มีตี่ไหนฮับสอนเขียนตั๋วหนังสือเมืองฮื้อละอ่อนผ้องครับ ( เริ่มเฮียนแล้วครับ )

[tfgc2007]

ยู้ๆๆๆๆๆๆๆๆๆๆๆๆเผื่อไผไคร่ไปแถ้ง

คนยู้เมื่อไดจะมาฮ่วมกั๋นเน้อ

[natta2533]

อออ      ปอดีผมก้อหาเวลาอยุ่นะคับบ่อไคร่วางเต้าฮือย้อนว่ามันกะลังสอบเเล้วใหม่ๆๆ  ถ้าบ่ติดเอฟติดธุระอะสังไปแอ่วหาเเน่นอนคับท่าน อิอิ

[natta2533]

ปี้อ้ายคับ  ผมไคร่ฮู้ว่าไผเป๋นครูเก๊าสอนนิคับอุ้กั๋นมาจาดเมินยังบะฮู้เลยอิอิ
      เอ..................ผมว่าเฮาลองอัดการสอนเป๋นวิดีโอมาเผยเเพร่ถ้าจักดีก้าคับ
          เผื่อจะได้กระตุ้นสำนึกฮักบ้านเกิดของไผหลายๆคนพ่อง

[tfgc2007]

บ่าต้องอัดมาเฮียนสดๆเลย ครูเก้าเปิ้นจะได้กำมือหัดเขียน

ตอนนี้หยุด 2 อาทิตย์เน้อ เอาละอ่อนหลบควันไฟ ไปใต้ครับ ปะกั๋นต้นเดือน เมษา 555

[natta2533]

สาทุ๊ๆๆๆคับอ้าย
              เเห่ๆๆๆๆๆๆๆๆๆๆๆๆๆๆๆ  ปอดีผมกะปอจ้างปอหมอเเล้วละคับกำตัวธรรมลีกขืนของจาวเฮา  หมู่นี้ตี้กึดจะไคร่อัดไว้กะย้อนว่าเผื่อหมุ่ตี้เปิ้นไคร่เฮียนเเต่บ่มีเวลาอี้เเด่คับ
      ผมนี้ชอบอ้ายเเต้ๆนาคับตี้เป๋นเก๊าเป๋นเหง้าจนปากันเปิดโฮงเฮียนสืบสานล้านนาของเจียงฮายเฮาเเบบย่อมๆได้  55555+
              ยินดีจาดนักเน้อคับ  ได้อยุ่ผมจะเข้าไปแอ่วหา  บ่ฮู้ว่าอยู่ตึกไดอย่างไดคับตี้เฮียนนั้น  ตั๊ดไดของวัดเจียงยืนคับอาคารไดหา.................

[หนอนน้อย]

บ่ตันเหียละก้ามาจ้า

[tfgc2007]

บ่ตันเหียละก้ามาจ้า

ตันก่าครับขอหื้อมาเต๊อะ

[natta2533]

ขอหื้อเอียนกั๋นเเต้ๆเน้อคับ  ปันจบปันจ้าง  หน่วยยู้กระทู้  ยู้ๆๆๆๆๆๆๆๆๆๆๆๆๆๆๆ

[tfgc2007]

ขอหื้อเอียนกั๋นเเต้ๆเน้อคับ  ปันจบปันจ้าง  หน่วยยู้กระทู้  ยู้ๆๆๆๆๆๆๆๆๆๆๆๆๆๆๆ

ได้หลายกำแล้วเน้อ

[natta2533]

โอ้เป๋นโวยเเต้ลุคับนิ  55+

[tfgc2007]

เดี๋ยวสะแกนหื้อผ่อ..เน้อ ( ฝีมือลูกสาว บ่าใจ้ของป้อมัน )

[natta2533]

ขอผ่อตึงของป้อของลูกเลยบ่ได้กาครับอ้าย   อิอิ
           ยู้ๆๆๆๆๆๆๆๆๆๆๆๆกระทู้นี้สุดชีวิต

[tfgc2007]

ตั้งใจ๋จะเขียนว่า " เวียงเจียงฮาย " เขียนถูกก่ครับ

[natta2533]

สุมมาคับอ้ายยังบ่ปอถูกถิ้มดีดักเน้อคับยังมีผิดไปน้อคับ   เเต่ลายตัวธรรมจ๊าดเลิงอาละลุคับนี้  อิอิ

[tfgc2007]

ลองเขียนตี้ถูกหื้อกำลอครับ

[T Nakamura]

เวียงเจียงฮาย (เวียงเชียงราย) หยั่งอี้ แม่นก่อครับ

[natta2533]

