ฮู้ดีแต้ อ้ายทอง ลองแยงแว่น
หั๋นเนื้อแก่น แก๋นตั๋วเก่า ขี้เหล้าหลวง
ลักเงินวัด ฝัดไฮโล โม้หลอกลวง
ในก็ก๋วง ลวงย่าคำ ปล้ำห้างนา..
น้องต้าจ๋า อย่าไปเจื้อ อ้ายทองเน้อ
จะไปเผลอ กำแล้ว แก้วจ๋ำป๋า
ทองขี้เหล้า ลักเมาน้อง จ้องนานมา
ระวังหน๋า จะยืมตังส์ แล้วบะคืน..
ตังส์สองหมื่น หาว่าอ้าย ย้ายยักยอก
ไค่บอกมอก จุ่มขุ๋มต๋า ถ้าบะขืน
เมื่อวันก่อน ไผ๋กั๋นหว่า มาเมื่อคืน
ตกดึกดื่น ขึ้นฝาโบสถ์ โดดลักตังส์..
เจ้าตุ๊ลุง หันใส่ ล่นหว้ายหนี
ตั๋วบะดี มีโต๊ด โดดลงหลัง
หมาไล่ค๊บ ยมอัพยัพ ตับแทบพัง
โดนมัดหลัง ติดหลัก ปักทั้งคืน..
ไห้ฮิฮิ คืนฮุ่ง ตุ๊ลุงเฆี่ยน
พ่อจ๋อมเซียน ทองหมดลาย คลายขัดขืน
ยังมะหลาบ กาบคำว่า อ้ายวันซืน
เงินสองหมื่น หาว่าลัก ยักยอกลอ..หว่ะ
ฮ่าๆๆๆๆ ไผ๋ลักยักยอกก็บะฮู้เน้อเสี่ยวเน้อ...