คำคมกำเมือง

[WH_Y]

..บะตันนั่ง ฟั่งเหยียดแข้ง..

[แมงคอลั่น]

        เก็บผักลวดหักหลัว ตกขัวลวดอาบน้ำ
       
             เมื่อทำสิ่งใดแล้วต้องใช้เวลาให้คุ้มค่าและได้ประโยชน์สูงสุด

               เผื่อฮู้ก็ปอวาย เผื่ออายก็ปอเฒ่า
               เผื่อฮู้กำพระเจ้า ก็ปอเข้าหล้อง
                             
                               กว่าจะรู้ก็สายเกินแก้

[muangphan1]

ชื้อจิ้นแปงกิ๋นตึงดูก   ชื้อจิ้นถูกกิ๋นตึงบ่าดีบ่าลำ

[ALPHA1]

                  "กว่าจะฮู้คิง น้ำปิงปอแห้ง"

[ใต้ฟ้า..เจียงฮาย]

ยามเป๋นละอ่อนหน้อยมันตึงบ่าจ้างวอก บ่ากอง(โคย)ลอกมันตึงวอกเต้าต๋าย เน้อ

จ้างแต้ว่าหา...เซ้ยเติ้บเปิ้บ..

[ยาวเยียด]

 อดเผ็ดได้กิ๋นหวาน อดสานได้ส้า อดคมมีดกล้าได้เป๋นผญาเจ้าเมือง

[Ni KruNi]

ยามเฮาตุ๊ก ตึงบ่มีไผตวย ยาวเฮารวย คนตวยเป็นปุ๊ก ...

[Alony]

เอามาแบ่งปัน ไปอ่านเจอมา อิอิ


" ปากหวานก้นส้ม   ตางในขมเหมือนบ่าแคว้ง "


ปากหวาน หมายถึง พูดจาไพเราะ ..

ตางใน หมายถึง ภายใน ..

บ่าแคว้ง หมายถึง มะเขือพวง) 


 ความหมายคือ การที่ปากกับใจไม่ตรงกัน คือต่อหน้าพูดจาไพเราะ พูดดี แต่ในใจตรงกันข้ามกับคำพูด "ตางในขมเหมือนบ่าแคว้ง" หมายถึงบุคคลที่มีจิตใจไม่บริสุทธิ์ต่อผู้อื่นมีแต่ความคิดอิจฉาริษยา มุ่งร้ายผู้อื่นตลอดเวลา ตรงกับสุภาษิตภาคกลาง "ปากปราศรัย น้ำใจเชือดคอ"

[LucKy99]

