดปริวรรตมาต๋ามตัวเมืองตี้เขียนไว้คับถ้าเกยเฮียนมาจะฮู้ว่าเปิ้นเขียนใจ้ไม้ระวง ตั๋วสะ  ไม้กี๋  รวมเป๋น สรี  เเต่บ่มีการลั่นลิ้นเเน่นอนคับ ตั๋วระวงนี้ละคับตี้ยะหื้อเกิด  ร  ในกำนี้

[sensei]

ขอบคุณในกำจี้แจงจากผู้รู้คับ  ถึงว่าอดีตนายกทักษิณต๋อนเปิ้นหื้อสัมภาษณ์เปิ้นบ่เกยลั่นลิ้นซักเตื้อ ขวัญใจ๋คนเมืองแต้ๆ