ไปแอ่วหาหลานมาครับ

[lomluang]

กำบ่าเก่าว่า "ฮักลูกปอผะหมาน ฮักหลานปอง่าว" ท่าจะแต๊ครับพี่น้อง บ่าได้หันหน้าหลานมาหลายเดือนมีเวลาว่างเว้นกะเลยแว๊ปไปแอ่วหาเหียกำที่หละปูนเน้อครับ ปากั๋นแอ่วไปผ่อรถไปก็เลยบนไว้ว่าถ้าปิดเทอมจะปาขี่รถไฟไปลำปางแหมหนา รถไฟฟรียังมีอยู่เน้อหมู่เฮา

[lomluang]

จากนั้นก็ไปวัดพระธาตุหริภุญชัย วัดหลวงหละปูน ปี๋นี้เปิ่นจะกิ๋นสลากวันที่ ๑๒ กันยายน "วันสิบสองเป็ง" วันปล่อยเผดปอดีเนอ เป๋นงานที่ยิ่งใหญ่แหมงานหนึ่งของเมิงหละปูน

[lomluang]

ก็ต๋ามเกยครับ ไปกิ๋นเฉาก๊วย ลำที่สุดในเมืองมนุษย์ ว่าอั้น เจ้าของผ่อสีท่าจะธรรมะธรรมโม แต่กำอู้บางกำก็ฟังบ่ะไค่ได้

[lomluang]

กิ๋นเฉาก๊วยแล้วก็ใจ๋มากปากดี ปากั๋นเตียวแอ่วแวดวัดแหมผาก เลาะตางด้านใต้ หอไตร พระธาตุหริภุญชัยเหลืองอร่ามงามแต๊ๆ ครับไปแผววิหารพระเจ้าแดง แดงเผ้อเล้อ ก้ไปไหว้พระ

[lomluang]

ต๋อนบ่ายหลานหลับกะเลยไปป่าไปปะปู่ปันเป่าปี่ปากปอเป๋นปู้ดเป๋นเป๋า....... เอ๊ยบ่าแม่น บะนกขุนแผนหางยาวกับหันเปิ่นเอาฮังต่อมาเลี้ยงครับมีหลายฮังเน้อ

[lomluang]

แลงมาไปส่งหลานไปเฮียนเทคควันโด ระหว่างเตียวไปเรื่อยเปื่อย หันเปิ่นยิงปลาด้วยหน้าไป

[lomluang]

ตะวาหมดแล้ววันนี้ไปแอ่ววัดดอยติไปผ่อนกยูงและวิวจากบนดอยติและเปิ่นกะลังสร้างฮูปหล่อครูบาศรีวิชัยใหญ่ที่สุดในโลก (ตุ๊เจ้าบอก)

[xman]

น่าเที่ยวครับ พาหลานไปเที่ยวแต่ก็ยังมีนกมาให้ชมอยู่เลยครับ ขอบคุณสำหรับภาพสวยๆครับ

[lomluang]

ที่วัดดอยตินอกจากมีนกยูงแล้วก็มีอีเห็นแหมเลี้ยงขังไว้สองตั๋วและเลี้ยงฮังต่อไว้แหมหลายฮังเน้อ ตุ๊เจ้าบอกว่าซื้อมาราคาฮังละ ๕๐๐ ถึง ๙๐๐ บาท แล้วแต่ขนาดว่าใหญ่น้อยมอกใด ก็เอามาบอกเผื่อหมู่เฮาจะซื้อขายกั๋นพ่อง อิ อิ

[lomluang]

น่าเที่ยวครับ พาหลานไปเที่ยวแต่ก็ยังมีนกมาให้ชมอยู่เลยครับ ขอบคุณสำหรับภาพสวยๆครับ

......ฟั่งปาดเทื่อยังบ่าหมดเดียวอดผ่อของดีเน้อ.......ตะวันก๋างจ้อง ฮ้อนขนาดเน้อหมู่เฮา

[lomluang]

ปิดต๊ายปิ๊กมาแวะบ้านบ่อสร้าง หวังว่าจะหันสาวงามจากสันก๋าแปง อิ อิ ได้คนงามมามอกอี้ละเน้อหมู่เฮา ขอขอบคุณทุกท่านที่เข้ามาเยี่ยมชม

[WEBMASTER]

ก็ต๋ามเกยครับ ไปกิ๋นเฉาก๊วย ลำที่สุดในเมืองมนุษย์ ว่าอั้น เจ้าของผ่อสีท่าจะธรรมะธรรมโม แต่กำอู้บางกำก็ฟังบ่ะไค่ได้

อ่านเจอคำนี้แล้วอดยิ้มไม่ได้ครับ 

ขอบคุณที่พาไปแอ่วครับลุงลมหลวง

[>:l!ne-po!nt:<]

เมินละครับบ๋อได้ไปแอ่ว เมืองนี้ ลำปูน ขอบคุณครับ