เล่ากานท์...แผ่นดินไหว

[ฟ้า]

ไหวติดๆกัน7.52 น. กับ 7.59น. เตรียมวิ่งออกบ้านแทบไม่ทัน

เกียมอยู่ปากปะตู๋บ่าฮู้แน่
ขวดน้ำแลสังเกตก๋านสั่นไหว
หันว่ามันขยับดิ้นเมื่อใด
โล่นหื้อไวไปหื้อเวยเฉยบ่าดี
ตะคืนนอนติ๋นขั้นไดใจ๋ผวา
ยุงขบหน้าจ้างมันฉันแนหนี
หอบเอาหมอนนอนข้างก๋างสลี
มันตึงมีอาฟเตอร์ช็อคระลอกมา
มอกตะกี้นั่งขี้บ่าตันสุด
เดือดปุดๆอะหยังกั๋นนักหา
แอ่นแจ้นออกห้องน้ำก่างก๊ะกา
ก้นของฮากำเดวก้อยล้างมัน
ติดต๋ามว่า5.4ที่ริกเตอร์
แฮงแต๊เนอเล่นเอาบ้านปอสั่น
ต้องตื่นตั๋วกั๋วว่าโล่นบ่าตัน
แถวแม่จันคงผวากั๋นน่าดู
ตั้งสติบ่ว่างเว้นเหมือนเณรหน้อย
ลองผ่อกอยคลิปทำวัตรชัดเจนอยู่
พอไหวปั้บเสียงโวยโกยเลยตู
หว้ายเป๋นหมู่หายแซ็บกั๋นแว้บเดียว

           //// ฟ้า ////