ประวัติน้ำพริกอ่อง

[sasa]

ก่อนอื่นขอบอกก่อนว่าหนมเส้นน้ำเงี้ยวนั้นมีมาเมินนานแล้วเน้อ แล้วน้ำพริกอ่องมีมาเมื่อลูน  เรื่องของเรื่องก็คือ ตะก่อนมีจาวพม่าจื่อว่า "นายอ่องหม่อง" มีใจ๋อยากกิ๋นหนมเส้นน้ำเงี้ยวจึงต๋ำน้ำพริกจะแป๋งหนมเส้นน้ำเงี้ยวกิ๋น  กำลังคั่วจิ้นกั๊บน้ำพริกมีกลิ่นห้อมหอม  ยังบ่ตันแล้วลูกมันก่าไห้อยากกิ๋นข้าว  ปู่อ่องหม่องบอกหื้อลูกมันดั๊กเหียมันก่าบ่าดั๊กอยากกิ๋นข้าว..อยากกิ๋นข้าวไห้อยู่หั้นน๊ะ   ปู่อ่องหม่องใจ๋ขึ้นเลยตักน้ำพริกตี่เตรียมแป๋งน้ำหนมเส้นยังบ่แล้วเตื่อหื้อลูกมันกิ๋น  บ่าแป๋งบ่าเปิ๋งมันละหนมเส้นนิ.....ลูกมันหีวข้าวน่อ  เอาข้าวโอดกิ๋นเป๋นต๋าดีลำแต้ลำว่า  เผ็ดก่าเผ็ดเลยไปเก็บผักมากั๊บ  ปู่อ่องหม่องหันลูกมันกิ๋นดูดีลำแต้ลำว่าก็ลองกิ๋นผ่อเป๋นอันลำแต้ๆเฮ้ยเลยติ๊ดใจ๋ -----หลังจากนั้นปู่อ่องหม่องกิ๊ดได้ว่ามันลำ  ต่อมาเมื่อมีก๋ารงานตามบ้านจอง  ปู่ออ่องหม่องก็ไปเป๋นป่อครัวย๊ะหื้อจาวบ้านลองกิ๋นผ่อลอจะว่าจาใด  จาวบ้านกิ๋นแล้วติ๊ดใจ๋ว่าลำแต้ลำว่า  ต๋อนแรกๆเลยตั้งจื่อของกินนี้ว่า "น้ำพริกปู่อ่อง" เมินเข้า..เมินเข้า..เหลือก่ากำว่าน้ำพริกอ่องตี่เฮากิ๋นกันตั้งแต่นั้นมาน้นน๊ะ  นี่คือความเป๋นมาของน้ำน้ำพริกอ่อง  เอาไปเล่าสู่ลูกหลานฟังต่อๆไปเน้อ..ขอขอบคุณปู่อ่องหม่องตวยนักๆตี่เฮามีน้ำพริกอ่องได้กิ๋นกันนอ....ขอบคุณเน้อหม่อง

[cp.2010]

อยากฮู้ว่าเรื่องนี้มันแต้ก่า
   ก้าว่าจุ๊

[palomoji]

กินมาตั้งเมิน ยางบ่ฮู้ประวัติ ...

[Beebie13]

เก่งๆๆๆขอปรบมือหื้อกับคนลงกระทู้เน้ออออ....ขอบคุณปู่อ่องหม่องโตยที่ทำฮื้อมีน้ำพริกอ่องในวันนี้

[gigza]

ได้ประโยชน์มากครับ

[Nuwida]

ประวัติน้ำพริกอ่องจริงๆเหรอค่ะ   

[๐Nokky๐]

  กินมาตั้งนาน !! เป็นอย่างนี้ นี่เอง

แต่ก็อร่อยที่สุดเลย ชอบๆ