สงสารสมาชิกที่บ่นว่ามีคนมาขโมยกิ๋นของปลูก แม่นละตี่ไหนก็มีแบบนี้เหมือนกั๋น ทำทีมาขอ ขอน้อยเน้อ หอบผักเต็มแขน เบื่อเหมือนท่าน pogn 3
แม่นล่ะครับ ท่านพญาสิงห์๒ มาขอทุกวันนี้ก่า ฮั้วบ้าน ผมก็ปลูกผักปั่ง ปลูกผักแซ่ว
หม่าแปบ หม่าบอย(อันนี้บ่ขางเน้อ) บ้านสวนผมก็มี ผักซะป๊ะ ครบหมดเน้อครับ โดยเฉพาะ ผักกับลาบ แต่ว่าผมหนา ผักกับลาบไม่หวงห้ามเน้อ เอาเต๊อะต๋ามสบาย แต่ว่า หม่าเขือยาว หม่าถั่วเขียว หม่านอย ผักบุ้ง พริก อันนี้ผมปลูกเอาไว้ขาย ยังจะมาขออยู่
แต่ว่าเอาน้อยๆ ก็บ่ว่ากั๋นเน๊อะ อย่างตี่ท่าน พญาสิงห์๒ ว่าเน๊อะ หอบเต็มแขน ป๊าดโถ๊ะ
แต่ผมก็บ่ว่ากั๋นเน๊อะ กั๋วจาวบ้านเปิ้ลจะว่าหื้อ "ขี้จิ๊" หยั่งป๊ะล่ำป๊ะเหลือ แต่คนที่เยี๊ยะ
ก้อหมดกำลังใจ๋ แถ๋มบ่ปอ ตอนผมบ่ อยู่บ้านสวน ไปเยี๊ยะก๋าน สวนบ่าลำไย ปี๊กมาบ้าน
หม่าแลง จะไปเก็บผักไปขาย ป๊าดด ผักหายหมด หม่าเขือยาวเหลือก่าใบ หม่าถั่วเขียว เหลือก่ะก๊าง คนลัก ลักเอาแต๊เอาว่า ฝ่อมันเต๊อะ บ่ฮู้จะว่าจะใดล่ะ
ของผมปลูกมะนาว ออกหน่วยมาข้างบ้านเห็นก่อน หน่วยกำลังเต่าหัวแม่มือ หายล่ะ เป็นต่าดีเอ็นดู จะล้อมฮั้วกะบ่อมีตัง กะจะเอาตังค่าขายผักมาเก็บซื้อของล้อมฮั้วเนอะ เฮ้อ กะเลยพ่นยาบ่อยๆ บางที่กะบ่อใจ่ยาและเอาน้ำใส่ก๊อกไปพ่นเขาถามว่าพ่นฮอโมนกะ เรากะตอบไปว่าบ่อเลอะพ่นยาฆ่าแมลงยะ อั้นเนอะท่าน ช่วงนั้นผักจะบ่อหายเลย ดูเอาๆ
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
