ซ๊ะป๊ะกำเหนือล้านนา (มีเป๋นเรื่องๆ)

[thayan]

       ความสุขชั่วคราว

สุดดีสะลีใหม่
เปิดไฟหัวเตียง
นอนเคียงแฟนสาว
กิ๋นข้าวกับน้องเมีย
นั่งเฮือกับนางเอก
ถูกเลขกับแม่หม้าย
เหล้นพ๊ายกับดารา
บีบขาฮื้อแม่เลี้ยง
อมเมี้ยงสูบมูรี
นั้งขี้อ่านหนังสือ
ในมือมีก่าสตางค์
ตึงข้างตึงหลังมีก่าสาวน้อย
กิ๋นอาหารอร่อยซ้ำมีคนป้อน
ยามนอนมีคนไล่ยุง
เป๋นลุงมีเมียหนุ่ม..............

[thayan]

     ดีเกิ่งเดียว

ลาบขม       นมแข็ง    แก๋งเก็ม         เข็มม่ม      สุ่มหลุ
น้ำคุหูเดียว  เคียวหัก   บ่าฟักเน่า       เหล้าส้ม    ข้าวต้มบ่สุก
ลูกอยู่ห่าง   ก้างขำคอ  หมอบ่อยู่      หูบ่ได้ยิน    กิ๋นบ่ได้เกี้ยว
เตียวบ่ได้พัก ฮักบ่ได้เอา  หัวเข่าบ่ดี   สะลีเหม็นเหยี่ยว  เสี่ยวบ้านไกล๋
ไถใบหิ้น     จิ้นหลายคือ  ปื๋นบ่มีลูก    ถูกแล้วบ่ได้   ไห้บ่มีน้ำต๋า
นาบกใหม่   ใหญ่บ่กล้าเอา  เมาแล้วหลับ........

     บ่ดีหลายอย่าง

บ่ดีข่มเหงผู้น้อย
บ่ดีใส่สร้อยไปต้อดแห
บ่ดัสาระแนเรื่องคนอื่น
บ่ดีสูบยาขื่นกล๋างคนหลาย
บ่ดีนอนหงายผ่อฟ้า
บ่ดีตากผ้าแฮมคืน
บ่ดีเหล้นปื๋นกล๋างหมู่

ยังมีต่อ.......................................

[thayan]

บ่ดีข่มขู่ปี่น้อง
บ่ดีแป๋งว๊องคว่างเฮี่ย
บ่ดีพร่ำเพรื่อกับนางโลม
บ่ดีเป๋นขะโยมสามวัด
บ่ดีเอาเจื้อกปั๊ดมาแป๋งสายมุ้ง
บ่ดีไปหยุ้งกับเมียไอ้เสือ
บ่ดีเผื่อเหลือคนเนรคุณ
บ่ดีอ้างบุญนำหน้า
บ่ดียนั่งถ้าโจ้คลาภ
บ่ดีกล่าวคำหยาบใส่ป่อแม่
บ่ดีปกแผ่คนทำผิด
บ่ดีคบคิดกับคนหัววอก
บ่ดีไปหลอกคนทำเพียร
บ่ดัตัดเศียรพระเจ้า
บ่ดีกิ๋นเหล้าในวิหาร
บ่ดีไปผลาญของวัด
บ่ดดีใจ๊อำนาจส่วนตั๋ว
บ่ดีเมามัวลาภยศ
บ่ดีลงรถก่อนจอด
บ่ดีไปสอดเสาะเอากำ
บ่ดีไปค่ำมาคืน
บ่ดีไปยืนกาประตู๋
บ่ดีเอาหูทวนลม
บ่ดีด่าศรมคนมีศีล
บ่ดีโกงกิ๋นของเปิ่นฝาก
บ่ดีกิ๋นจิ้นซากหมาป่า
บ่ดีฮ้องฮ่าลงมากิ๋น
บ่ดีเอาตี๋นจี้-บอก
บ่ดีหัววอกต่อเจ้านาย
บ่ดีอ้างเอาหวายมาคาดต๊อง
บ่ดีจุ๊ปี่น้องเปิ่นผิดกั๋น
บ่ดีแหงนผ่อต๋าวันต๋อนเตี่ยง
บ่ดีเสี่ยงในทางผิดกฎหมาย..........................