อ่านป๊ะครับ แปลเมืองเป็นเมือง เปิ่นบ่มีกำอธิบายตวย  แปลผิดขอสูมาเต๊อะ บ่ปริวรรต
- กินหื้อปอคาบหาบหื้อปอแฮง แป๋งหื้อปอใจ้ ไข้หื้อปอหมอ
- เกิดเป็นคน เข้าห้วยไปหื้อสุด ขุดบ่อหื้อได้น้ำ                                                 
- กล้วยก้ำง่าม ง่ามก้ำกล้วย
- กล้วยบ่สุกนกตัวไหนจักกิน
- เปิ่นเป็นขัว หื้อตัวเป็นฮาว
- กัวล้ำจ่างตาย อายล้ำจ่างต่าว
- อ่อนไหนแตง แข็งไหนเว้น
- กำขอแปงกว่ากำซื้อ กำลือแปงกว่ากำอู้
- กิ๋นแล้วหื้อเก็บ เจ็บแล้วหื้อจำ
- ของบ่กิ๋นฮู้เน่า กำบ่เก่าฮู้ลืม น้ำบ่ซึมฮู้แห้ง ขี้บ่แก้งฮู้ไผฮู้มัน
- ขอนบ่มีเห็ดตึงบ่มีคนใกล้ ต้นไหนบ่มีหน่วยไม้ ตึงบ่เอาใจใส่
- ของกิ๋นลำ อยู่ตี่ผู้มัก ความฮักอยู่ที่ความเปิงใจ๋
- ขโยมดีย้อนตุ๊หลวง ลูกเต้าทังปวง ดีย้อนป่อแม่
- ตุ๊หลวงบ่ดี พระหนุ่มแม่ชี ก็ควีศีล
- เข้าจะเสี้ยงกินหวาน คนจะผานนอนอุ่น
- มีหนึ่งแล้ว ยังแอมแถมสอง ขี่เฮือน้ำนองซ้อนสองจ่างหล้ม
- ขี้ครั่งใกล้ไฟ ขี้ไขใกล้แดด
- คนขี้จิ๊ไปไหน ไผบ่ถามหา คนมีเมตตาไปไหนบ่กลั้น
- คนง่าวได้จ๋า หม้อแกงหนาได้เดือด
- คนผานคนฮ้าย โทสะในใจ  จ่างหุมเป็นไปสะต้อนใส่หน้า
- คนตกต่ำ ต๋าวคว้ำนอนหงาย ระวังเน่อนาย อย่าก๋ายเหยียบหน้า
- คนมาใหม่ จะไปใส่กาน ลูกเมียมาน อย่าหื้อไปก้า
- คนหลวกได้ยามจ๋า คนมีผะหญ๋าได้ยามอยากกลั้น
- คนหลับลุกเจ้ากินผักยอดปล๋าย คนหลับลุกคว๋าย กิ๋นผักยอดเกล๊า
- ครกบ่ดีหื้อขำสาก ป้ากบ่ดีหื้อขำหม้อแกง

       มีต่อเป่อเลอะครับ เครดิต ไชยนารายณ์

[HANGMAN]

สุดยอดครับปี่หนาน  นับถือ...นับถือ...

[LucKy99]

ต่อครับ บ่ปริวรรต (แปลผิด ขอสูมาตวยครับ )

        ของที่บ่ดีใจ้แล้ว
               แก้วแหง แสงแตก สาแหรดปุ๋ด สุดขาด สาดหิ้น ซิ่นเปื่อย เลื่อยก๊ด รถบ่มีห้าม น้ำต้นแห้ง ขี้แล้วบ่แก้ง คนแล้งธรรม
        
        ลักขณะคนแกล่(แก่)
                แก่เหนียวหัวหวาย    แก่แดดดายดอก    แก่หยอกลูกหลาน แก่หาญแต่ป่า
แก่ว่าแต่กิ๋น   แก่บินค้างคาว       แก่บ่าป้าวเปลือกหนา  แก่ตาไม้ไผ่  แก่ไก่แก่นกเขา  แก่หลอยเงามืด  แก่ฝืดเห็ดลม    แก่ชมแต่โครต           แก่โผดนิพพาน   แก่ลูกหลานไหว้    แก่ได้หมายเชิญ            แก่ไข้เปิ๋นมาหลาย     แก่ผายประโยชน์  แก่โปรดสุรา     แก่หามาเตื่อม               แก่เหลื่อมตวยคน      แก่ขวั้นบ่หล่นสักเตื่อ แก่เหลือจะขอ

