มาแลกเปลี่ยน กำจ้อย กำกลอน กั๋นเจ้า

[ละอ่อนโบราณ]

เจ้าบ่ติดใจ๋ บ่บอกหื้อข้า เมื่อเสียเวลา กล่าวแล้ว
นี้น้องมาจุ๊ วอกเถ้าถูกแฮ้ว ติดหวันโข่ข้าม เครือใย
นกตั้งขันซ้น นกป่าบินไกล๋ จุปี้ดังไฟ บ่ตั้งใหข้าว
ก่อนนั้นอู้กั๋น ข้าๆเจ้าๆ ตกเมื่อลูนไป ล่นละ
ถ้าน้องเป๋นคา ปี้ขอเป๋นป๊ะ ต๋ามใจ๋แห่งเจ้า จักมุง
น้องเป๋นเปลือกไม้ ปี้ขอเป๋นปู๋น น้องเกิดเป๋นปู ปี้เป๋นหมากเกี้ยว
บ่ได้เป๋นคำ ขอเป๋นทองเสี้ยว ปอเป๋นทองแดงไว้ไจ๊
ถ้าบ่ติดใจ๋ บ่มาเซาะไซ้ น้ำใจ๋ใคร่ได้ ตวยเมือ
ยามกึ๊ดรอดน้อง กู้ป้องแฝงเฝือ บ่กึ๊ดตางเมือ บ้านจายสักหน้อย....

[ศิษย์ครูดุ๋ย (ภูซาง)]

คำ บ่เก่ามาฝากครับ.......  คนแ่มีหลายประเภท

   แก่เหนียวหัวหวาย          แก่แดดดายดอก
        แก่หยอกลูกหลาน          แก่หาญแต่ป่า
        แก่ว่าแต่กิ๋น                   แก่บินค้างคาว
        แก่บ่าป๊าวเปลือกหนา       แก่ต๋าไม้ไผ่
        แก่ไก่แก่นกเขา              แก่ซอบดูเงามืด
        แก่ฝืดเห็ดลม                 แก่จมแต่โครต
        แ่ก่โผดนิพปาน               แก่ผายประโยชน์
        แก่โปรดสุรา                   แก่หามาเตื่อม
        แก่เหลื่อมตวยคน            แก่ขวั้นเหนียว...   

[WH_Y]

..สรียินดีเจ้า คนบะเก่าเปิ้นจ้างเปรียบเทียบแต้ว่าเนาะเจ้า..

[TOP_AAD]

...ลุกมาเมื่อเจ๊า ฤทธิ์เหล้าเมาขำ กิ๋นสังบ่ลำ น้ำต๋าวาเบ้า
น้ำลายปอขม เหมือนลมจักเข้า ใจ๋หวิวเนอเฮา ปี้น้อง
ปั่นป่วนปายใน ลมไหลในต๊อง นอนงอหล้องหง้อง ตี้นอน
อาก๋ารจ้ะนี้ จั้งซี่ต้องถอน ลุกจากตี้นอน ถอนเหียสักหน้อย...

ปันเกยเรดิโอ

[เทพบุตรดาวเหนือ เคนชิโร่]

เมื่อก่อนตัดกระดาษห่อข้าวแตนของลำปางไว้ บ่ฮู้เอาไว้ไหน เปิ้นเขียนไว้ดีขนาด

[งัวน้อย]

ฮักน้องมั้นทึ้ง  เหมือนเข้าเหนียวนึ่งติดหนืบติดหนาบ 

[blue dragon]

ซิบแหลม ซาวแหลม บ่าเต้าแหลมใบข้าว
ซิบเหล้า ซาวเหล้า บ่าเต้าเหล้าเดือนเกี๋ยง
ซิบเสียง ซาวเสียง บ่าเต้าเสียงแมงว้าง
ซิบจ้าง ซาวจ้าง บ่าเต้าจ้างเอราวัณ

อายุซิบปี๋ อาบน้ำบ่าหนาว
อายุซาวปี๋ แอ่วสาวบ่าก่าย
สามสิบปี๋ บ่าหน่ายสงสาร
สี่สิบปี๋ ยะก๋านเหมือนฟ้าฝ่า
อายุห้าสิบปี๋ สาวด่าบ่าเจ็บใจ๋
หกสิบปี๋ ไอเหมือนฝ่านคอ
เจ็ดสิบปี๋ บ่าโหกเต็มตัว
แปดสิบปี๋ ไค่หัวเหมือนไห้
อายุเก้าสิบปี๋ ไข้ก็ต๋ายบ่าไข้ก็ต๋าย
จะเอาอันไดไปบ่าได้ซักอย่าง
บ่าเซาะ บ่าวาง บ่าหายหม่นเศร้า
คนบ่าเก่าเล่าไว้มาเมิน  เลยวาง...........

อาขยานล้านนา คับผม

[ละอ่อนโบราณ]

หน้าบ้านก่ไถ หล่ายเหมืองก่ก๊าว เหมือนได้ต่อส้าวสิดาว
ลุกมาเมื่อเจ๊า เออะๆหาวๆ ใจ๋บ่ปอยาว น้ำเหมืองก่แห้ง

[เทพบุตรดาวเหนือ เคนชิโร่]

จ้างเต๊อะบ่ใจ้ตี่ไผ ตี่หัวขั้นไดตี่นอนหมาโก้ง

[SemBe]

  เหน็ด ป๊าด โท๊ะ 

[ILoVePaNgYa]

หลั๊วกบ้านนอกบ่าเต้าซอกก้อกในเวียง
สิบในเวียงบ่าเปียงในคอก
สิบในคอกบ่าเต้าวอกขี้ยา
สิบขี้ยาบ่าเต้าฮาตึงจะฮื้อ
ฮาตึงจะฮื้อ...บ่าเต้าดักจื้อกิ้อเดินหนี

