วันศุกร์เมื่อแล้วเอาปู้เมียตั๋วนี้ไปลองตั้งมาคับ ไปถึงจุดที่ตั้งก่อประมาณ 16.50 น.
ใกล้ๆกับจุดที่จะตั้งมีการไถไฮ้ข้าวโพดเหียแล้วแต่ก่อบ่อเป๋นหยังคับ ผมก่อกึ๊ดเหียว่าเอาไก่มาลองจามผ่อก่อน
ไก่ยังบ่าเกยคอนแต้เตื่อคับ (ฝึกกอนได้ 7 วัน)
ไปถึงก่อเอาไก่ขึ้นกอนก่อนเลยคับ กำลังจะเซาะหาตี้ลับ ไก่โดดลงกอนเหียแล้ว ห้อยเติ้น เลิ่น
เก็บไก่ขึ้นกอนใหม่ แล้วก่อหาตี้ลับๆห่างจากไก่อยู่ ประมาณ 15 เมตร
ไก่ตั๋วนี้ขันก่อขันเลยหนาคับ ขันอยู่ 3 – 4 กำ ยั้งขันเหียน่าซื่อ เป่าตอดจุ๊จะใดก่อตึงบ่ายอมขัน
เวลาผ่านไปสัก 15 นาที นกแหลวแดง บินเข้ามาเกาะเก๊าไม้ ต้นข้างๆไก่ผมอยู่ ห่างไปประมาณ 5 เมตร อยู่ต่ำขนาด
ผมกะผ่อไก่ตั้งของผมแล้วตัวอย่างลีปเลย (ถ้าจะกั๋วขนาด)
พอดีฟิล์มของผมมันเป็น อเมริกันอีเกิ้ล หัวแดงรู กั๋วภาพถ่ายออกมาแล้วบ่องาม เลยเปลี่ยนเป๋น ซีซีไอ หัวดำธรรมดา
เลนส์ใส ภาพชัดเจน กำลังจะกดชัตเตอร์ นกตั๋วนั้นย้ายกอนเข้ามาใกล้ไก่ตั้งผมแหม เกาะปุ๊บ บินหนี ปั๊บ
เอ่อนะ บ่าตันถ่ายภาพเหียซักกำ
เหลียวไปหันไก่ตั้งตั๋วเก่าห้อยหัวหั้นแหมแล้ว(มันโดนลงต๋อนไหนกะบ่าฮู้ ซื่อเกิกเดิก) เอาไก่ตั้งขึ้นกอนแหมใหม่ มันก่อบ่ายอมขันแหมแล้ว
รออยู่แหมสัก 10 นาที ไก่กะบ่อขัน กั๋วมันหลาบขนาด บ่อฮู้จะยะจะได กะเลยเก็บไก่ ปิ๊กบ้าน
วันเสาร์ก่อยเอามาลองใหม่
หน้าหลักเว็บไซต์
เพื่อทีมงานจะได้ดำเนินการลบออกให้ทันที..."
ผู้เขียน
