ค่าว สาวซิ่นสั้น...

[หนุ่มวัยทอง]

     ปุ๊ดโถ ธัมมา เก๊าขาอี่น้อง        หันแล้วไฟต๊อง  วาบแผวสันหลัง
ซิ่นสั้นเหลือล้ำ เขินเนื้อเขินหนัง    ตึงบ่ระวัง  ละหลังเขินหน้า
ซิ่นสั้นเหลือใจ๋  เนื้อในฮ่มผ้า         ปอหันคันนา  อี่น้อง
     ยามย่างยามเตียว  คนเหลียวผ่อซ้อง    มันเสียวแสบใส้  ในทรวง
นั่งโต๊ะไขว่หง้อน  ผ่อเล๊าะตั๊ดก๋วง             มันเป๋นแต่ดวง  ตั๊ดต๋าคนเฒ่า
หันง่ามง๊ะขา  ของนางน้องเหน้า               หน้ามืดมัวเมา  ปั่นซบ
     เวรก๋รรมอะหยั๋ง  เกิดมาได้ป๊บ       สาวนุ่งซิ่นสั้น  เมืองไทย
สาวจี๋อ่อนน้อย  หน้าหม๊ดต๋าใส          แต่ว่าตางใน  จิตใจ๋ขุ่นข้น
หน้าด้านยางหนา  ละขาละก้น           บ่อายผู้คน  ปี่น้อง
     ละเขินขี้ดือ  มะด๊อกห้อยก๊อง     ละหัวเหน่าเจ้า  ออมปอม
หน้าอกอี่น้อง  วาดก่ำเบ้อต๋อม         เก๊าแขนนายฮอม  เป๋นฮูปก่ำบี้
บ่ใจ่ว่าผม  จ๋าสัปปะหลี้                  มันหาตึงมี อย่างนั้น.....

ยังมีต่อแหมจ๊าดนัก   ขอขอบคุณปี้หนานอ้วนเน้อ....

[nansom]

เข้าท่าดี เอาไปที่บทกลอนจะดีมาก

[>:l!ne-po!nt:<]

มีแห๋มก่อครับ อ่านม่วนดีแต้

[suth]

ขอจ๋นจบได้ก่อครับผมหุมเล่าค่าว แต่เขียนคนเดียวบ่จ้างครับ