ชื่อหมู่บ้านและวัดที่มีคำว่า "ร่อง ฮ่อง ร้อง"

[แมงคอลั่น]

มีความคิดเห็นอย่างไรกั๋นพ่อง
"ร่องปลาค้าว" น่าจะเป็น "ฮ่องปลาค้าว"
เพราะปลาค้าวเป็นกำเมืองทำไมต้องใช้"ร่อง"ซึ่งบ่ใช่กำเมือง

บ้านร้อง มันกะหลั้งหนวกหูเสี้ยงอย่าง
"ร้อง คือมาจาก ล้อง คือเหมืองขุดสั้น ๆและตั๋น ตั๋นจะได คือน้ำบ่ไหล มันตึ๊ก
เหมืองคือ ฮ่องน้ำที่ขุดหื้อน้ำไหล จะยาวกว่า ล้อง

ไผมีหยังก็ว่ามาเน่อไปยะว่าหากิ๋นก่อนเน่อ

[watanabe]

มันฮ้องยากก่า
ร่อง>ฮ่อง,ฮ้อง
ก่ากำอู้บะไจ่คนเมืองก็อู้ยากละ

[n.md]

ร่องๆฮ่อง ๆ ไทยๆ เมือง ๆ
ปน ๆกันไป มันเพราะดีเลาะ

[>:l!ne-po!nt:<]

ส่วนใหญ่จะเป๋น ร่องหมด นะครับ บ๋อค่อยหัน ฮ่องละ ฮ่องหล่อ กะบ๋อมีคนอู้แล้ว

[n.md]

ส่วนใหญ่จะเป๋น ร่องหมด นะครับ บ๋อค่อยหัน ฮ่องละ ฮ่องหล่อ กะบ๋อมีคนอู้แล้ว

ซอบตรงฮ่องหล่อเนี้ยก่า บ่อเกยได้ยินมาเมินละ
ฮ้องมะม่วงอกร่อง ว่ามะม่วงอกฮ่องบ้าง จะดีก่อหา

[ปวดตับ]

มันเป็นทางการดีนะครับ

คนต่างพื้นที่มาอ่าน ต้องใช้เวลาสักนิด กว่าจะเข้าใจเหมือนกัน

[WH_Y]

..มีเหมือนกันเจ้า  หมู่บ้านฮ่องลี่  วัดฮ่องลี่  วัดร่องธาร วัดร่องขุ่น  ร่องเสือเต้น  ไผมีแหมพ่องเจ้า..

[เชียงรายพันธุ์แท้]

ร่อง = ฮ่อง ครับ ก็ฮ่องน้ำหั้นแล เจ่น ฮ่องลี่ ฮ่องป๋าฅ้าว ฮ่องขุ่น
ถ้ากว้างกว่าฮ่อง เปิ้นก็ฮ้องเป๋นน้ำเหมืองละครับ เจ่น บ้านเหมืองก๋าง ต.ศรีก้ำ อ.แม่จัน

ล้อง = ร้อง (คนใต้เขียนจาอี้) แปลว่า ฮ่องสั้นๆ หรือ ตี้ๆน้ำไหลมารวมกั๋น แต่บ่ถึงกับเป๋นหนอง จื่อสถานตี้ เจ่น อ.ร้องกวาง จ.แป้

[chamanant]

ร่องๆฮ่อง ๆ ไทยๆ เมือง ๆ
ปน ๆกันไป มันเพราะดีเลาะ

???8   จื้อ นาม เฉพาะ ปกติน่าจะเอาต๋ามท้องถิ่น ต๋ำบลนั้น บ่งบอกถึงความเป๋นเอกลักษณ์ เป๋นก๋ารมีมนเสน่ห์ ตื้เขียนก๋ำหนดใหม่ในระบบมาเมื่อลูนมันเป๋นจุดสังเกตว่าผู้มีอำนาจหน้าตี่ในกระบวนก๋ารก๋ำหนดจื่อ ตระหน้กคำนึงถึงความเป๋นเอกลักษณ์ประจำถิ่นมากน้อยเปียงใด  และมันบ่งบอกถึงความเข้มแข็งทางภูมิปั๋นญาภาษาวัฒนธรรมตางเมืองเหนือ มันเป๋นเสน่ห์น่าภูมิใจ๋  หรือว่ามันถูกละลายแซกแซงแม้กระทั่งการตี้จะกำหนดจื่อต่างๆในถิ่นตนเองจากแรงขับเคลื่อนของต่างถิ่นต่างวัฒนธรรม  สรุ๊ปเดี๋ยวนี้มันบ่แม่นเพียวๆมันเป๋นก๋ารสูนกั๋นประสมปนเปไปเหียแล้ว  อันนี้เป๋นความสังเกตเต้าอั้นบ่ได้ต่อต้านว่ากล่าวใดๆเน้อ