        -  จับใจ๋แฮ้ง บ่แน่นใจก๋า จ้บใจ๋หมอยา พยาธิบ่สู้
        -  ชาติว่าน้ำ หล้างบ่เขียมปลา ชาติว่านา หล้างบ่เขียมเข้า
        -  ช้างเฒ่าย่ำงวง คนเฒ่าห่วงของ
        -  จี่พิก ยังมีครู จี่ปู๋ยังมีลาย
        -  ใจบ่แข็งบ่ได้ขี่จ๊างงา ใจบ่กล้า บ่ได้เป็นป้อเลี้ยง
        -  ต๋าหันดาย เหมือนควายหันหญ๊า ผัดไปมาแวดฮั้ว
        -  ใบปูห่อจ๊าง ต๊างนาซ่อนหอย เส้นผมบังดอย ตี่ไหนจะกุ้ม
        -   น้ำเผิ้งว่าหวาน น้ำตาลแลมิ้น ยังบ่เผียบได้คำลม มันหากหวานแต้ หวานจน
             ปอขม หวานคำลม หวานแต้เหียไบ้
        -   บ่มีแห จ่างป๊ะปลาเล่นหาด บ่มีสินาด(ปืน) จ่างป๊ะกวางป๊ะฟาน
        -   หางหมาสอดฮั๊ว ทุดถู้ทุดถูน คนเนรคุณ ฮ้ายหลังดีหน้า
        -   พระจันทร์อยู่ฟ้า เป็นเหยื่อราหู ปลาเหยี่ยนอยู่ฮู ยังฮู้ถูกส้อม
        -   หมาบ่เห่า บ่ดีเปี๋ยไม้ ลูกบ่ไห้บ่ดีเปิดนม
        -   อย่าไปเลี้ยงหมาผอม อย่าไปตอมคนตุ๊ก มันลุกได้มันจะขบหัว
        -   แก๋งจาง กึ๊ดเถิงเกลือ หนูขบเสื้อกึ๊ดเถิงแมว

    ยังมีเป่อเลอะ     เท่าตี่มีคนอ่านบ่คร้านพิมพ์ ครับ  เครดิตเดิม ๆ ไชยนารายณ์
      

[blue dragon]

อายุสิบปี๋อาบน้ำบ่าหนาว
อายุซาวปี๋แอ่วสาวบ่ก่าย
สามสิบปี๋บ่าหน่ายสงสาร
สี่สิบปี๋ยะก๋านเหมือนฟ้าผ่า
ห้าสิบปี๋สาวด่าบ่เจ็บใจ๋
หกสิบปี๋ไอเหมือนฟานโขก
เจ็ดสิบปี๋บ่าโหกเต๋มตั๋ว
แปดสิบปี๋ไค่หัวเหมือนไห้
เก้าสิบปี๋ ไข้ก็ต๋ายบ่าไข้ก็ต๋าย
จะเอาอันไดไปบ่าได้ซักอย่าง
บ่าซัวะบ่าวาง บ่าหายหม่นเศร้า
คนบ่าเก่าเล่าไว้มาเมิน...

[LucKy99]

แปลเมืองเป็นเมืองครับ ภาษาอู้เน้อ บ่ไจ่ภาษาเขียน (แปลผิดขอสูมาเต๊อะ) บ่ปริวรรต

      ต่อจากนี้เป็นปริศนาเรื่องบ่าเก่า ผูกไว้เป็นคำฮ้องกล่อมละอ่อน มาเมินมอกใด บ่ปรากฏเขียนไว้ หันว่ามีใจความตี่แอบแฝง กำตี่จวนหื้อกึ้ดเป็นภาษาธรรม ต๋นตุ๊เจ้า(ตุ๊หมาย) ก็เลยตีความเป็นภาษาธรรม มีหมู่นี้ว่า อี่เอ้ยเหย เป็นฮ่ำไกวจู่งจาแล

    อี่เอ้ยเหย   หมูมึงออกคอก      คนใหย่บ่ฮู้จักปอ มีโลภะกล้าหลายเหมือนหมู ศีลบ่มี
                                              ตัวบ่สะอาดคือหมู คอก คือหลักธรรมวินัย อยู่นอกศีล
                                              ธรรม
   ไส้มันออก ยาวศอก ยาววา      ความอยาก ตัณหา ได้ ๑ จะเอา ๒ บ่มีตี่สิ้นสุด ไส้
                                              คือ สิ่งตี่เก็บมีจำกัด ใจจะเอาบ่มีจำกัด
    ตัดไม้มาเป็นไม้  ๒  ป๊อง        อยู่ในก๋างสิ่งกู่ คือ ดี ฮ้าย กำไหนปุ๋ดตืน เวียนใน
                                             วัฏสงสาร
    ผ่าโล่งบ้อง มือบีบนมสาว       มักม่วนแลความสบาย คือโลกธรรมฝ่ายบวก ฮับได้
                                              ง่าย นมสาว คือการขี้จิ๊ ขางฮักษาไว้ บ่หื้อไผ
    บ่าเขือขาว หนตางไปบ้าน      แต้แล้ว ชีวิต ต้องเป็นฝ่ายขาว คือการดำเนินชีวิต
                                              ต้องการไจ๊หลัก สมาธิ สมาบัติ อันเป็นหลัก
                                              กรรมฐาน (สา.....ตุ๊)

