ไม้หมายถิ่น ไม้หมายตาง ไม้หมายเมือง

[เชียงรายพันธุ์แท้]

บ้านท่านมีไม้หมายถิ่น ไม้หมายตาง ไม้หมายเมือง อะหยังพ่องครับ
บ้านเฮาบ่าเดียวคนตัดเก๊าไม้กั๋นจ้าดนัก
ไม้บางอย่างเป๋นตี้มาของจื่อหมู่บ้าน จื่อตำบล ก็หายไปจ้าดหลาย
เลยใคร่ฮู้ว่าบ้านท่านมีไม้หมายเมืองหมู่นี้หื้อหันอยู่ก่อครับ เจ่น

"บ้านป่าบง" ก็จะมีเก๊าบงน่อ แล้วบ่าเดียวมันยังมีอยู่ก่อ
แล้ว "บ้านดู่" ลอ มีต้นดู่อยู่ก่อ
"บ้านป่าแดง" ลอ มีไม้แดงอยู่ก่อ

สมาชิกเจียงฮายโฟกัสอยู่หมู่บ้านไหนพ่องครับ แล้วเก๊าไม้หมายเมืองของท่านยังมีอยู่ก่อ

[yongmankung]

สันสลีหลวง

เก๊าสลีตี่วัดก็เก๊าหลวงอยู่ครับ

 

[เชียงรายพันธุ์แท้]

สันสลีหลวง

เก๊าสลีตี่วัดก็เก๊าหลวงอยู่ครับ

 

ครับ เก๊าสลีเป๋นไม้มงคลตี้เกี่ยวข้องกับพุทธศาสนา
โอกาสตี้จะโดนตัดมีหน้อยตี้สุด
ถ้าตัดไม้สลีคนล้านนาเปิ้นว่า "ขึด"

ได้ข่าวว่าวัดเจ็ดยอด เจียงฮาย เปิ้นตัดไม้สลี อันนี้แต้ก่อหา

[kooboori]

ดงมะดะ  ครับ มีอยู่แต่น้อยครับ

[wizard]

บ้านป่างิ้วครับ....ก้าในบ้านผมบ่าเดียวมีเหลือเก๊าใหญ่ ๆ อยู่ 4 เก๊า อายุคงบ่ต่ำกว่า 70 ปี๋...

[T Nakamura]

แถวๆที่ผมฮู้จักมี "บ้านสันมะหลอด", "บ้านสันปูเลย", "บ้านป่าไผ่", "บ้านป่างิ้ว"

แล้ว "ต้นม่วง" นี้เป๋นเก้าไม้ก่อครับ?
เพราะมีจื้อบ้าน เช่น "บ้านต้นม่วง", "บ้านสันต้นม่วง"