[wat]

เดิกมาม่อยๆ น้ำหญ่อยป่ายก๋อน น้ำหยดบนตี้นอน ก๋ายเปนละอ่อนน้อย
หนุ่มจีบสาวก็ นั่งเตอะ ๆ อย่านั่งตั้ดต๋ง ฟากมันจะไหลลง ต๋งจะไหลข่อน

[hoond8899]

:-*เดิ๊กมาม้อยๆ น้ำย้อยใบต๋อง เจ้าปี้นายน้อง แต่งจ๊อยโตยกั๋น ม่วนงันสันเล้า มีเศร้ามีเหงา สุขตี้จะเอา มาแต่งเจ่นล้ำ.... (มือใหม่อยู่ครับขอคำติชมโตยเน้อคับ)

[mark_yl33]

สุมาเต๊อะรับ ผมฟังมาจากคนเฒ่าม่ะยิ่งของผมน่อมันอาจจะฟังแล้ว ลามกๆแต่มันก่าเปน กำจ้อย กำกลอน
 สีรี่หาหมาขี้ใส่วัด ตุ๊พระกวาดเพี๊ยวตึ่งวัน
ลุกมาม่ะเจ้าครูบามาหั่น เป็นของสำคัญส่องหน้าพระเจ้า
เป็นหมาไผไหนไค่ฮู้จักเจ้า กำคอมาดาบปัด
เจ้าสุวัตเอาคว..แต่งฝา  แต่งไปแต่งมาจับใส่พริกดี
ย่าคำมีเอา ห. ไปแก้  ใจดีมาย่าวๆๆ


อันที่ 2 ครับ
เปิ้นว่าพร้า ตัวว่าเหล็กคม
เปิ้นว่านม  ตัวว่าจิ้นสวด
เปิ้นว่าหนวด ตัวว่าผมยาว
เปิ้นว่าสาว  ตัวว่าม่ะยิ่งหนุ่ม
เปิ้นว่าสุ่ม ตัวว่าไม้บงสาน
เปิ้นว่าขน่าน (อันนี้ลืมครับ )
เปิ้นว่าไก่ ตัวว่าสัตร์สองตีน
เปิ้นว่าปลิง ตัวว่าแมง แด้กแดว

ขำๆๆครับ

[PerZeus]

....หัวใจ๋พี่นี้ ยังบ่มีไผ มานั่งอยู่ใน ห้องใจ๋กว้างกว้าง
บ่มีสาวไหน คนใดแนบข้าง มาเตียวฮ่วมตาง ฮ่วมซ้อน
อยากจะเจิญตั๋ว สายบัวยอดม้อน มาเป๋นกู้อ้อน นอนอิง
จะฮักน้องแต๊ แน่ในใจ๋จริ๋ง บ่จุหลอกญิง หื้อหมองหม่นเศร้าๆ .......

ดีเจแอ๊ด ปันเกย

ผมขอเอาไปลงเฟสบุ๊ค น้อยเน้อคับ

[แก้วยองแหวน]

นรกนั้นไซร้ ไผได้ไปหัน ขอหื้อฟังกำ ข้าจักกล่าวได้
อเวจี๋ นรกต่ำไต้ บ่กั๋วได้ไป และน้อง
ละผัวนายเหีย เปี๋ยข้าเปื่อนป๊อง บ่ผิดแผกห้องบัวราณ
ตกหม้อนรก ข้าจักตกต่าง จ่ายมภิบาล เป๋นหลานป่อข้า
 
ละผัวน้องเหีย เปี๋ยเอาอ้ายเต๊อะ บ่ผิดแบบเบ้า บัวราณ
ตกหม้อนรก อ้ายจักตกต๋าง จ่ายมภิบาล เป๋นหลานป่ออ้าย

[constantine]

เดิ๊กมาม้อยๆ หมาหน้อยไค้หอน อี่น้องงามงอน หลับแล้วกาเจ้า...(ลองผ่อบ่ดายครับ)

[แก้ววอก]

ความฮักความแปง      มันแฮงยิ่งนั๊ก
บ่สามารถเกิ้ง      เจิงจาย
เขาสูงส่งล้ำ      ดอยแดนหลวงหลาย
ยามคิดเถิงนาย      ปี้บุบุ่นได้
แม้นทะเลหลวง      ลึกหยั่งลงใต้
ชลาลัย         เจี้ยวเลิก
บ่มีไผ๋         ลงไปฮอดเติ๊ก
บ่สามารถเกิ้ง      ตัวจาย

ฝากเพจนี้ตวยครับ http://www.facebook.com/pages/%E0%B8%85%E0%B8%99%E0%B9%80%E0%B8%A1%E0%B8%B7%E0%B8%AD%E0%B8%87%E0%B8%AD%E0%B8%B9%E0%B9%89%E0%B8%81%E0%B8%B3%E0%B9%80%E0%B8%A1%E0%B8%B5%E0%B8%A2%E0%B8%87/335031429913598

[mattang07]

น่าฮักอย่างน้อง บ่าต้องกลั๋วไผ่ โพสหยั๋งก่อดาย อ้ายตึงไลท์หื้อ อ้ายตึงไลท์หื้อ

[super-k]

    เมืองเจียงฮาย     บ้านหลายจองนัก     คนแอ่วคึกคัก       มาพักล้นหลาม
อยู่เหนือสุดแคว้น    ดินแดนสยาม         เมืองแห่งสาวงาม    ลือนามอย่างอั้น...