ขอถามคนบ่เก่าเรื่อง "งานป้อขุน"

[เชียงรายพันธุ์แท้]

"งานป้อขุน" ตี้ท่านเกยไปแอ่วตะก่อนเป๋นหยั่งใดครับ จัดตี้ไหน มีหยังพ่อง
ขอ พ.ศ. โตยน่อ (ประมาณเอาก็ได้)
หื้อละอ่อนรุ่นใหม่ฮู้ประวัติศาสตร์งานป้อขุน
ว่าตะก่อนกับบ่าเดี่ยวเหมือนหรือต่างกั๋นหยั่งใดน่อ

[nes_]

ละอ่อนรุ่นใหม่อยากฮู้ครับ

[nansom]

สนามกีฬากล๋างประมาณสิบกว่าปีที่แล้ว มีของกินขายแบบกองเตียวนะ มีรถไต่ถัง ชิงช้าสวรรค์ เมียงู คนแปลก รำวงเข้าถ้ำ รำวงสตริง (รุกขชาติ แม่คาวโตน ฯลฯ) สอยดาว สาวน้อยตกน้ำ แฮ๋มหลายอย่าง ผมเอารถเครื่องไปแอ่ว เอาฝาก เขาก็จูงไปจอด แล้วก็ซื้อบัตรเข้าประตูงาน เดิ๊กแล้วพอออกมาก็หลงประตู ตางใดกันแน่ เพราะประตูสนามกีฬากลางมันเหมือนกันหมด ต๋าก็ลายหลายอย่าง เลยมานั่งอู้กับอ้ายคนหนึ่งนั่งหิงไฟอยู่จ๊าดเมิน รำวงปอเลิก (รายการสุดท้าย) อ้ายเปิ้นก็จ่มหื้อฟังว่า ใคร่หลับแต๊ แต่เหลือรถอยู่คันเดียว บ่มาเอา ถามไปถามมา กล๋ายเป็นรถเฮานะ หื้อรอจ๊าดเมินเนาะ หลาบขนาด แอ่วงานพ่อขุนนี่หนา

[suth]

ซาวหกปี๋ผ่านมาเกยแอ่วงานป้อขุน สนามกีฬาก๋างคับ รำวงคณะหงส์ทอง สห.เต๋มเวทีสาวรำวงคนเดว บ่าวเป๋นสามเป๋นสี่แวดหน้าแวดหลังคนใดบ่ามีบัตร สห.ไล่ลง ถ้าคนใดรำวงดีสาวบ่ไค่ฉีกบัตรง่าย ๆ บางคนสาวรำวงเอาบัตรฮื้อแหม แต่ตี๋กั๋นเวทีรำวงม่วนขนาดเน้อ ลูกกุยดิบหนา บ่ามีของแข็ง อย่างเหน็ด ๆก่ มะกอกตองคับ
ห้างฯ หล่อตระกูลโตโยต้าก่เอารถไปอวด ห้างฯไทยแลนด์ทีวีก่เอาโทรทัศน์ไปออกร้านอวด โทะงานใหญ่งานหลวงของเจียงฮายแต้ ๆ คับ

[เชียงรายพันธุ์แท้]

เกยไปแอ่วงานตี้สนามกีฬากล๋างเหมือนกั๋นครับ ไปผ่อรถไต่ถัง ผ่อเมียงู
คนนักขนาดน่อ

[@ไอ้อ้วน@]

จำพ.ศ.ไม่ได้ แต่ที่แน่ๆงานนวัตกรรมของหน่วยงานราชการเยอะมากๆไปดูตื่นหูตื่นตาไปหมด เด๋วนี้เป็นงานขายของซะเยอะ ไม่เห็นมีอะไรใหม่ๆมาให้ดู

[©ด้วยรักและปลาทู©]

เมื่อก่อนมีบูทกาชาด เขาเอาสมอง เอาตับ เอาปอด ของคนที่เป็นมะเร็งต่างๆ มาให้ดู เป็นความรู้มากมาย

มาถึงตอนนี้ งานวัดชัดๆ เอางานพ่อขุนเดิมๆ เอาสเน่ห์คืนมาเถอะ