เซาะหาอาคารไม้หลังใหญ่ตี้สุดของ จ.เจียงฮาย

[เชียงรายพันธุ์แท้]

ใกล้ๆบ้านท่านใดมีอาคารไม้หลังใหญ่ๆ
หรือถ้าเกยหันตี้ไหน จ่วยบอกกำเน่อครับ
ถ้ามีฮูป มีขนาดตวย มีประวัติ จะดีขนาด

หลังใหญ่สุดตี้สำรวจปะต๋อนหนี้ เป๋นโฮงคัด-อัดใบยาแห้ง
ต๋าบ่มป่าสักขวาง* (สถานีใบยาป่าสักขวาง)
ต.ห้วยไคร้ อ.แม่สาย จ.เจียงฮาย
แป๋งแล้ววันตี้ 30 มีนาคม 2499
ขนาด 12x50 เมตร

*จื่อต๋าบ่มตั้งโตยจื่อบ้านป่าสักขวาง ต.แม่ไร่ อ.แม่จัน จ.เจียงฮาย
ย้อนว่าเตียวข้ามหล่ายขะหนนไปก็เป๋นเขตบ้านป่าสักขวางแล้วน่อครับ

อาคารหลังหนี้แป๋งสมัยตี้ยาสูบเป๋นพืชเศรษฐกิจอันดับ 2 ของจั๋งหวัด รองจากข้าว
แต่หลัง พ.ศ.2530 มา ยาสูบเริ่มหมดความสำคัญลง
เยียะหื้อเปิ้นเตโฮงบ่ม เตต๋าบ่มไปหลายตี้ เหลืออยู่บ่าเดี่ยวบ่กี่ตี้น่อ
อาคารหลังนี้นอกจากจะใหญ่แล้ว ยังเป๋นหลักฐานตางประวัติศาสตร์
แสดงเถิงพัฒนาก๋ารตางเศรษฐกิจของ จ.เจียงฮาย เป๋นอย่างดี

ผมยังผ่อบ่ไคว้เตื้อว่ามีอาคารไม้หลังอื่นๆตี้ใหญ่กว่าหนี้ก่อ
เลยขออยากความกรุณาท่านสมาชิก เผื่อไผได้ปะอาคารไม้หลังใหญ่ๆ
จะได้เอามาปั๋นกั๋นผ่อน่อ
บ่แน่ว่าอาคารตี้ท่านปะอาจเป๋นหลังตี้ใหญ่ตี้สุดใน จ.เจียงฮาย ก็ได้ครับ

[yayong]

คุกเก่าที่สวนตุงครับ

[recycle.j]

สุดยอดครับ อยากหันตางในครับ

[เชียงรายพันธุ์แท้]

ต๋าบ่มป่าสักขวาง อยู่ก๋างตางไปแม่สายครับ
ไผได้ไปแอ่วแม่สาย ก็แว่ไปผ่ออาคารหลังหนี้ได้ครับ

[booboy]

อาคารโรงเรียน สันโค้งฯ และ อาคารโรงเรียนสามัคคีฯ อำเภอหลังเก่า หอนอนในค่ายทหาร  ครับ

[เชียงรายพันธุ์แท้]

คุกเก่าที่สวนตุงครับ

อาคารโรงเรียน สันโค้งฯ และ อาคารโรงเรียนสามัคคีฯ อำเภอหลังเก่า หอนอนในค่ายทหาร  ครับ

ขอบคุณจ้าดนักครับ
จากรายจื่ออาคารตี้แนะนำมา เกยไปสำรวจมาแล้วครับ ยกเว้นหอนอนตะหานในค่าย
ส่วนอาคารโฮงเฮียนสามัคคีฯ บ่เหลือตี้เป๋นไม้แล้วครับ นอกจากบ้านพักครูบางหลัง
ตึก 1 ตี้เก่าตี้สุด ก็เป๋นปู๋นครับ

[kajorn]

โรงแรมขุนยม ก็ใหญ่หนาครับ

[A BB OffRoad Freedom Club]

บ้านดำอาจารย์ถวัลย์ ผมว่าก่อใหญ่เหมือนกันเน้อลองไปผ่อดูเต๊อะครับ

[bass031]

http://image.ohozaa.com/view/38igl
ห้าเชียงทางไปสามเหลี่ยมทองคำก็ใหญ่น่ะครับ
เครดิตภาพจากลิงค์นี้ครับ
http://www.lannabiketrip.com/webboard/viewtopic.php?t=8190&view=previous