ใจ้ว่าผมอวดหล๊วกอวดแหลมเน้อคับอ้าย ปอมอกบอกกันอู้กันเน้อคับ
    ตามตี้อ้ายจักเขียนว่าเวียงเจียงฮายนั้นตัง3กำมีผิดคือว่า
กำว่าเวียง    ตามอักขระวิธีของล้านนาเเล้ว ไม้เกี๋ย  หรือปริวรรตกำไทยใต้ว่าสระเอีย เมื่อเขียนๆบ่มีตัวสะกดจะคงฮูปมีไม้เก๋(สระเอ) เเละหางยะ เมื่อไดตี้มีตัวสะกดจะลดฮูปไปตัดเอาไม้เก๋นั้นออก ดังนั้นกำว่าเวียงกวรมีเเต่  ตัววะ หางยะ เเละตัวงะ เต้าอั้น
     กำว่าเจียงก่อเปนลักษณะเดียวกั๋น  เเต่ในตี้นี้อ้ายใจ้ตัว จะ เป็นข้อผิดไปน้อย  กวรจักใจ้ตัวจ๊ะ หรือปริวรรตไทยใต้ ช   ในการเขียน เพื่อเสียงจักออกเป๋นเจียง  ตี้เขียนมานั้นอ่านว่าเจี๋ยงคับ  บ่ถูกเต้าได
    สุดต้ายกำว่าฮาย  หลักๆแล้ว  กวรใจ้ตัว ระ  เนื่องด้วยว่าทั่วไปนั้นล้านนาจะออกเสียง ระ  เป๋น  ฮ เช่น  เฮือน   ฮ้อน  เป๋นต้น ด้วยเป๋นกำดั้งเดิม  จะออกเสียง ระ เป๋น ล ในกรณีกำนั้นมาจากภาษาอื่นๆ เช่นบาลี  เช่น อรหัน   อ่านว่า อะ ละ หัน    บ่มีการลั่นลิ้นเเบบไทยใต้  เเละบ่อ่าน  เป๋นเสียง  ฮ  ตวยคับ แต่ก่อมีบางครูตี้เป๋นเขียนเทียบเสียงโดยใจ้ตัว  ฮะ เเบบตี้อ้ายเขียนเลย จึงปอเข้าใจ๋กันได้ว่าบ่ผิดเเต่อย่างได  เเต่โดยมากเปิ่นไจ้ตัว ระ คับ   ตี้ฮ่ำอู้มาใจ้ว่าอวดหล๊วกจ๋าล้ำกำเหลือไผเน้อคับมอกปอว่าเป๋นกำยาคับไปว่ากันนาคับ   สุมาตวยคับ ผมนี้บ่หมอตางคอมจักโพสฮูปก่บ่ปอจ้างมอกได้ก้าเขียนอธิบาย สุมาตวยคับอ้าย

[natta2533]

โอ้วๆๆๆๆๆๆๆเเม่นคับต๋ามบนนั้นเลย กะลังพิมพ์ตอบเป๋นว่าเปิ้นโวยเหลือลุจาคับนิ

[T Nakamura]

เอามาใส่กำบรรยายหื้อครับ

ใจ้ว่าผมอวดหล๊วกอวดแหลมเน้อคับอ้าย ปอมอกบอกกันอู้กันเน้อคับ

    ตามตี้อ้ายจักเขียนว่าเวียงเจียงฮายนั้นตัง3กำมีผิดคือว่า
กำว่าเวียง    ตามอักขระวิธีของล้านนาเเล้ว ไม้เกี๋ย  หรือปริวรรตกำไทยใต้ว่าสระเอีย เมื่อเขียนๆบ่มีตัวสะกดจะคงฮูปมีไม้เก๋(สระเอ) เเละหางยะ เมื่อไดตี้มีตัวสะกดจะลดฮูปไปตัดเอาไม้เก๋นั้นออก ดังนั้นกำว่าเวียงกวรมีเเต่  ตัววะ หางยะ เเละตัวงะ เต้าอั้น

     กำว่าเจียงก่อเปนลักษณะเดียวกั๋น  เเต่ในตี้นี้อ้ายใจ้ตัว จะ เป็นข้อผิดไปน้อย  กวรจักใจ้ตัวจ๊ะ หรือปริวรรตไทยใต้ ช   ในการเขียน เพื่อเสียงจักออกเป๋นเจียง  ตี้เขียนมานั้นอ่านว่าเจี๋ยงคับ  บ่ถูกเต้าได

    สุดต้ายกำว่าฮาย  หลักๆแล้ว  กวรใจ้ตัว ระ  เนื่องด้วยว่าทั่วไปนั้นล้านนาจะออกเสียง ระ  เป๋น  ฮ เช่น  เฮือน   ฮ้อน  เป๋นต้น ด้วยเป๋นกำดั้งเดิม  จะออกเสียง ระ เป๋น ล ในกรณีกำนั้นมาจากภาษาอื่นๆ เช่นบาลี  เช่น อรหัน   อ่านว่า อะ ละ หัน    บ่มีการลั่นลิ้นเเบบไทยใต้  เเละบ่อ่าน  เป๋นเสียง  ฮ  ตวยคับ แต่ก่อมีบางครูตี้เป๋นเขียนเทียบเสียงโดยใจ้ตัว  ฮะ เเบบตี้อ้ายเขียนเลย จึงปอเข้าใจ๋กันได้ว่าบ่ผิดเเต่อย่างได  เเต่โดยมากเปิ่นไจ้ตัว ระ คับ   

ตี้ฮ่ำอู้มาใจ้ว่าอวดหล๊วกจ๋าล้ำกำเหลือไผเน้อคับมอกปอว่าเป๋นกำยาคับไปว่ากันนาคับ   สุมาตวยคับ ผมนี้บ่หมอตางคอมจักโพสฮูปก่บ่ปอจ้างมอกได้ก้าเขียนอธิบาย สุมาตวยคับอ้าย

อันตี้ถูกต๋ามตี้อ้ายเปิ้นว่าครับ

[natta2533]

สะหรี๋ยินดีคับตี้มาจ้วยกั๋นเตื่อมเเถ้ง ต่อต๋ามวัฒนธรรมบ้านเมืองเฮาหื้อบ่หายสูญไป ขอบคุณขนาดคับตี้เอาฮูปตี้เขียนถูกมาลงบ่ปอยังมายะเป๋นกำบรรยายเเถม  ขอบคุณเเต้ๆคับ