ไปแอ่วถนนคนเดินมาตะวา ก็เลยเอาฮูปมาฝากเจ้า หิวขนาดหนักก็เลยถ่ายกะฮูปของกิ๋น บ่เดี๋ยวนี้ของกิ๋นบ้านเฮามีหน้าตาแปลกใหม่กันหลายเน้อเจ้า ผ่อกันเอาเต๊อะเจ้า
เริ่มด้วยข้าวจี่ (โรตีเจียงฮาย) บ่ก่อนนี้จี่กินบ่ดาย บ่เดี๋ยวยุคสมัยเปลี่ยนไป เปิ้นก็เอาเนยฝรั่งมาทา เอานมมาใส่ ตามด้วยน้ำอ้อย ก่อลำอยู่ แต่หวานไปน้อย แผ่นละ 10 บาท เจ้านี้เปิ้นขายหน้าธนาคารกรุงเทพ
ตามโตยขนมเค้กฝรั่งหน้าสตอบอรี่ หน้าผลไม้รวม ชิ้นละ 29 บาท เป็นกล่องน้อยๆนั่น 15 บาท ซื้อกิ๋นไป 1 กล่อง ลำขนาด เนื้อแป้งเค้กนิ่มนุ่มอร่อยบ่หวานนัก แล้วก็ได้รสชาติเปรี้ยวของสตอบอรี่ ลงตัวดี
เดินผ่าน แฮ่มซอย เปิ้นขายข้าวแรมฟืนบ่ได้ซื้อ กิ๋นบ่จ้าง หันซ้ายหันขวา ไปปะขนมจีนน้ำเงี้ยว เปิ้นกำลังตั้งโต๊ะเตรียมตัวขาย พักพวกก็เลยซื้อกิ๋นคนละถ้วย เปิ้นว่าลำอยู่ แต่บ่น่าจะใส่ถ้วยโฟมเนอะ ของฮ้อนๆอันตราย ไปหน่อย สนนราคาตี้ถ้วยละ 25 บาท
ตบท้าย ปะของแปลกตี้หน้านาคารออมสิน ขายกันตัวละ5 บาท บ่ใจ้ของกินบ้านเฮา แต่ราคาถูกเหลือข้าวจี่ก่อน บินตรงมาจากเกาหลี กำลังอินเทรนด์
กำลังหัดถ่ายฮูป ก่อขอสุมาเต๊อะเจ้าหากมันบ่สวยถูกใจ