                                             ตี่มาไชยนารายณ์
                                             

[LucKy99]

   -อ้อยกับจ๊าง แม่ฮ้างกับหนาน ส้มกับแม่มาน สมภารกับสาวเฒ่า หวานกับขี้ยา ลาบ 
    ส้า  กับ ขี้เหล้า ขมกับคนเฒ่าโบราณ
   -ชอบของขม ชมสาวหน้อย ฝอยขี้เก่าเป็นวัยเฒ่าชรา
   -สมบัติสิ่งของ เงินทองเถิกเถ้า ตายแล้วบ่ได้เอาไป บุญบาป หากแต้ เป็นแน่เหลือ
    ใจ๋ จะติดตวยไป สู่ในโลกกว้าง
   -เฮือจะหล๊มจ่างหล๊มเมื่อจอด ตาจะบอดจ่างบอดเมื่อเฒ่า จะกั้นเข้า จ่างกั้นเมื่อเดือน
    สิบสอง จะมีเข้ามีของ ต้องจ่างเก็บยามหนุ่ม
   

[WH_Y]

..สรียินดีเจ้าท่าน ลัคกี้ 99..ตี้ไปเสาะหาเอามาหื้อกันได้อ่านเจ้า..

[Ni KruNi]

สุดยอดเจ้า

[blue dragon]

หยังมาเน็ดแต้

[yuan lanna]

เหล้าเก่าในขวดใหม่ครับ  ยึมหู้ดังเปิ่นหายใจ มาเมิน เริ่มกั๊ดหู้ดังล่ะ
             สุภาษิตคำคม จาก....พรหมโวหาร  แปลผิดขอสูมาครับ บ่ปริวรรต
     
     ขอหื้อน้องฮัก         ก่อย อดขันตี       แป๋งใจดีดี           ดั่งน้ำวังหน้า
ฮ้ายสีออน                  จ่างดีเมื่อหล้า     หุมมีมา               เมื่อซ้อย

     อย่าถือไผดี           อย่าติไผจ๊า         จ่างเป็นเมฆฝ้า     ปามัว
ก่อยอยู่ตามน้ำ            ก่อยทำตามตัว     น้ำเปียงใด          ดอกบัวเปียงอั๊น
ยามเมื่อน้องฮัก           น้ำส้มว่าหวาน      ใจ๋บ่เจยบาน        น้ำตาลว่าส้ม
ชนตืว่าปล๋า                ได้ลาจากน้ำ       อย่าหวังปอกผ้าย  คืนมา
 

[kuntawong]

กิ๋นเข้าแล้วเยียก๋าน ลูกหลานเป็นหนี้เป๋นฆ่า

กิ๋นแล้วนั่ง ผีตั่งผีแตง

กิ๋นแล้วนอน ผีปั๋นปอนหื้อเจ็ดเตื่อ

[yuan lanna]

คำผญา

  ต้นไม้หน่วยนักมักหักกิ่ง
                 คนกำกึ้ดหยิ่งยิ่งหนักใจ
  ต้นไม้หน่วยหลายตายเพราะลูก
                 คนดูถูกเพราะบ่มีผญาปัญญา

   ถอดความ  ต้นไม้ตายเพราะมีผลดกเกิน คนที่ตระหนักทระนงในความคิดสูง มักกลัดกลุ้มหนักใจ
   ต้นไม้ตายเพราะออกผลล่อคนและสัตว์มาทำลาย คนถูกเขาปรามาสเพราะขาดปัญญา

สรุปคือ อะไรที่เกินความพอดี มักจะแพ้ภัยตนเอง

                   ถอดความ(คือลอกมาทั้งปึก) จากไชยณารายณ์