[thayan]

     มงคลหมา  ๒๐  อย่าง
 
๑.หมาวิ่งได้เร็ว  มนุษย์วิ่งตามไม่ทัน
๒.หมาเดินกลางคืน  ไม่ต้องจุดไฟส่อง
๓.หมาวิ่งเข้าป่า  หนามไม่ปักตีน
๔.หมามีจมูกเป็นทิพย์
๕.เวลาหมาเยี่ยวต้องยกขาขึ้นไหว้แม่ธรณี
๖.หมากินอาหารไม่เลือก
๗.หมาจะนอนต้องเดินเวียน ๓ รอบเพื่อกระทำประทักษิณ
๘.กินอาหารก้างไม่ติดคอ
๙.รู้จักเจ้าของดี ไม่ทรยศ จงรักภักดีตลอดกาล
๑๐.มีแขกแปลกหน้ามาต้องเห่า
๑๑.ออกลูกไม่ต้องมีแม่หมอตำแย
๑๒.ไม่ห่มผ้าในฤดูหนาว
๑๓.ไม่เคยหนุนหมอน
๑๔.ไม่ปูที่นอนเวลานอน
๑๕.กินข้าวแล้วไม้ต้องกินน้ำ
๑๖.ไม่คิดถึงบุญถึงบาป
๑๗.สืบพันธุ์ไม่รู้จักอาย
๑๘.นอนตากแดดได้นาน ๓ ชั่วโมง
๑๙.ไม่ถึงฤดูกาลไม่มีการสืบพันธุ์
๒๐.ไม่ตกน้ำตาย

[thayan]

 .........กู่กั๋น........

งัวกับแม่มาน               ควายหงานกกับพระน้อย
หิ่งห้อยกับต๋าวัน           น้ำมันกับไฟ
ไขกับแดด                  แขกกับหมู
น้ำปู๋กับขี้ไก่                ไม้ใหญ่กับนายทุน
ปู๋นกับเข้าหมิ้น             ฝิ่นอยู่กับดอย
ไก่น้อยกับข้าวสาร        ฟานกับบ่ากอก
วอกกับบ่าขามป้อม       คนหล้อนกับสตางค์
อึ่งอ่างกับเม่า              จิ้นเน่ากับหนอน

ยังมีต่อ...........................

[chate]

ว่ากั๋นไป

[thayan]

รอก่อนเน้อ  มาธุระตี้ต่างจังหวัด  บ่ได้เอาปักกะตืนมาตวย

[ผักบุ้งไฟแดง]

ป้าดโท้ะ.... หยังมาเก่งแต๊ เก่งว่า  ไปเอาไหนมาล้ำเหลือ ข้าเจ้านับถือ 

[thayan]

    กู่กั๋น......ต่อ........
งูเห่ากับปังปอน
จะเข็บกับแมงใบ้
ฮิ้นกับใบหู
ปู๋กับกบ
บ่าทบกับไฟ
เรือใบกับลม
มดส้มกับง่อน
จ่อนกับฟุ่ม
หนุ่มกับสาว
ผ้าขาวกับหมิ่น
กระดิ่งกับระฆัง
ฮูดังกับของเหม็น
อี่เล็นกับตี่โล่ง
เสือโคร่งกับหมา
ปล๋ากับเหยื่อเบ็ด
เป็ดกับงูเหลือม
เสียมกับขี้เดือน
สังเวียนกับไก่เจื๊อ
ขี้เพลี้ยกับจิ้นลาบ
หาบกับไม้กาน
หนานกับแม่ฮ้าง
ว่างๆ  อู้เล่นต่อ............

[thayan]

  เก้า-สิบอะหยังแต๊ว่า

เก้าจ๋นสิบจ๋น         อย่าได้จ๋นความคิด
เก้าผิดสิบผิด        อย่าได้ผิดเมียท่าน
เก้ารั้นสิบรั้น         อย่าได้รั้นเจ้านาย
เก้าขายสิยขาย     อย่าได้ขายแก่นต๋ากิ๋น
เก้าหมิ่นสิบหมิ่น   อย่าได้หมิ่นประมาท
เก้าขาดสิบขาด    อย่าได้ขาดก๋านทำบุญ
เก้าคุณสิบคุณ     บ่เต๊าคุณป่อแม่
เก่าแผ่สิบแผ่       บ่เต๊าแผ่เมตต๋า
เก้าหาสิบหา       บ่เต๊าหาความฮู้
เก้าจู๊สิบจู๊           ก็ยังบ่สู้เมียตั๋วเอง
เก้าเกรงสิบเกรง   บ่เต๊าเกรงใจ๋ท่าน
เก้าฝันสิบฝัน       บ่เต๊าฝันเป๋นจริง

ยังมีต่อ......................ง

[thayan]

เก้ายิงสิบยิง       บ่เต๊ายิงถูกเป้า
เก้าเถ้าสิบเถ้า    บ่เต๊าเถ้าคุณธรรม
เก้าจ๋ำสิบจ๋ำ       บ่เต๊าจ๋ำใส่ใจ๋
เก้าใสสิบใส       บ่เต๊าใสสะอาด
เก้าหาบสิบหาบ  บ่เต๊าหาบความดี
เก้ามีสิบมี          บ่เต๊ามีคุณธรรม
เก้าดำสิบดำ       บ่เต๊าดำหมิ่นหม้อ
เก้าผ่อสิบผ่อ      บ่เต๊าผ่อแม่หญิงงามแหล่.......................

