คนเจียงฮายที่ท่านว่ามาเซาะหายากครับ ถ้ามีก็คงผสมกับหมู่ที่อพยพมาทีหลังไปเสี้ยงแล้ว
ถ้าจะเอาคนเจียงแสนแต้ๆนี่ก็ปอมีอยู่ แต่บ่ได้อยู่ จ.เจียงฮาย หนา
เปิ้นอยู่ คูบัว (ราชบุรี) กับ เสาไห้ (สระบุรี) ครับ ผมเกยฮู้จักอยู่คนหนึ่ง
มันอู้ไทยครับเป๋นคนสระบุรี มันบอกว่าอุ้ยมันก็อู้เมือง (ไทยวน) แต่ปอถึงรุ่นมันก็บ่มีไผอู้ละ
เหลือส่วนน้อยที่ยังอู้อยู่ ตอนนี้หันคนบ่าเก่าที่เสาไห้เปิ้นฟื้นของเก่าอยู่
แต่หว่างแล้วน้ำท่วมสระบุรี หันว่าพิพิธภัณฑ์ไทยวนที่เสาไห้ของบ่เก่าโดนน้ำปั๊ดหายไปจ้าดนัก
เป๋นดีเสียดายขนาด
อ้อ นอกจากเจียงฮาย เจียงแสนจะเกยฮ้างแล้ว เมืองเทิง เมืองเจียงของก็มีสภาพบ่ต่างกั๋นน่อ
คนเมืองเจียงฮายโดนกวาดไปเมืองลำปางก็จ้าดนักหนา
จ๋นบ่าเดี๋ยวยังมีจื่อเจียงฮายที่ใจ๋ก๋างเวียงลำปางน่อ เจ่น
วัดเจียงฮาย, บ้านเจียงฮาย, โฮงเฮียนเทศบาล 4 (บ้านเจียงฮาย),
ปะตู๋เจียงฮาย (จื่อปะตู๋เมือง)
ใคร่ฮู้ว่าบ้านเจียงฮายอยู่ไหนบ่ยากครับ
ก็ที่ห้าแยกหอนาฬิกา หน้าสำนักงานเทศบาลนครลำปางหั้นแล
ตะก่อนบริเวณใกล้ๆวัดเจียงฮายกับห้าแยกมันเกยเป๋นประตู๋เมืองจื่อ ปะตู๋เจียงฮาย
บางเตื้อเปิ้นก็ฮ้องห้าแยกหั้นว่า ห้าแยกเจียงฮาย ก็มี
เพราะเป๋นหมู่บ้านของคนเจียงฮาย
คนเจียงฮายท่าจะนักอาละ ถึงขนาดมีวัดเจียงฮายเลยน่อ
คนเหล่านี้(เสาไห้)ภาษาพูดจะออกสำเนียงเหมือน แม่สอด แม่สะเรียง เถิน ดอยเต่า จอมทอง(รุ่นเก่า)
ทุ่งสะเหลี่ยม ฯ เช่น จานใส่ข้าว พูดว่า จ๋านใส่เข้า ขนมปั๋ง รถ ออกเสียงว่า หรด เป็นต้น