เซาะโฮงเฮียนสอนภาษาล้านนาหื้อละอ่อนกรุงเทพฯครับ

[เชียงรายพันธุ์แท้]

มิตรสหายจาวกรุงเทพฯ จะย้ายบ้านมาอยู่เจียงฮาย
เปิ้นใคร่หื้อลูกอู้เมือง+เขียนภาษาล้านนาได้
เลยถามว่าโฮงเฮียน (ประถม) ไหนมีหลักสูตรพ่อง
ท่านใดปอฮู้พ่องครับ

ถ้าเป๋นโฮงเฮียนแผวเวียงเจียงฮายจะดีขนาด (เปิ้นว่าอั้น)

[Ratjapran614]

เซาะหาคงยากมาก เมืองเหนือแต๊แต่มัวเมาอาเซี่ยน ลืมตั๋วเมือง กำอู้ หากคนที่จะเฮียนมีความสนใจ๋แต๊ หื้อติดต่อมาหาผมๆยินดีสอน โดยบ่าเก็บสักบาท ตึงเขียนอ่านอู้ และจารีตตวย แต่ผู้เรียนต้องมาอู้ช่วงการเฮียนกันก่อนและขอหื้อตั้งใจ๋แต๊ // ขอสนับสนุนครับ//ถ้าหวังจะไปเฮียนโรงเรียนคงบ่มีหลักสูตรละถึงมีก็คงเป็นแค่ผ่านๆครับ//ติดต่อผมล่ะกันครับยินดีสอน//หากท่านยินดีเรียน

[singhato]

ถ้าจะยากครับ ผมก็พูดไทยตั้งแต่เด็ก จนมาเจ็ดขวบ
ย้ายตามพ่อมารับราชการ จนมะเดี่ยว ฝึกเอา มะเดี่ยวนี้
ห้ามด่ากำเมืองเน้อ เดี๋ยวจะโดนตี๋ปาก 55555

[bug_creative]

จำได้ว่าวัดพระแก้วเปิดสอนนะครับ ส่วนตัวแล้วหัดอ่านหัดเขียนเอง ก็พออ่านออกเขียนได้ 

[Ratjapran614]

จำได้ว่าวัดพระแก้วเปิดสอนนะครับ ส่วนตัวแล้วหัดอ่านหัดเขียนเอง ก็พออ่านออกเขียนได้ 

สอนครับ//แต่แค่เสริมครับ

[Panuchit1995]

ตอนผมเฮียนเมื่อก่อน ครูสอนเป็นคนไทยลื้อ (เจียงคำ) มีคนไทยภาคกลาง (พวกอะไรทำไมนั่นละ) มาเฮียนตวย ลิ้นมันบ่าหื้อ อู้ก่อบ่าได้ ผิดเพี้ยนไปหมด ลำบากพ่องเน้อ อย่างกำว่า "ก๊ะ ข๊ะ ก่ะ ค่ะ ง๊ะ" มันว่า "กะ ขะ กะ คะ งะ"   ลองถามผ่อลอ เข้าใจกำว่า "ลูกกุยจ๊ดต๋งกางก่อ"  ?? (อู้เล่นบ่าดายเน้อ)

[apirat555]

คนเจียงฮายแม่เดียว. สอนลูกฮู้ไทย. หมดแล้วคับ

[meela]

อยากเขียนภาษาล้านนาได้เลยเหรอ

[ดรีม ขี้เหล้าน้อย]

ลุงของดรีมเป็นพ่ออาจาร์ย สู่ขวัญ อ่าน เขียน ตัวล้านนาได้หมดจ้าว เมื่อก่อนที่วัดม่อนหินแก้ว ต.ไม้ยา อ.พญาเม็งราย จะสอนทุกวันอาทิตย์จ้าว แต่ตอนนี้บ่ได้สอน สนใจแวะมาแอ่วได้จ้าวว เดี๋ยวหื้อลุงสอนหื้อจ้าววว

[LingJakJak]

ที่เจียงใหม่ โรงเรียนขาลสุวรรณ มีสอนวิชาภาษาล้านนาประกอบควบคู่กับหลักสูตรปกติตวยครับ หื้อละอ่อนตั้งแต่ประถมเป็นต้นไป
ถ้ายังบ่าพอ ไปเสริมได้ที่มูลนิธิโฮงเฮียนสืบสานล้านนา สอนเสาร์-อาทิตย์