[thayan]

       อำเภอในเจียงฮาย

อำเภอเทิงจื่ออยู่สูง
ดอยตุงอยู่อำเภอแม่ฟ้า
นักรบกล้าอำเภอพญาเม็งราย
อำเภอแม่สายติดชายแดน
อำเภอเชียงแสนติดน้ำโขง
อำเภอมีสายน้ำโก๊ง อำเภอเชียงของ
อำเภอคนชอบมอง อำเภอแม่สวย (สรวย)
อำเภอมีน้ำบวยอำเภอเมือง
อำเภอบ่มีเหมือง อำเภอเวียงป่าเป้า
อำเภอบ่มีนาข้าว จื่ออำเภอดอยหลวง
อำเภอบ่ก๋วง อำเภอเวียงแก่น
อำเภอบ่หนักบ่แหน้น อำเภอพาน
อำเภอบ่ใจ่ลูกบ่ใจ่หลาน อำเภอแม่ลาว
อำเภอบ่มีหนาว อำเภอป่าแดด
อำเภอเปิ่นกฎ เปิ่นแขวด อำเภอเวียงชัย
อำเภอจื่ออยู่ไกล๋ อำเภอเชียงรุ้ง
อำเภอเปิ่นบ่หยุ้ง อำเภอขุนต๋าล
อำเภอรถเตียวผ่าน อำเภอแม่จัน
อำเภอมีก่าลูก ก่าหลาน มีทุกอำเภอแหละนายเหย................

[thayan]

      เรื่องของกิ๋น

ของกิ๋นลำ ลำ           คือน้ำพริกต่อ
ของกิ๋นม่อ ม่อ          คือมาม่า
ของกิ๋นบ่ท่า             คือแก๋งโฮะ
ของกิ๋นอยู่บนโต๊ะ      คือของกิ๋นฝรั่ง
ของกิ๋นตี้ต้องนั่ง        คือของกิ๋นของคนเมือง
ของกิ๋นกับเขียง         คือลาบกับส้า
ของกิ๋นกับฮ๊า            คือต๋ำบ่าเตส
ของกิ๋นมีขอบเขต       คือโรงอาหาร
ของกิ๋นแม่มาน          คือส้ม
ของกิ๋นต้องต้ม          คือบ่าป๊าวเผา
ของกิ๋นในเต๋า           คือมันหมก
ของกิ๋นกับครก          คือข้าวหนึกงา
ของกิ๋นกับปลา         คือจั๊กไค

ยังมีต่อแหม................

[chate]

กำบ่าเก่าตึงเน็ดแต้ๆ

[thayan]

ของกิ๋นกับไฟ       คือไส้หลน
ของกิ๋นมน มน      คือไข่ต้ม
ของกิ๋นกับส้ม       คือเกลื๋อ
ของกิ๋นในเฮือ      คืออาหารแห้ง
ของกิ๋นแล้วต้องแถ้ง  คือควายน้อยหนึ้ง
ของกิ๋นแดงปึ้งหลึ้ง   คือลาบดิบ
ของกิ๋นกำสิบ          คือเม็ดสาคู...................

[thayan]

        เรื่องของอาชีพ

       เยี๊ยะไฮ่เยี๊ยะนา   จ่างปาเป๋นหนี้
นักปล้นนักจี้              ตึงโดนต๋ำหนวดจับ
ทำงานไนน์คลับ         มันจ่างง่วงนอน
ทำงานแบกหมอน       มันจ่างขี้คร้าน
สล่าแป๋งบ้าน             เปิ่นจ่างหุมแข่งราคา
คนเยี๊ยะสวนยา          ต้องจ่างเอาใจ๋ใส่
คนใคร่เป๋นใหญ่         ต้องมีเงินมีทอง
คนจ่างทดลอง          ต้องจ่างกึ๊ดจ่างสร้าง
คนเปิ่นเลี้ยงจ้าง        ต้องเป๋นคนขี้บ่กลั๋ว
คนตี้เปิ่นหาหลัว         ก็ต้องมีมุยมีมีด
คนตี้เปิ่นชอบกรีด       ก็ต้องมีสวนยางพารา
คนตี้เปิ่นหาปล๋า         ก็ต้องมีแห มีสุ่ม
คนตี้เป็นคนหนุ่ม        ก็ต้องมีพละก๋ำลัง
คนตี้เปิ่นมีสตางค์       คือคนจ่างเก็บจ่างก๋ำ
คนตี้กึดหลงหลำ        คือคนกึดบ่ออก
คนขายบ่ากอก           เปิ่นจ่างมาขายหน้าหนาว
คนตี้เปิ่นเป๋นสาว         เปิ่่นตึงจ่างขี้อาย
คนเป๋นป่อจาย           ก็ต้องจ่างคิดจ่างอ่าน
คนตี้เปิ่นขายถ่าน       จ่างหุมหน้าดำ
คนขายทองคำ          เปิ่นตึงอยู่ในตู้.................

