เซาะหาอนุสาวรีย์หรือฮูปปั้น "พญาไชยสงคราม" ในเจียงฮายครับ

[เชียงรายพันธุ์แท้]

ในเจียงฮายมีอนุสาวรีย์หรือฮูปปั้น "พญาไชยสงคราม" ตี้ไหนพ่องครับ
วาระ 750 ปี๋ เมืองเจียงฮาย ก็เลยอยากไปสักการะสักกำน่อ

พญาไชยสงครามเกิดตี้เมืองเจียงฮาย เป๋นโอรสของพญามังราย
ต๋อนเป๋นบ่าว พญาไชยสงคราม เปิ้นจื่อ ขุนคราม น่อ
เปิ้นเป๋นคนจนจ๊างชนะพญาเบิก (เจ้าเมืองลำปาง) ตี้ ขัวมุง หละปูน
พญาเบิกหนีไปลำปาง แต่โดนยับได้ตี้ดอยขุนตาน ขุนครามประหารพญาเบิกตี้ดอยขุนตาน
พญาเบิกเลยกล๋ายเป๋นเจ้าป้อขุนตาน อย่างตี้เฮาหันในศาลข้างขะหนนเจียงใหม่-ลำปาง บ่าเดี่ยว
จากหั้น ขุนครามก็นำทัพเข้ายึดเมืองลำปางได้สำเร็จน่อ
พญามังรายปลื้มลูกบ่าวคนหนี้ขนาด เถิงกับยกเมืองเจียงดาวหื้อปกครองแหมเมือง

พญาไชยสงคราม (ครองราชย์ พ.ศ.1854-1868) ต่อจากพญามังราย
เปิ้นมาประทับตี้เมืองเจียงฮายตลอดรัชก๋าล ส่วนเจียงใหม่มีฐานะเป๋นเมืองของอุปราชน่อ
ดังนั้น เมืองเจียงฮายในสมัยพญาไชยสงครามก็ถือเป๋น ศูนย์กล๋างก๋ารปกครองของอาณาจักร
เปิ้นแป๋งกู่พญามังรายหื้อป้อเปิ้นบนดอยงำเมือง เจียงฮาย
ทำสัญญาสงบศึกกับมองโกล (ราชวงศ์หยวน)
เป๋นพันธมิตรกับพญาคำแดง กษัตริย์เมืองพะเยา (โอรสของพญางำเมือง)

[เชียงรายพันธุ์แท้]

ในเจียงฮายบ่มีตี้ไหนเลยกาครับ
สีท่าป้อพญาไชยสงครามเปิ้นท่าจะบ่ปอดัง เลยบ่มีไผแป๋งฮูปเคารพหื้อเปิ้น
ขนาดเปิ้นเป๋นคนเจียงฮายโดยก๋ำเนิดแต้ๆ

[คำอ้ายบ้านดู่]

หาป้ายโฆษณานักการเมืองท่าจะง่ายกว่า   

[เชียงรายพันธุ์แท้]

จักรพรรดิหยวนเหรินจง หรือ อายูร์บาร์วาดา ข่าน (ครองราชย์ พ.ศ.1854-1863)
เป๋นจักรพรรดิองค์ที่ 4 แห่งราชวงศ์หยวน สมัยนี้มองโกลกับล้านนาเป๋นไมตรีกั๋น

พญาไชยสงคราม (ครองราชย์ พ.ศ.1854-1868) ยอมทำสัญญาสงบศึกกับข่านแห่งมองโกลคนหนี้แล