[เชียงรายพันธุ์แท้]

ร่องๆฮ่อง ๆ ไทยๆ เมือง ๆ
ปน ๆกันไป มันเพราะดีเลาะ

เอาอย่างจั๋งหวัดตี้อยู่บนตี้ราบสูงโคราชเลยก็ดีหนาครับ
เปลี่ยนจื่อบ้านจื่อเมืองจากกำลาวเป๋นภาษาไทยไปเลย
เอาจื่อเหมาะๆ จื่อตี้มีฮากศัพท์ภาษาแขกซ้ำดี เจ่น
บ้านน้ำซึม ---> วารินชำราบ (จ.อุบลราชธานี)
บ้านหมากแข้ง ---> อุดรธานี

[Ck 401]

มันฮ้องยากก่า
ร่อง>ฮ่อง,ฮ้อง
ก่ากำอู้บะไจ่คนเมืองก็อู้ยากละ

ร่อง>ฮ่องปลาค้าว น่าจะเข้าท่ากว่านะครับ
เหมือน ฮ่องลี่ยังมี คนใช้ตัว ฮ ได้

[Jeekuk]

ปี้อ้ายเฮาจ้างเซาะเอาบะหยังที่น่าสนใจ๋น่าสังเกตุมาเหล้นแต้น่อ
ผมหันตวยกัยกับ อ้ายchamanunt ครับ
น้ำฮ่องที่ไหลมามันขุ่น เลยฮ้องว่า ฮ่องขุ่น แต่ป้ายเป๋น ร่องขุ่น
อะไรทำไมเปิ้นยะหยังตึงบ่เปิ๋กษาหมู่เฮาเจ้าบ้านเลยน่อ

[power4]

ร้องเฮีย ก๋ายเป๋น ร้องเจริญ ซะงั้น ตี่ แม่สรวยครับ

[Jeekuk]

ก๋ายไปตางแพร่-อุตรกิจ หันบ้านหนึ่ง เต๋มใจ๋แต๊ว่า "บ้านไฮ่ฮ้า" ดีที่เปิ้นบ่เขียนว่า "บ้านไร่ปลาร้า"

[ละอ่อนโบราณ]

ฮ่วมแสดงกำกึ๊ดหัน  (ร่วมแสดงความคิดเห็น)

[ละอ่อนโบราณ]

เพิ่มเติม

ปี้อ้ายเฮาจ้างเซาะเอาบะหยังที่น่าสนใจ๋น่าสังเกตุมาเหล้นแต้น่อ
ผมหันตวยกัยกับ อ้ายchamanunt ครับ
น้ำฮ่องที่ไหลมามันขุ่น เลยฮ้องว่า ฮ่องขุ่น แต่ป้ายเป๋น ร่องขุ่น
อะไรทำไมเปิ้นยะหยังตึงบ่เปิ๋กษาหมู่เฮาเจ้าบ้านเลยน่อ

[X-man]

..มีเหมือนกันเจ้า  หมู่บ้านฮ่องลี่  วัดฮ่องลี่  วัดร่องธาร วัดร่องขุ่น  ร่องเสือเต้น  ไผมีแหมพ่องเจ้า..

มีอีกครับอยู่ที่เชียงราย ฮ่องก๊อ ฮ่องแฮ่หลวง ฮ่องแฮ่ใหม่ ฮ่องก๋าแกด ฮ่องเรือ

[LucKy99]

มีบ้านร่องบัวลอย ที่ ต.เวียงชัย บ้านฮ่องอ้อ ต.รอบเวียง บ้านร้องหวาย ไปตางบ้านห้วยสัก ตี่กึ้ดออก

[คนปีมะ]

ชอบตั๊ดตี้ว่า ฮ่องหล่อแหน่ กึ๊ดถึงเป๋นละอ่อน 30 ปี๋ก่อนโท๊ะ

[ผมเองครับ]

ผมว่าต้องดูพยางค์ ข้อความ หรือ คำ ที่ต่อจากคำว่า ร้อง หรือ ล้อง ด้วย  เช่นคำว่า
ร้องเสือเต้น กับคำว่า ล้องหลัง มันต่างกันนะครับ  โดยเฉพาะ คำว่า ร้อง หรือ ล้องหลัง
โครโดนแล้วเจ็บ(ใจ๋)มากนะครับ  แบบว่า ไม่คาดดิดมาก่อนว่าจะเกิดขึ้นกับตัวเองได้
เช่น ออกเดินทางไปทำงานนอกบ้าน แล้วโดนชายอื่นแอบมานอนกับเมีย เป็นต้น