[thayan]

     เรื่องของฮู้จัก

เป๋นตุ๊เจ้า                    ต้องฮู้จักวัดธรรมกาย
เป๋นคนบ่าดอกบ่าดาย    ต้องฮู้จักหมั่น
เป๋นคนต้มคนกลั่น         ต้องฮู้สูตรผสม
เป๋นคนแป๋งเข้าหนม      ต้องฮู้จักของดี
เป๋นคนแป๋งสะลี            ต้องฮู้จักเลา กับงิ้ว
เป๋นคนชอบติ้ว             ต้องฮู้จักซื้อของ
เป๋นคนฮู้มก๋อง             ต้องฮู้จักหนัง
เป๋นคนชอบฝัง             ตัองฮู้จักป่าเฮี่ยวคริสต์
เป๋นคนเกิดวันติ๊ด          ต้องฮู้จักคิดและขยาย
เป๋นหมอทำนาย           ต้องฮู้จักดูสูตรแม่น
เป๋นคนขายบ่าแข่น        ต้องฮู้จักบ้านดอยฮาง
เป๋นคนสร้างตาง           ต้องฮู้จักโก๊งฮู้จักหลิ่ง
เป๋นคนขายกกระดิ่ง       ต้องฮู้จักคอหมา
เป๋นคนขายปล๋า            ต้องจ่างฆ่าจ่างครัว
เป๋นคนขายจิ้นงัว           ต้องฮู้จักเอ็นและจิ้น
เป๋นคนขายเข้าหมิ้น       ต้องฮู้จักเหลืองกับแดง
เป๋นคนขายแก๋ง            ต้องฮู้จักใส่น้ำ
เป๋นคนจุ๊คนจ๊ำ              ต้องฮู้ว่าถูกบุบถูกตี๋
เป๋นคนกึ๊ดหนี               ต้องฮู้จักโต๊ษ
เป๋นคนทำประโยชน์       ต้องฮู้จักทำทำดี.............

[thayan]

              เรื่องของจิ๊น

จิ๊นตี้กิ๋นลำ        จิ๊นกว๋าง จิ๊นฟาน
จิ๊นควายหงาน   จิ๊นแหน้น แหน้น
จิ๊นแข้น แข้น     จิ๊นติดดูก
จิ๊นกิ๋นวันพูก      จิ๊นส้ม
จิ๊นตี้เปิ่นต้ม       จิ๊นติดเอ็น
จิ๊นเหม็น เหม็น   จิ๊นนุง
จิ๊นอยู่ในบุ้ง        จิ๊นนัก
จิ๊นตี้เปิ่นชอบลัก  จิ๊นงาน จิ๊นปอย
จิ๊นอยู่ตี้หอย       จิ๊นในดูก
จิ๊นตี้ขายถูก        จิ้นบ่มีราคา
จิ๊นตี้หนังหนา     จิ๊นจ๊าง

มีต่อแหม..........วันพรูก

[>:l!ne-po!nt:<]

อ่านไปอ่านมากะเป๋นต๋าดีม่วนน้อครับ 

[thayan]

จิ๊นอยู่ในห้าง              จิ๊นซะป๊ะ แจ่แข็ง
จิ๊นตี้เปิ่นชอบแกง        จิ๊นแลน
จิ๊นตี้นิยมติ้วไปฮื้อแฟน  จิ๊นตี้อยู่ตวยก๋วยเตี๋ยว
จิ๊นติดตี้เหนียว เหนียว   จื๊นตี้ติอเอ็นแฮ็งไห้
จิ๊นตี้เขาบ่อยากได้        คือจิ๊นคน
จิ๊นตี้หุมจน                  คือจิ๊นไก่
จิ๊นตี้ถูกน้ำแล้วไก๊         จิ้นแห้ง
จิ๊นตี้กินได้หมดแล้ง       จิ๊นปลากระป๋อง
จิ๊นตี้อยู่ในบวกในหนอง  คือจิ๊นปลาและนายเหย...........