37 ปีที่จากไป - บุญสนอง บุณโยทยาน

[[tee]nn]

เปิ้นเก่งแต้ห่อ

[T Nakamura]

ลุงทรัพย์สิน  บุณโยทยาน ได้เขียนหนังสือออกมาเล่มหนึ่ง
จื้อว่า "ผมเป็นคนไม่(ค่อย)ดี อย่าเอาเยี่ยงอย่าง" พิมพ์ออกมาเมื่อปี๋ 2554 พิมพ์ตี้สำนักพิมพ์ล้อล้านนา

เนื้อหาในหนังสือส่วนนักเป๋นการอู้เถิงเรื่องจีวิตของลุงเปิ้นน่อ
เซิ่งจะมีในบทแรกนั้นตี้น่าสนใจ๋เกี่ยวกับประวัติศาสตร์สมัยสงครามโลกครั้งตี้ 2
ตี้ส่งผลกับเจียงฮาย แต่ลุงเปิ้นก็บอกว่าต๋อนนั้นละอ่อนอยู่ เลยจ๋ำอะหยังบ่ก่อยได้
ได้ยินกะเรื่องตี้เปิ้นเล่ามา

[thewa_k]

ขอบคุณครับ ได้ความรู้มากมาย ตอนท่าน ดร.เสียชีวิต เป็นปีที่ผมเพิ่งจะเกิดลืมตาดูโลกอยู่เลย...

[T Nakamura]

ในช่วงสงครามโลกครั้งตี้ 2 ญี่ปุ่นได้เข้ามายังประเทศไทย
และมีเป้าหมายตี้จะขึ้นเหนือไปตี้เมืองพยากกับเจียงตุ๋งของพม่า
เจียงฮายจึงได้เป๋นจุดพักและศูณย์ประสานงานของทหารญี่ปุ่นก่อนเข้าพม่า
โดยแม่ทัพญี่ปุ่นได้ยึดเอาบ้านเลขตี้ 528 บ้านประตู๋หวาย ถนนบรรพปราการ ต.เวียง อ.เมืองเจียงฮาย
เจ้าของคนแป๋งคือ "ขุนนเรนทรเสนี" (ร.ต.สวน  บุณโยทยาน) อดีตสัสดีจังหวัดเจียงฮาย
เซิ่งตอนนั้นมีปลัดสนอง  บุณโยทยาน ปลัดอำเภอและครูบัวคลี่ บุณโยทยาน เมียเปิ้น
เปิ้นตึงกู่มีลูกโตยกั๋น 2 คน จื้อว่า บุญสนอง กับ กองสิน

เมื่อต๋อนโดนทหารญี่ปุ่นยึดบ้านไป ปลัดสนองก้อโดนเกณฑ์ไปจ้วยฮบตี้เมืองพยากกับเจียงตุ๋ง
มีก๋ารเป๋นคนติดต่อประสานงานกับจาวบ้าน ส่วนเมียเปิ้นกับลูก 2 คนนั้น
ก้อต้องได้ย้ายไปอยู่บ้านเก่า(จื้อหมู่บ้าน) ต.เมืองพาน อ.พาน
ตี้ย้ายไป อ.พานนั้น ก้อเป๋นต่าป้อของครูบัวคลี่ คือ "ขุนรัตน์ราชธน" (สมบูรณ์  รัตนสัค)
ได้เกษียณจากตำแหน่งสรรพากรจังหัวดเจียงใหม่ แล้วก็ย้ายมาอยู่บ้านเกิดของเมียเปิ้น
...
เมื่อสงครามจบแล้ว ปลัดสนอง ก้อได้ปิ๊กมาหาลูกเมีย
ปาลูกเมียปิ๊กมาอยู่บ้านเก่าตี้ประตู๋หวาย
เมื่อเถิงเวลาตี้จะต้องเฮียนลูกจายของปลัดสนองตึงสองคนก็เข้าเฮียนตี้โฮงเฮียนเจียงฮายวิทยาคม
บุญสนองได้เข้าเฮียนจั้น ป.3 ส่วนกองสินได้เข้าเฮียนจั้น ป.1
พอจบจั้นป.4 ตึง 2 คนก็ย้ายไปเฮียนตี้โฮงเฮียนสามัคคีวิทยาคม
...
อันนี้เป๋นฮูปครอบครัวของปลัดสนอง  บุณโยทยาน ปลัดอำเภอและครูบัวคลี่ บุณโยทยาน กับลูกเปิ้น 2 คน บุญสนอง กับ กองสิน เมื่อจบก๋ารศึกษากั๋นแล้ว
ตี้มา : หนังสือ ผมเป็นคนไม่(ค่อย)ดี อย่าเอาเยี่ยงอย่าง ,2554 ,สำนักพิมพ์ล้อล้านนา

