กั๋วภาษาอู้กำเมืองเฮาหายเหลือเกิ๋น

[Caps]

   วันนี้เตียวทำงานไปๆมาๆต๋ำหน้ากาดบ้านดู่  ได้ยินแม่ลูกพ้อง ,ป้อลูกพ้อง  ปากั๋นอู้ภาษาไทย(ภาษาก๋าง)  ก๊ดไปกึ๊ดมาลูกไปโฮงเฮียนก่อตึงได้อู้ไทยกับครูบาอาจ๋านอยู่แล้ว  ปิ๊กมาบ้านป้อแม่น่าจะอู้กำเมืองกับลูกนา   บ่าใจ้ปากั๋นอู้ไทยไปเหียหมด  กำเมืองบางกำละอ่อนบ่าเดียวบ่าฮู้จักแล้วนา    ผมกั๋วเหลือเกิ๋นว่าแห๋มบ่าเมินเนี๊ยะภาษาอู้เมืองเฮาท่าจะหมดไปแห๋มเหมือนกับตี้ตั๋วหนังสือเมืองเฮาได้หายไปแล้ว  จ้วยกั๋นอนุรักษ์กำเมืองตวยครับ  เป๋นห่วงแต๊ๆ

[TG475]

ผมก็กึดเหมือนกั๋นครับ..ต่อไปเจียงฮายเฮาจะเหมือนเจียงใหม่..ผ่อเตอะในตั๋วเมืองเจียงใหม่มีก่าคนอู้กำไทยไปเหียหมดเหียเสี้ยง...กล๋างคืนเตียวคนเดียวไปใหนเป๋นตี่น่ากลั๋ว  มีคนอะหยังก็บ่อฮู้สะป่ะสะเป๊ด หาคนอู้เมืองปอบ่อได้... วัฒนธรรมคนเมืองเฮาดั้งเดิมเป๋นคนอะลุ่มอะหล่วย  จิตใจ๋ดี ปากม่วนจ๋าหวาน  ชอบช่วยเหลือซึ่งกันและกั๋น อยู่กั๋นอย่างปี่อย่างน้อง บ่ชอบมีเรื่องมีราวกับไผ..จะใดก็อย่าหื้อสิ่งที่ดีดีเหล่านี้ถูกวัฒนธรรมต่างถิ่นมาทำลายหายไปน้อครับ..จ่วยกั๋นฮักษาไว้หื้อลูกหลานของเฮาต่อไป...เน๊าะครับเน๊าะ..

[yuyayee]

ก่อบ่แน่เจ๊า  เดี๋วยนี้ละอ่อนอู้ไทยกั๋นทั้งนั้น  บ่ค่อยหันอู้กำเมืองเลย

[เชียงรายพันธุ์แท้]

ก่อบ่แน่เจ๊า  เดี๋วยนี้ละอ่อนอู้ไทยกั๋นทั้งนั้น  บ่ค่อยหันอู้กำเมืองเลย

ในเวียงซ้ำนักครับ
ถ้าเป๋นสัก 30-40 ปี๋ ก่อน ไผอู้ไทยตี้เจียงใหม่ จะโดนด่า "บ่านี้ไปกิ๋นเยี่ยวไทยมา"
แต่มา พ.ศ. นี้ ละอ่อนอู้เมืองกั๋นน้อยลง โดยเฉพาะในเมือง ตี้เจียงใหม่ซ้ำนัก
สาเหตุน่าจะมาจากก๋านเลี้ยงดูและสภาพสังคมมากกว่า

[Mr.R]

คำท้องถิ่น ถูกภาษาไทย ทับกลืน
คำไทย ถูกภาษาอังกฤษ ทับกลืน
คำอังกฤษ ถูกภาษามนุษย์ต่างดาว ทับกลืน (555+)

ตะก่อนฮู้สึกเสียดาย
แต่บ่ะเด่วนี้ฮู้สึกเฉย ๆ นะครับ
ทำใจยอมฮับความเปลี่ยนแปลง

ภาษาขอมโบราณ ภาษาอียิป ภาษเมโสโปเตเมีย ฯลฯ
มันยังบ่คงอยู่ใช้ในปัจจุบันนี้ได้เลย ...

มันตึงจะเป็นไปจะอั้นเนาะ...

[ศิษย์ครูดุ๋ย (ภูซาง)]

สนับสนุนเป็นอย่างยิ่ง  เด้อคับ

[taekeuk_poomse]

ยามคนไทย มาอยู๋ล้านนา อยากส่งภาษา อู้จ๋ากำเมือง
คนเมืองกั๋วเปิ้นบ่าเข้าใจ๋ เลยปากออกไปเป๋นกำไทยบ่เขิน
อู้กั๋นจ๊าดเมิน ก่เป๋นเมืองๆ ไทยๆ
   *ยามอู้กำเมือง ส๊ด ปะแล๊ดไทยออก
     ยามอู้กำไทย ส๊ด ปะแล๊ดเมืองออก
     ในเวียงบ้านนอก ก่เป๋นเหมือนกั๋น สูญอ๊ะสูญอาน ลิ้นมันหวันเหี๋ยละ
** เป๋นเมืองเคิบ เป๋นไทยเคิบ จะเลิ่มจะเกิ้ม ก่ยังฟังน่าฮักดี
     เป๋นเมืองเคิบ เป๋นไทยเคิบ เฮาบ่าว่ากั๋น เป๋นความสัมพันธ์ยุคใหม่
     แต่บ่าเข้าใจ๋ คนเมืองปากไทยใส่หมู่เดวกั๋น

แดนล้านนา วันนี้รุ่งเรือง บ่าปากกำเมือง ใส่ลูกใส่หลาน
คนเมืองกั๋วบ่าทันสมัย โตยก้นเปิ้นไป เป๋นคนไทยบ่าค้าน อยู่กั๋นตึงวัน บ่าฮู้บ่าหันเก๊าเดิม

    *ยามอู้กำเมือง ส๊ด ปะแล๊ดไทยออก
     ยามอู้กำไทย ส๊ด ปะแล๊ดเมืองออก
     ในเวียงบ้านนอก ก่เป๋นเหมือนกั๋น สูญอ๊ะสูญอาน ลิ้นมันหวันเหี๋ยละ
** เป๋นเมืองเคิบ เป๋นไทยเคิบ จะเลิ่มจะเกิ้ม ก่ยังฟังน่าฮักดี
     เป๋นเมืองเคิบ เป๋นไทยเคิบ เฮาบ่าว่ากั๋น เป๋นความสัมพันธ์ยุคใหม่
     แต่บ่าเข้าใจ๋ คนเมืองปากไทยใส่หมู่เดวกั๋น!!!!!!

[yuyayee]

ป้อ แม่ รุ่นใหม่ ควรสอนให้ลูกอู้กำเมืองเจ้า

[bm farm]

  ...ลูกบ่าวตั๋วน้อยของผม...อู้ตึงกำเมือง..กำไทย..กำลื้อ..ลั๋นบ่าตาผดจดอู้ยองก็มี...เฮ้อ