ห๋า... ผมนี้ก่ะครับจะได้เป๋นเสี่ย
ป๊าดดดโถ๊ะ สมพรปากแต๊เต้ออ ...
หลังจากตี่มันขึ้นใบมานัก ผมก็จัดเอา ดอกดีพ่น สอง-สามรอบ หยุดหื้อน้ำในทันที (ไผ๋วอกมาบอกว่าหื้อน้ำติ๊กๆ)นั่นนะใบเต็มเก้าจะบอกหื้อ เจอมากับตั๋วแล้ว
รอจ๋นครบ 1อาทิตย์หลังจากพ่นดอกดีครั้งสุดท้าย ผมก็จัดหนัก สาหร่ายเข้มข้น +ซีไรค์หรือแคลเซี่ยมโบรอน พ่นแถมสองครั้ง จ่อยาวขนาด อาทิตย์ต่อมาผมก็พ่น สาหร่ายเข้มข้น+ซีไรค์หรือแคลเซี่ยมโบรอน+สารเปลี่ยนเพศ ถ้าบ่พ่นเปลี่ยนเพศก็ได้ครับ แต่ว่า จะเป๋นตัวผู้นัก ไม่ติดผล จ่อยาวก็ไร้ความหมายครับ เหลือก๊าแส้
ถ้าติดผลแล้ว อยากหื้อมัน ติดดี ติดนาน ติดจ๋นเฮาเก็บเกี่ยวขาย ก็จะไปล่ะ แคลเซี่ยมโบรอนครับ พ่นตลอด
สาหร่ายเข้มข้นโตย พ่นตลอด ตัวสาหร่ายนี้หนา จะบอกหื้อเปื่อนสมาชิกโตยครับว่า ลำไยจะเป๋นสีทองเน้อ จะบอกหื้อ
ไม่ต้องเอายาตี้ไหนมาพ่นทำสีแฮ๋ม มันจะบ่ลาย บ่แดง บ่ดำ สีทองเหลืองอร่ามกอย เปลือกหนา แตกยาก ยกเว้นเฮาเก็บแล้วนั่งทับอันนี้แตกแน่ๆ
สู้ๆเน้อ สวนลำไยนี้ถ้าไผ๋เยี๊ยะนี้ ผมก็นับถือน้ำใจ๋ขนาด เพราะมันใจ้เวลาเมิน ใจ้ความอดทนสูง ทั้งหมด ตั้งแต่ใส่สารยันเก็บขาย 8 เดือนเต็มๆ พอถึงเวลาก็ยิ้มได้ เพราะได้เงินสูงกว่าอาชีพอื่นๆ หลายหมื่นบาทต่อวันเลยทีเดียวแล้วแต่มีคนงานนักหรือมีน้อย ถ้าเกิน 30 คนขึ้นไป วันล่ะ แสนกว่าๆ
สู้ๆเน้อ ท่าน
ปล. ลำไยอายุ 10ปีขึ้นไป เยี๊ยะลำไยปี๋เดียว เท่ากับเยี๊ยะไฮ่ข้าวโพดแดงเลี้ยงสัตว์ 10ปี๋ เทียบกั๋นไร่ต่อไร่
เยี๊ยะนา ปีล่ะสามรอบ 5 ปี๋ เท่ากับเยี๊ยะลำไยอายุ10ปี๋ เยี๊ยะปี๋เดียว เทียบกั๋นไร่ต่อไร่
ยางพารา อันนี้บ่ต้า กำลังเยี๊ยะได้สองเดือนปิดหน้ายางเสียแล้ว
<---- น่าจะเยี๊ยะเป๋นอาชีพสำรองได้ เพราะ ถ้าเปิดกรีดก็ได้เงินทุกอาทิตย์ บ่แน่อาจจะมาเป๋นตัวหลัก อย่างอื่นด้านเกษตร ก็มีแฮมนักอยู่ครับ แล้วแต่ไผ๋จะชอบไปตางใด