[เชียงรายพันธุ์แท้]

บุญสนอง บุญโยทยาน เป๋น 1 ในบุคคลสำคัญของเมืองเจียงฮายตี้ถูกลืม
(ในหนี้ก็มี เจ้าหลวงทั้ง 4 องค์, พระครูปัญญาลังการ, หมอบริกส์, หมอด็อดด์,
หมอเสม, พ.ต.ท.โทวัลเซน, อเล็กซานเดอร์ โทรางกูร (โทวัลเซน), ฯลฯ)

บ้านของบุญสนองบ่าเดี่ยวเป๋นฮ้านอาหารเจียงฮายรำลึก เป๋นโลโบ้
ไผไปต๋ำหมู่หั้นจะปะป้ายจื่อขะหนนส่วนบุคคล "ถนนบุณโยทยาน"
น้องบ่าวของบุญสนองเป๋นเปื้อนกับลุงหวัน (ถวัลย์ ดัชนี)
ปัจจุบัน น้องบ่าวยังอาศัยอยู่ในเมืองเจียงฮาย

สมัยสงครามโลกเตื้อตี้ 2 บุญสนองกับน้องบ่าวต้องโตยแม่ไปอยู่เมืองพาน
ย้อนว่าบ้านเปิ้น (โลโบ้) ถูกทหารญี่ปุ่นยึดเป๋นก๋องบัญชาก๋าร
ส่วนป้อของเปิ้นเซิ่งเป๋นปลัด ก็โดนเกณฑ์ไปฮบตี้เจียงตุ๋ง
หลังสงครามสงบ ครอบครัวหนี้เถิงได้ปิกมาอยู่โตยกั๋น ได้ปิกมาอยู่บ้านในเวียง
ส่วนแม่ของเปิ้นก็ได้ปิกไปเป๋นครูโฮงเฮียนดำรงฯเหมือนดังเก่า

ขอความเมตตาเจ้าของกระเอาประวัติของทั้งสี่ท่านตี๊อ้างถึงเอาลงเปื้อศึกษาจิ่มครับ  โดยเฉพาะหลวงพ่อปัญญาลังการ  ขอบคุณครับ

ลองอ่านผ่อครับ

[เชียงรายพันธุ์แท้]

บุญสนอง บุญโยทยาน เป๋น 1 ในบุคคลสำคัญของเมืองเจียงฮายตี้ถูกลืม
(ในหนี้ก็มี เจ้าหลวงทั้ง 4 องค์, พระครูปัญญาลังการ, หมอบริกส์, หมอด็อดด์,
หมอเสม, พ.ต.ท.โทวัลเซน, อเล็กซานเดอร์ โทรางกูร (โทวัลเซน), ฯลฯ)

บ้านของบุญสนองบ่าเดี่ยวเป๋นฮ้านอาหารเจียงฮายรำลึก เป๋นโลโบ้
ไผไปต๋ำหมู่หั้นจะปะป้ายจื่อขะหนนส่วนบุคคล "ถนนบุณโยทยาน"
น้องบ่าวของบุญสนองเป๋นเปื้อนกับลุงหวัน (ถวัลย์ ดัชนี)
ปัจจุบัน น้องบ่าวยังอาศัยอยู่ในเมืองเจียงฮาย

สมัยสงครามโลกเตื้อตี้ 2 บุญสนองกับน้องบ่าวต้องโตยแม่ไปอยู่เมืองพาน
ย้อนว่าบ้านเปิ้น (โลโบ้) ถูกทหารญี่ปุ่นยึดเป๋นก๋องบัญชาก๋าร
ส่วนป้อของเปิ้นเซิ่งเป๋นปลัด ก็โดนเกณฑ์ไปฮบตี้เจียงตุ๋ง
หลังสงครามสงบ ครอบครัวหนี้เถิงได้ปิกมาอยู่โตยกั๋น ได้ปิกมาอยู่บ้านในเวียง
ส่วนแม่ของเปิ้นก็ได้ปิกไปเป๋นครูโฮงเฮียนดำรงฯเหมือนดังเก่า

ขอความเมตตาเจ้าของกระเอาประวัติของทั้งสี่ท่านตี๊อ้างถึงเอาลงเปื้อศึกษาจิ่มครับ  โดยเฉพาะหลวงพ่อปัญญาลังการ  ขอบคุณครับ

พ.ต.ท.เบอร์เธล โทวัลเซน (Pol.Lt.Col. Berthel Thorvaldsen)
เป๋นตำรวจจาวเดนมาร์ก เปิ้นเข้ามาฮับราชก๋ารสมัยรัชก๋าลตี้ 5
ได้มาประจ๋ำตี้เจียงฮาย แลแต่งงานกับเจ้าปา (หลานสาวเจ้าเมืองไชย เจ้าหลวงเจียงฮาย)

คนเจียงฮายฮ้องตำรวจฝรั่งคนหนี้ว่า "ปาปา" หรือ "ปู่ปาเฒ่า"
ปาปาแกชอบไปแอ่วกาดครับ คนเจียงฮายฮู้จักดี อู้เมืองได้
หลังเกษียณ ปาปาเปิดบ้านแกเป๋นโฮงแฮมแห่งแรกของเมืองเจียงฮายจื่อ "โฮงแฮมโทวัลเซน"
ตี้บ่าเดี่ยวก็คือ สภ.เมืองเจียงฮาย หล่ายหน้าฮ้านขายเฟอร์นิเจอร์

ปาปามีลูกหลายคน ลูกบ่าวคนนึ่งของเปิ้นจื่อ ลุงเล็ก อเล็กซานเดอร์ โทรางกูร
คนหนี้เปิ้นเป๋นหัวหน้าเสรีไทย จั๋งหวัดเจียงฮาย เน่อครับ
เวลามีเสรีไทยลุกยูนนานมาเถิงเจียงฮาย
แกก็เอาคนหมู่หนี้ไปซ่อนตี้ต๋าบ่มของแกตี้แควหวาย
(ปัจจุบัน คือ โฮงแฮม เลอ เมอริเดียน เจียงฮาย รีสอร์ท)
ตะหารญี่ปุ่นเกยไปกวดผ่อ แต่แกก็รอดมาได้หวุดหวิด

นามสกุล "โทรางกูร" ตั้งสมัยจอมพล ป. น่อครับ หื้อออกมาเป๋นไทยๆ ต๋ามนโยบายชาตินิยมของท่านผู้นำ

[psychologist]

จำได้ว่า ช่วงปี 2521-23  ที่อาคารราชเดชดำรง โรงเรียนดำรงราษฎร์สงเคราะห์  เคยมีห้อง (ถ้าจำไม่ผิดจะอยุ่ในห้องแนะแนวนะ) ชื่อห้องบุญสนอง บุณโยทยาน จำชื่อชื่อนี้มานานแต่ไม่เคยทราบรายละเอียดมากอย่างนี้
ขอบคุณ จขทก.ที่นำมาตั้งกระทู้ค่ะ  โรงเรียนน่าจะมีข้อมูลให้นักเรียน ได้สืบค้นนะคะ

ช่วงปี 21 - 23  อาคารราชเดชดำรงน่าจะยังไม่ได้สร้างนะครับ
และห้องแนะแนวในช่วงปี พศ. ดังกล่าวอยู่ที่อาคารศรีรัตนาณาเขตครับ
และชื่อห้องบุญสนอง  บุณโยทยาน  ก็ไม่แน่ใจว่าจะมีครับ

[T Nakamura]

ถ้าไผอยู่ใกล้ ก็ไปกั๋นได้ครับ

งานรำลึกถึง 37 ปีที่จากไป
ดร.บุญสนอง บุณโยทยาน

"เหลียวหลัง แลหน้า ทางออก ระบบพรรคการเมือง"

วันที่ 2 มีนาคม 2556 เวลา 13.00 - 17.00 น.
ณ โรงแรมรามาการ์เดน  ถนนวิภาวดีรังสิต

[T Nakamura]

เว็บข้อมูลของ ดร.บุญสนอง ครับ

http://www.doctorboonsanong.org/

[Maxza555]

ขอบคุณข้อมูลครับ

[ⒷⒼ*]

ขอบคุณ ข้อมูล ความรู้ที่หาไม่ได้ในตำรา